مشكلة كبيرة في نصر 127 ارجو المساعدة

**thegoodhacker** · 20-04-2009 11:20 PM

العربية احيانا عند وضع مفتاح الكونتاكت و محاولة ادارتها اجد ان لمبات التابلوه بتنور معايا عادي و لكن لا يدور المحرك ولا اسمع حتي صوت اي استجابة من المحرك .......
جربت اشغل الكاسيت و انوار العربية وجدتها شغالة عادي جدا يعني كده المفروض ان البطارية سليمة .....
الغريب ان بعد كذا محاولة وجدت ان المحرك استجاب و دارت العربية..... تبقي المشكلة في ايه ؟

**samirayad** · 20-04-2009 11:37 PM

تبقى المشكله فى المارش...................

**maka** · 21-04-2009 03:08 AM

المشاركة الأصلية كتبت بواسطة thegoodhacker

العربية احيانا عند وضع مفتاح الكونتاكت و محاولة ادارتها اجد ان لمبات التابلوه بتنور معايا عادي و لكن لا يدور المحرك ولا اسمع حتي صوت اي استجابة من المحرك .......
جربت اشغل الكاسيت و انوار العربية وجدتها شغالة عادي جدا يعني كده المفروض ان البطارية سليمة .....
الغريب ان بعد كذا محاولة وجدت ان المحرك استجاب و دارت العربية..... تبقي المشكلة في ايه ؟

المشاركة الأصلية كتبت بواسطة samirayad

تبقى المشكله فى المارش...................

بس مش المارش المفروض بيطلع صوت زى شحير لما يكون بايظ

**sweetheart_** · 21-04-2009 07:59 AM

اعتقد ممكن شربون المارش عايز يتغير زى عندى بس انا لسه معملتهموش ودا اللى وصلت ليه من الاعضاء اللى هنا ولو عايز تتاكد انه شربون المارش لما تعلق معاك خبط على المارش لو اشتغلت يبقى هو ودا اللى عرفته .

**samirayad** · 21-04-2009 08:22 AM

المشاركة الأصلية كتبت بواسطة maka

بس مش المارش المفروض بيطلع صوت زى شحير لما يكون بايظ

لالحظ أن العربيه دارت بعد كذا محاوله......يعنى البطاريه عشره على عشره.....

_ وبالتالى العيب من المارش هو أقرب حاجه (عاوز جلب_ ترس البندكس تعبان _ شربون عاوز يتغير _ عضوالتوحيد عاوز يتفلج ويتنظف _ محتاج رفع عزل ....وهكذا )...........

_ وربنا يستر ميكونش فيه عيب فى أسنان الفلام .....وده بنسيبه آخر عيب محتمل..............

_ وياباشا أنت الكهرباء كلها..........

**maka** · 21-04-2009 02:41 PM

المشاركة الأصلية كتبت بواسطة samirayad

لالحظ أن العربيه دارت بعد كذا محاوله......يعنى البطاريه عشره على عشره.....

_ وبالتالى العيب من المارش هو أقرب حاجه (عاوز جلب_ ترس البندكس تعبان _ شربون عاوز يتغير _ عضوالتوحيد عاوز يتفلج ويتنظف _ محتاج رفع عزل ....وهكذا )...........

_ وربنا يستر ميكونش فيه عيب فى أسنان الفلام .....وده بنسيبه آخر عيب محتمل..............

_ وياباشا أنت الكهرباء كلها..........

الله يخليك

وهو شكله فعلا عيب فى المارش لانه لو عيب بطارية مكنتش العربية هتقوم خالص

**thegoodhacker** · 21-04-2009 06:06 PM

الف شكر لكم جميعا علي الردود......
انا فعلا كنت مستبعد ان المشكلة تكون من البطارية لان ساعة المشكلة دي جربت انوار العربية و الكاسيت و لقيتهم شغالين تمام و لما المحرك بدا يلقط معايا العربية دارت بسرعة ...........
المهم رحت النهاردة للكهربائي قالي كده يبقي المارش بقي ضعيف وقام بتركيب كتاوت تقوية للمارش...... فهل الحل ده مضبوط ولا ايه النظام ؟

**newhansol** · 21-04-2009 06:24 PM

السلام عليكم ورحمة الله وبركاتة

والله يا استاذ thegoodhacker
الناس الصنايعية دول بيشتغلونا احلى اشتغالات كتاوت اية راجل الى يركب على المارش الراجل دة عبيط يا اما عبيط ومعلش يعنى اكيد شافك قدامة افندى قالك حلو كبر دماغك منة دة شكلة افندى
بصراحة انا عمرى ما سمعت عن كتاوت للمارش يا راجل دة الكتاوت يولع انت عارف حمل المارش قد اية مش ممكن طبعا دة انت بتركب كتاوت على اللميات الى هية شبة الزينون 200/260 والله خالك الكتاوت اتحرق وهية يعنى مش جامدة للدرجة والكتاوت كان بتاع العربيات التويوتا اليابانى الى بقولو علية انضف حاجة ابو 30 جنية واية الى حصل اتحرق
بص يا سيدى العيب الى عندك دة يا اما شربون عايز يتغير لان الشربون هوة الى مسئول توصيل التيار على (الكوليكتور والروتر )بتاع المارش يعنى المارش لو اتغسل غسلة نضيفة واتغيرلة الشربون هايبقى مية مية
او ممكن يكون البوبينة بتاعتة ضعفت من كتر الشغل وممكن تتنضف و تتعزل حلو وتشتغل تانى
معلش سؤال اخير هوة انت بتصلح عند مين فى اسكندرية

**Maged_Samy** · 22-04-2009 04:35 PM

العيب ده فى الغالب بيكون من الكلبس الصغير اللى راكب فى اتوماتيك المارش حركة يمين وشمال هيشتغل وحاول تغيره بواحد جديد ده تمنه 10 صاغ

**aimangorg** · 22-04-2009 05:43 PM

العيب ده حصل معايا كتير وانا كنت باصلحه بنفسى
والحل زى ما قال الأستاذ ماجد وده الكلبس ابو 10 صاغ بتاع سلك اللقط الى بيركب فى الأتوماتيك وده هاتلقيه اسفل المارش