مساعدة اخوية من دكاترة المنتدى بجد بسرعة ....

بسم الله
انا ليا صديقى المقرب اسمة احمد
لسة النهاردة الصبح بس لقيتة بيقولى انا عندى مشكلة ومخليانى ماباعرفش انام قلتلة اية
قالى انا عندى ورم فى رجلى اصغر من الزيتونة وخايف اروح اكشف الاقى حاجة مش ولا بد
ومابتوجعنيش بس لما باحط ايدى عليها باحس انها اسخن من باقى الرجل
قلتلة طيب انا ممكن اصورها وانزلها على المنتدى ونشوفها فوافق وانا صورتها ودى الصورة بس دول شوية ملاحظات
هوة وزنة زيادة (زيىى)
والوروم فى الرجل اليمنى
ولما المسة باحس بحرارة
وهوة عندة دوالى (خصية)
من هوة وصغير وكذا دكتور قالوا دى عادى ومفيهاش مشكلة
ومفيش كسور او شروخ او صدمات حصلت فى الرجل دى خالص او غيرها


وربنا يشفية
بس المشكلة ان مفيش حد من اهلة يعرف بموضوع الورم دة وهوة جبااااان جدا ومش راضى يروح لاى دكتور خالص
او حتى صيدلية
خايف لتطلع حاجة وحشة
والموضوع دة ظهرلة من 3 سنين وخايف يقول حد
وانا الوحيد الى اعرف ياريت الاقى عندكم جواب لمشكلتة و دى الصورة

http://up.arabseyes.com/upfiles/2CY47736.jpg

ممممممممممم


هونا مش شيفاه كويس بس اعتقد هي بداية دوالي في القدم اليمني

اقتباس:

---

ممممممممممم


هونا مش شيفاه كويس بس اعتقد هي بداية دوالي في القدم اليمني

---

شكرا على استجابتك بس دى من حوالى 3 سنين هوة الدوالى يتاخد الوقت دة كلة ؟

انا شايف انتفاخات متعددة مش ورم او انتفاخ واحد يعنى
...............................................ز
لو الأنتفاخ او الورم ده بينضغط باليد يبقى احتمال كبير جدا يكون دوالى لو بيقل برفع القدم فوق مستوى الجسم لو بيزيد بتنزيل القدم تحت مستوى الجسم ممكن يكون برضه دوالى
.................................................. .
اسباب الدوالى وممكن تكون الأسباب دى موجودة زيادة الوزن الوقوف فترات طويلة

الصوره مش واضحه
بس لو الورم ده بيتحرك تحت الجلد يعني ممكن يمسكه بايده ويحركه يمين وشمال احتمال يكون كيس دهني الافضل استشاره طبيب جراحه عامه

بس ازاي يسكت على نفسه المفروض يروح لدكتور او اي شخص يكشف عليه
حتى لو جبان وخايف من الناس والدكاتره المفروض واجبك انت انك توديه
وتقول للكل عشان تشيل منه عقدة الخوف او انت ممكن تشيل ذنبه
موضوع الشعور باي مرض لايمكن ينسكت عليه لمدة يوم حتى
لان اي فيروس او بكتيريا مع الوقت بتتضاعف وتزيد قوتها
وتسيطر اكتر على الجسم وسعتها بيكون العلاج في صعب
فا امشي دائما مع المثل القائل الوقاية خير من العلاج

اعتقد ان حاجة موجوده من تلات سنين باذن الله هى مش حاجة وحشة خالص
ممكن تكون دوالي
ممكن تكون كيس دهني تحت الجلد و هو ما يعرف ب ال lipoma
ممكن تكون تكتلات عصبية و هي ما تعرف ب ال neuroma
طول المده الزمنية اعتقد انه ينفي الاحتمال بوجود ما يدعو للقلق
تمنياتي بالشفاء

اقتباس:

---

انا شايف انتفاخات متعددة مش ورم او انتفاخ واحد يعنى
...............................................ز
لو الأنتفاخ او الورم ده بينضغط باليد يبقى احتمال كبير جدا يكون دوالى لو بيقل برفع القدم فوق مستوى الجسم لو بيزيد بتنزيل القدم تحت مستوى الجسم ممكن يكون برضه دوالى
.................................................. .
اسباب الدوالى وممكن تكون الأسباب دى موجودة زيادة الوزن الوقوف فترات طويلة

---

اة هما اكتر من ورم دول كذا واحد حوالى 6 وهوة لما بينضغط بالايد بيدخل لجوة ويرجع تانى زى اى جزى فى الجسم بس هوة املس شوية



وانا كلمتة دلوقتى وقلتلة ارفع رجلك وانت نايم ونزلها قالى لما بانام على ظهرى وارفع رجلى على كرسى ولا حاجة الاورام بتختفى تممام ولا اكن فية حاجة خالص ولما بيوقف بيبتدوا يظهروا تانى

فدىيا اية دوالى؟؟؟ ولو دوالى خطورتها اية؟

اقتباس:

---

الصوره مش واضحه
بس لو الورم ده بيتحرك تحت الجلد يعني ممكن يمسكه بايده ويحركه يمين وشمال احتمال يكون كيس دهني الافضل استشاره طبيب جراحه عامه

---

لا مبيعرفش يمسكة

اقتباس:

---

بس ازاي يسكت على نفسه المفروض يروح لدكتور او اي شخص يكشف عليه
حتى لو جبان وخايف من الناس والدكاتره المفروض واجبك انت انك توديه
وتقول للكل عشان تشيل منه عقدة الخوف او انت ممكن تشيل ذنبه
موضوع الشعور باي مرض لايمكن ينسكت عليه لمدة يوم حتى
لان اي فيروس او بكتيريا مع الوقت بتتضاعف وتزيد قوتها
وتسيطر اكتر على الجسم وسعتها بيكون العلاج في صعب
فا امشي دائما مع المثل القائل الوقاية خير من العلاج

---

انا والله عملت كدة وقلتلة اننا رايحيين النادى واول ما نزل معايا رحت حجزت عند دكتور وقلتلة يلا بينا قالى لايمكن وعمل الف مشكلة معايا

اقتباس:

---

اعتقد ان حاجة موجوده من تلات سنين باذن الله هى مش حاجة وحشة خالص
ممكن تكون دوالي
ممكن تكون كيس دهني تحت الجلد و هو ما يعرف ب ال lipoma
ممكن تكون تكتلات عصبية و هي ما تعرف ب ال neuroma
طول المده الزمنية اعتقد انه ينفي الاحتمال بوجود ما يدعو للقلق
تمنياتي بالشفاء

---

شكراااا وربنا يجيب العواقب سليمة

اقتباس:

---

فدىيا اية دوالى؟؟؟ ولو دوالى خطورتها اية؟

---

ياريت تقولوا لانة مستنى وانا مستنى واكتر منة

يفندم هي ملهاش خطورة كبيرة خصوصا لو لسه في البداية

يعني علي حسب المرحلة اللي هو فيها دلوقتي

لو كاننت بتضايقه وتسببله الام في المشي ولا لا


ممكن يكتفي بنوع معين من الشرابات

او يتم اجراء جراحة له وهي مش خطيرة خالص وبسيطة جدا ان شاء الله

اقتباس:

---

يفندم هي ملهاش خطورة كبيرة خصوصا لو لسه في البداية

يعني علي حسب المرحلة اللي هو فيها دلوقتي

لو كاننت بتضايقه وتسببله الام في المشي ولا لا


ممكن يكتفي بنوع معين من الشرابات

او يتم اجراء جراحة له وهي مش خطيرة خالص وبسيطة جدا ان شاء الله

---

شكرااااااا طمنتينى وطمنتية
وبعدين انا مش افندم انا 18 سنة بالعافية يعنى لسة نونو هههههههههههههههه انتم عاوزين تكبرونى لية وشكراااااااا والله انتى ال افندم

الاحترام مش بالسن

يا


يافندم بردوا :w6266d

من كلامك كده دي دوالي بنسبة 90 % خاصة انه عنده دوالي الخصية زي ما وصفت , ممكن تلاقي والده او والدته عندهم دوالي يعني العملية وراثة , عامة الدوالي مفهاش مشكلة طول ما هو مبيشتكيش منها بس ممكن يستخدم أنواع معينة من الأربطة أو الشرابات عشان يمنع تمددها و طبعا الحل النهائي ليها هو جراحي ( حاجة بسيطة مش معقدة ).
طبعا الدوالي معناها تمدد الأوردة ( عشان كده بتبقى دافية عشان درجة حرارة الدم) و دي نتيجة حاجتين :
-الأولى: ضعف جدار الأوردة و ده بيبقى وراثي ( ده نفس حالة صاحبك ).
-الثاني: انسداد في مجرى الوريد ( مستبعد يكون ده السبب بس لازم ياخد حذره و يعمل فحص عشان يستبعده نهائيا.
دوالي الساقين خطورتها ضعيفة و مش واردة لكن دوالى الخصية بتأثر على الخصوبة عشان كده انصحة ياخد باله و يعلاجها.
أرجو اني أكون أفدتك و ألف سلامة عليه.

شكرا يا ميدووووووو ولكل الى ردوا على الموضوع

دي طبعاً في الغالب دوالي الساقين ممكن يدعكها بالليمون ولازم يروح يكشف