+111111111111111111:S_thum1[1]:
عرض للطباعة
طيب يا ابو حميد طالما مش هتبيع عربيتك يبقى ربنا يخليك تساعدنى
و تقولى اشترى موديل ايه من 1997 الى 2003
و ادور على 1600 ولا 2000 سى سى
بصراحة احترت على الأخر
الفروق بين الموديلات دى مش كبير
اى حاجة منهم حالتها كويسه يبقى تمام
بس اكيد كل ما تجيب موديل احدث يبقى احسن
بالنسبة للموتور
1600 عادى العربيه هتبقى تقيله فى الطلعه وطبعا مانيوال بس اسهل فى الصيانه واستهلاك بنزين كويس
2000 عادى هيبقى تمام على العربيه بس استهلاكه عالى شوية للبنزين
1600 ايكوتك سمعنا ان فيه مشاكل وبيضرب الكنترول بسرعه
2000 ايكوتك الاقوى والاحسن فى الاداء والاستهلاك (استهلاكة تقريبا زى ال 1600 العادى) بس كله حساسات وطبعا تكلفه الصيانه عاليه
مش عارف فى موديلات نزل مصر بال 2000 سىسى الايكوتك ولا كل اللى فى مصر مسقطين المتور ده (الا لو العربيه CDX اصلى)
شوف انت عايز ايه واختار
خليك يا 1600 عادى
يا 2000 أيكوتك
و شوف أنت بتحب المانيوال ولا الأوتو
متشكر جدااااااااااااااااااااااا ااااا
كده قللتوا الإختيارات اللى قدامى لعربيتين بس
انا قدامى عربية موديل 2002 فضى 1600 مانيوال عاملة 65 ألف كيلو و حالتها كويسة طالب فيها 65 ألف جنيه
و عربية تانية 2001 سمراء اتوماتيك 2000 سى سى عاملة 80 ألف كيلو و حالتها معقولة طالب فيها 75 ألف
ياريت تساعدونى
سؤال تانى أخير
بالسعر ده ( سبعينات) ممكن أركب باسات موديل أخر التسعينات أو بورا موديل أول الألفين . هل أفكر فى فيهم أحسن ولا الأوبل أحسن
للمعلومية انا معايا لانسر 97 مانيوال و فكرت فى الألمانى بإعتبار انى بتحرك كتير (حوالى 200 كيلو فى اليوم ) و قلت الألانى هيستحملنى أكتر .
ما رأيكم دام فضلكم :U_thin1[1]:
طبعا الاوبل احسن . بالاضافه ان تكلفه صيانه الفولكس خياليه . انصحك بالمانوال ال 1600 بس حاول تنزل كمان شويه
بالنسبة للاوبل العداد انا شاكك فيه
انا بنفسى شوفت عدادات اوبل بتتعدل فيها الارقام بالكمبيوتر عادى جدا
لازم تكشف عليها كويس
والسعر انا شايفه مناسب بس اعتقد السوق حاليا ممكن يقلل السعر شوية
بالنسبة للفولكس
العربيات اللى قولتها محترمه ومحدش يقدر يقول كلمه عليهم
بس الباسات اعتقد هتقى تقيله عشان غالبا 1600 سىسى
شوف انت مرتاح لمين اكتر
اعتقد فرق الصيانه وقطع الغيار مش كبير بين اوبل وفولكس
ما تكتبلى رقم تليفونك يا هندسة
اكيد هستعين بيك كتير لحد ما اشترى العربية
و أكون شاكر جداااااا
محتاج مساعدتكم يا شباب
العربيتين اللى قلت عليهم دول طلعوا اى كلام
شوفت النهاردة عربية 2003 مانيوال 1600 عاملة 131 ألف كيلو و طالب فيها 65 ألف جنيه
هاخدها التوكيل بكرة الصبح ان شاء الله ارفعها و اشوف كل حاجة فيها
هى حالتها من جوه كويسة لن رشة برة بالكامل ما عدا السقف
لكن الدبرياج عالى و دواسة البنزين تقيلة و الفتيس كمان تقيل
انا صحيح مسوقتش اوبل قبل كده لكن اكيد من الطبيعى فى الالمانى يبقى الفتيس تقيل كده
انصحونى اعمل ايه و اكشف على ايه بالظبط فى التوكيل
ملحوظة
فيه عربية تانية فى الوسيط 2003 اتوماتيك 2000 سى سى عاملة 160 ألف كيلو و بيتكلم فى 70 ألف اشوفها أحسن من المانيوال ؟ انا صحيح بحب المانيوال لكن محدش يكره الراحة فى الاوتوماتيك