الف الف شكر Original على الافاده و جزاكم الله خير
عرض للطباعة
الف الف شكر Original على الافاده و جزاكم الله خير
كلنا بنقول يارب اويلسيل يارب
ربنا يعينك يا باشا بس طمنا عملت اية
للاسف يا جماعه الموضوع عندى شكله اكبر من اويلسيل الموضوع شكله كده فى وش السلندر
ساعدونى بسرعه ارجوكم
عايز اعرف لو خرطت وش السلندر هيكلفنى فى حدود كام بالمصنعيات و الميكانيكى ياخد كام علشان ما يشتغلنيش
و لو غيرت وش السلندر بواحد استعمال خارج ممكن يكلفنى كام بالمصنعيات
و طبعا مش عايز اعرف لو غيرت الموتور هيكلف كام لانى بصراحه مش مستعد ماديا دلوقتى للموضوع ده لانى داخل على خطوبه عقبال عندكم
مع العلم انى من اسكندريه و هاروح للحاج محمد عثمان و اللى عرفته من المنتدى من هنا و هو الاشهر بعد هريسه لانى ساكن بعده بشارعين
الموضوع مش سهل بس خراطة وشغل مصنعيات دى حسب الميكانيكى!! هوا بس هريسة يعتبر حافظ العربيات الفولكس يعنى لعبته مع إنى مش بروحله غير لو إستشارة فى حاجة عشان بعمل حاجتى بنفسى بس الحمد لله ماوصلتش لعمرة موتور..
يعنى انت رايك يا اوريجينال اروح لهريسه علاطول و لا اروح للحاج محمد عثمان اللى قريب منى مع العلم ان فيه موضوع على المنتدى بيقول ان الاتنين فى نفس المستوى
و لو هاروح لهريسه هيخلص الموضوع ده فى وقتها و لا هياخد معاه وقت علشان ده يعتبر بعيد عنى قوى
انا فى سيدى بشر (بعد الحاج محمد عثمان بشارعين) و هريسه فى محطة مصر
و ما تقولش عمره فى وشى يا اوريجينال الكلمه دى بتعذبنننننى :-(
طيب روح لهريسة إسأله على الموضوع وشوف هيتكلف كام ووقت أد إيه!! وشوف عشان ساعات تروحله تحس إنه مش فاضى أصلا ومحتاج تحجز دور!!
بس المهم أبل ماتفك أى حاجة إتأكد إن مفيش مسمار واحد هيضيع ولا حتى فيبره هينسو يركبوها سواء عند زيد أو عبيد..
أنا بس لو فاضى كنت جيت معاك..
طيب هوا الموضوع ماينفعش يتلم بمسكنات!! سيلكون حرارى ومادتين إيبوكسى على جاويط عند خراط فى السريع وسيب وش السلندر لما الموضوع يكبر وللا إيه!!؟؟
بص أنا راجعت كلامك من الأول تانى وشايف إن المشكلة كانت فى الشجرة وإنتا غيرتها وماكانتش فى مكان تثبيتها يعنى المفروض مسامير الرباط سليمة!! وطبعا مياه الحنفية آكلة وش السلندر من الداخل!! طيب دلوأت إنتا تفك الشجرة الجديدة (إستيراد) تانى وتنضف تحتها كويس وتجيب الإيبوكسى وتعوض التآكل الموجود تحتها وبعد كده تصنفره وتشوف الجوان أو الأويلسيل اللى كان راكب وتحط سيلكون حرارى وإنتا بتقفل وإنشاء الله تمشى معاك فترة بعد ماتحط المياه الأصلية g12 اللى حتحافظلك على حالة الموتور الحالية وممكن تجرب الأول بمياه مقطرة ومنها برده غسيل للمياه اللى كانت موجودة وفى الآخر نحط g12 بس ماضحكش عليك!! ممكن تلاقى حتى الريداتير حالته سيئة من الداخل بس ممكن مع المحافظة على الوضع الموجود تمشى معاك فترة مش بطالة..
وممكن تعمل دورة غسيل فى بنزينة إسو اللى فى سموحة ودى طبعا بتتعمل بمياه من الحنفية يعنى قبل ماتحط مياه مقطرة وممكن تخليه يحطلك المياه المقطرة بعد ماتغسل وبعد أسبوع لما تتأكد إن كله تمام تحط g12..
معلش طولت عليك..
انا النهارده (الاثنين 14/9/2009) هاصحى اروح لمحمد عثمان اللى سمعت انه احسن واحد مع هريسه فى ميكانيكا الفولكس فى اسكندريه علشان اظبط موضوع المياه اللى بتنقط من بين الكوع الفيبر و وش السلندر حاولت اتصل بيك يا اوريجينال بس شكلى اتصلت بيك فى وقت غير مناسب معلش يا اوريجينال اتصلت بيك متاخر شويه علشان اقول لك انى رايح النهارده و اسف للازعاج
و طبعا هاوافيكم بالاخبار لحظه بلحظه ايه اللى هيتم و التكاليف على العموم ربنا يستر و الموضوع ما يطلعش كبير زى ما احنا متوقعين و هاحاول اوافيكم بالصور كل حاجه و هى بتتعمل بس يا رب محمد عثمان ما يقلش عليا مجنون و انا بأصور
هههههههههه
انا رحت لمحمد عثمان النهارده لاقيته قافل و الدليل أهو ههههههه و جارى الاتصال بيه فى الورشه علشان نشوف هيفتح ولا لأ مكان الورشه فى مكان غريب و مخيف بس اللى يسأل ما يتوهش و هو شكله معروف قوى هناك
http://www10.0zz0.com/2009/09/14/09/162942862.jpg
http://www3.0zz0.com/2009/09/14/09/948045101.jpg