الموضوع: (فيروز) رفعت رأسنا يارجالة....غرز مميتة على 90 بال127 الايطالى....هو دة الثبات

لما كنت فى سنك كنت باعمل كده برضه
لكن لما إتجوزت وكبرت عرفت إن العربيه وظيفتها توصلنى لمشوارى اللى أنا عايزه بسلام وهدوء- موش أتحدى بيها خلق الله
لإن لما أثبت لنفسى ولخلق الله إن العربيه اللى راكبها عربيه ماحصلتشى ده موش معناه إن أنا واحد ماحصلتش
لا : ده معناه إن الشركه اللى أنتجت العربيه شاطره- وعملت دعايه ليها من غير ما أستفيد منها حاجه - على العكس خسرت كتير لإنى تعبت عربيتى اللى دافع فيها فلوس وشديت عليها فى هذا التحدى و عرضتها لإحتمال تعرضها لحادث - والله أعلم إيه تانى
لأن إنت كل المحهود اللى عملته فى هذا التحدى إنك دوست على دواسه البنزين وأعتقد إن ده موش صعب حتى لو على أى بنت إنها تعمل كده
لكن اللى خلاك تكسب التحدى هو قوه العربيه اللى إنت راكبها - وده مالكش فضل فيه نهائيا
وعموما وأتحداك بكره لما توصل لسنى هيكون ده تفكيرك - دى مراحل ولازم الكل يمر بيها

المشاركة الأصلية كتبت بواسطة Ahmed20_08nubira

بغض الظر عن النصايح وخلافة
الماروتى تطلع من ال 127 لو الطريق مفتوح
عربية ريشة
موتورها احدث من 127
خفيفة وتسارعها حلو
عربية احدث من 127 فى كل شىء

الماروتى لا يمكنها الطلوع من ال127 بتاتا!
ال127 محركها 900 سى سى يولد 45 حصانا ووزنها على ما اذكر فى حدود ال750 كغ.
الماروتى 800 سى سى محركها اضعف كثيرا و يولد 37 حصانا, و لكن وزنها اخف قليلا 650 كغ.
أعتقد انو ال127 اسرع , لأن العربيتين دفع امامى.

المشاركة الأصلية كتبت بواسطة فادى

الماروتى لا يمكنها الطلوع من ال127 بتاتا!
ال127 محركها 900 سى سى يولد 45 حصانا ووزنها على ما اذكر فى حدود ال750 كغ.
الماروتى 800 سى سى محركها اضعف كثيرا و يولد 37 حصانا, و لكن وزنها اخف قليلا 650 كغ.
أعتقد انو ال127 اسرع , لأن العربيتين دفع امامى.

و لكن متنساش يا باشمهندس فادي أن الماروتي موتورها جديد و لسه بخيره فهايطلع القوة بتاعته كلها

إنما ال 127 عربية قديمة و مصنوعة من 30 سنة و مستهلكة …....... و مش بتطلع 45 حصان

هو الواحد لو ياخد غرز يتاخد مخالفة (قيادة غير امنة) ولا أمتة

المشاركة الأصلية كتبت بواسطة bmw323

هو الواحد لو ياخد غرز يتاخد مخالفة (قيادة غير امنة) ولا أمتة

المفروض تتأخد مخالفة

بس سيبك من المخالفة

يا جماعة الغرزة دي خطر جدا جدا جدا جدا جدا

الناس اللي بتعملها مش بتحس بيها زي الناس اللي بتتعمل فيها .

لما تلاقي واحد جاي حاشر نفسه أدامك و في حتة صغيرة
بتضطر تفرمل علشان لو مفرملتش …..... هاتخبط فيه أو تحكوا في بعض

بالاضافة أن الغرزة دي بالظبط زي الطابور
لما تلاقي واحد عامل فيها أنصح أخواته …..... و مش عايز يقف طابور …..... و يدخل يسرق حق الناس في الدور …...... علشان هو فهلوي و ناصح .

بس للآسف دي سرقة ….... و قلة أدب طبعا .

و هانضيف على موضوع السرقة هو أن الغرزة بتعرض حياة الناس للخطر .

على فكرة في أنجلترا مثلا لو عملت غرزة العقوبة بتكون :


غرامة كبيرة و ممكن توصل لمليون جنيه أسترليني لو تسبب في موت أحد و 5000 جنيه استرليني لو لم يتسبب في موت أحد


وقف لرخصة القيادة لمدة سنتين أو الغائها تماما حسب الأخطار الناتجة عنها .


سجن لمدة لا تقل عن 10 سنوات إذا تسبب في موت أحد أو سنتين لو لم يتسبب في موت أحد

يا سلام لو يعملوا هنا كدا في مصر ….....و الناس مش عاجبها يومين حبس بسبب السير العكسي

على فكرة يا جماعة موضوع الغرز والشد دة موضوع مقرف اساسا......مافيش احسا من السواقة الهادية تستمتع بالطريق وانت ماشى وتقدر تتحكم احسن فى العربية وربنا يستر علينا كلنا ......بس يا جماعة والله بتاع الماروتى هو اللى كان واد متفيرس كدة ومستفز وشكلة مامتة جايبهالة يتدلع بيها.........وهو اللى استفزنى جدااااااا بنظراتة .....محسسنى انة راكب عربية بجد......
دى ال127 برقبتها على الاقل عربية قديمة فعلا بس ايطالى .....وفى زمنها كانت ابداع وبراعة فى التصميم.....وثابتة عن الماروتى بكتير واوسع بكتير مع انها وياترى عايزين نشوف الماروتى بعد 30 سنة كدة هيبقى فى حد لسة راكبها .......