دايو اتوماتيك

**besso33** · 20-04-2009 08:08 PM

سيارتي لانوس اتوماتيك موديل 98 وعاملة معايا 150000 كم والحمد لله شغالة معايا كويس بس عندي مشكلة تعباني شوية في الفتيس الأوتوماتيك بتاعها وهي اني لما أبدأ السير من الوقوف في اي مكان اجد احيانا عند وصول السيارة الي 40 كم/ساعة ان لفات الموتور تفضل تزيد والسرعة تثبت وصوت الموتور يعلي اوي خصوصا في المطالع فبأضطر قبل ما يحصل ده اني اشيل رجلي من علي دواسة البزين وارجعها تاني فتنضبط السيارة قبل ما يحدث هذا الفعل وغيرت زيت الفتيس ومع ذلك ظلت السيارة كماهي فممكن اعرف ايه الحل او ترشدوني لأحد الفنيين المهرة في الفتيس الأتوماتيك وشكرا لكم جميعا
رد باقتباس

**samirayad** · 20-04-2009 09:28 PM

وغيرت زيت الفتيس ومع ذلك ظلت السيارة كماهي فممكن اعرف ايه الحل

معلش فيه سؤال لما غيرت زيت الفتيس المره السابقه .......كان لونه أسود مثلا

**besso33** · 20-04-2009 10:59 PM

المشاركة الأصلية كتبت بواسطة samirayad

معلش فيه سؤال لما غيرت زيت الفتيس المره السابقه .......كان لونه أسود مثلا

لون الزيت كان احمر بس غامق شوية عن الجديد طبعا

**samirayad** · 20-04-2009 11:12 PM

طيب ماتغير فلتر الزيت بالمره .....وأطمن برضه على كفاءة سربتينة تبريد الزيت .........وجرب لأن كده الكلاتشات كويسه طالما الزيت القديم كان كويس كده

**besso33** · 21-04-2009 01:09 AM

علي فكرة انا غيرت الفلتر عند تغيير الزيت ومازالت المشكلة موجودة

**samirayad** · 21-04-2009 01:22 AM

طيب سرعة السلانسيه عندك كام تقريبا.......أعتقد أنها عاليه

**besso33** · 22-04-2009 03:33 AM

المشاركة الأصلية كتبت بواسطة samirayad

طيب سرعة السلانسيه عندك كام تقريبا.......أعتقد أنها عاليه

اولا انا شاكر جدا لإهتمام حضرتك بالرد وثانيا سرعة السلانسيه تقريبا 800 او 850 أر بي ام

**samirayad** · 22-04-2009 08:05 AM

هى السلانسيه كده عشره على عشره......

_ياريت بقه تعمل الحاجتين دول ومش حيكلفوك شىء يذكر

1_ تسليك ونظافة الردباتير ....وبالذات سربنتينة زيت الفتيس

2- ضبط مستوى الزيت جيدا.....ويفضل على الساخن........لأننى أعرف أن عصاية القياس عليها مقاسين (بارد وساخن ) فى بعض الأنواع ومش عارف هل عندك نفس النظام (واعتقد حيكون كده برضه )

**sab3aawy** · 22-04-2009 11:18 AM

زى ما مهندس سمير قال لك : ابدا بالأشياء الآتية

1- تسليك الردياتير
2-ضبط مسنوب الزيت( هو انا اعتقد ان اللانوس مافيهاش مقياس زيت للجير الأوتوماتيك لكنى مش متأكد)
3- خفض سرعة التباطؤ الى 700-750

لو ده مجابش نتيجة معاك اقترع عليك تراجع ضبط ال تى بى اس وتعمل learning للمحرك عند مركز لديه سكانر

لو ده مجابش نتيجة معاك يبقى نتكلم تانى ساعتها لأن مفيش داعى نكبر الأمور فى الوقت الحالى ودعنا نفترض الأحسن

**besso33** · 23-04-2009 12:18 AM

اولا انا شاكر جدا للمهندس سمير والاستذ سبعاوي علي اهتمامهم بالرد علي مشكلتي ولكن لي استفسار وهو
1- سيادتك تقصد بضبط مستوي الزيت ، زيت الفتيس ولا زيت الموتور لأن عندي مستوي زيت الموتور مضبوط وبيبان عند قياسه والسيارة باردة أما زيت الفتيس مقياسه بيبان من خلال الطبة بتاعة الفتيس لذا ارجو توضيح الزيت المقصود
2- الاستاذ سبعاوي بيقترح اني اخفض سرعة السلانسية الي 700-750 مع ان المهندس سمير قاللي انها ممتازة فهل فعلا اقوم بتقليلها وكيف يمكنني عمل ذلك
3- كيف يمكنني عمل ضبط للتي بي اس وهل الLearning هو نفسه اللي بيتعمل لل Idle control وشاكر جدا جدا