عرض للطباعة
إن شاء الله قريب هشترى سبارك بس محتار ...
اجيب سبارك من غير باور ب 52 الف
و لا اجيبها باور ب 55 الف
هل موضوع الباور مهم جدا للسيارة علما بأنى لسه متعلم سواقة جديد ودى انشاء الله هتكون اول عربية ليا
شكرا جزيلا
****************
برجاء مراعاة الدقة في كتابة اللفظ المشار إليه باللون الأحمر (قمت بتعديله للصواب)
مشرف الأمريكي العام
هيكون اريح بس اكيد فى فرق فى الكماليات تانى غير الباور
شكرا bmw323 على الرد
مش قصدى على الكماليات التانية انا قصدى على الباور بس
هل عدم وجوده متعب جدا للسائق إالى الحد اللى ان الواحد يدفع 3 تلاف جنيه فرق؟
ام انه مش مؤثر قوى ؟
طبعا الباور مهم جدا ويستاهل ال 3 الاف
لكن بيتهيألى ان السبارك اصلا خفيفه ومش هتبقى متعبه لو مفيهاش باور
هو طبعاً مهم بس العربية صغيرة وخفيفة ..مش هاتبقى متعبة ..وغالبا مش هاتحس بيه غير لما تيجي تركن
رأيي وفر الـ 3000 جنيه
وهي أصلا هاف باور
لا يباشا ريح دماغك وادفع ا3 الف وريح نفسك
جرب دى و جرب دى
مش حتفرق اوي علي فكره خصوصاً في عربيه صغيره..انا رأيي توفر الـ 3000 جنيه لأن الموضوع مش موضوع فلوس وبس ولكن حتتفادي اي اعطال كمان في نظام الباور ...طبعاً ده مش منطق يسري علي كل حاجه و لكن بالنسبه للبور انا شايف انه لعربيه صغيره مش مهم اوي و ينحصر الفرق الوحيد اثناء الركنه فقط لأنك بتلف الدركسيون والعربيه وقفه غالباً مش وهي بتتحرك وحتي في هذه الحاله الموضوع مبيكونش بهذه الصعوبه ولكن اثناء المشي لا فرق يذكر بل علي العكس انا شايف ان عدم وجود الباور في عربيه خفيفه وصغيره افضل واأمن في السرعات العاليه
وعن تجربه بقي...انا عربيتي اتوس خليجي ونزلت قبل ما غبور ينزلها وهي مفيهاش باور و بتاعت غبور فيها باور و سوقت الأثنين و الفرق ميستحقش ابداً الـ 3000 جنيه
شكرا لجميع الاعضاء المحترمين على أرائهم
إن شاء الله ناوى اشترى سبارك من معرض اتوماك الجاى ... يا رب يكون عليها عروض كويسة أو يمكن تكون فيه عروض احسن عند هيونداى واشترى i 10
من غير باور هتقرفك فى الركنة فى الأماكن الضيقة
و بيبقى الدركسيون تقيل و ده غالباً لأن الموتور الـ 4 سلندر وزنه كبير عن الـ 3 سلندر