أرجوا مساعدتكم سريعا :هشترى جراند بونتو اليوم او غدا ارائكم

**barakota** · 18-09-2007 11:20 PM

السلام عليكم

اولا انا سعيد بانضمامى اليكم جدا لانة منتدى رائع جدا

و ارجوا الرد على استفسارى الحمد لله اليوم او غدا هشترى سيارة جديدة و اختيارى وقع على الجراند بونتو فهى من وجهه نظرى رائعة فما رأيكم..........فانا احب المشورة ......منتظر ردكم بفارغ الصبر

**amrrashed** · 18-09-2007 11:23 PM

شايف ان انت معاك جين تو ....بص يا سيدى انت شايف كام واحدة جراند بونتو فى شوارع المحروسة عدد لايتجاوز اصابع اليد الواحدة...وبالتالى تكلفة الصيانة هتبقى عاليييييييييييييييييييييي ية واعادة البيع منهارة ده غير ان البونتو العادية (بصراحة معرفش حاجة عن الجراند) معمولة من ورق الكلينكس.... بتمن الجراند بونتو ممكن تشترى حاجات اروش وشبابية اكتر وفلوسها فيها

وربنا يوفقك وابقى قولنا عملت ايه

**Nader** · 18-09-2007 11:27 PM

الجراند بونتو عربية رياضية رائعة، قطع غيار مش رخيصة ابداً + مش موجودة غير في التوكيل.

سعرها مبالغ فية شويتين بالنسبة لعربية في الفئة دي.

عموماً هي مش منتشرة ولو الملاحظات السابقة متفرقش معاك يبقى الف مبروك مقدماً :) .

**amrrashed** · 18-09-2007 11:42 PM

بص الشعب المصرى قال كلمته اللانسر عربية ممتازة من كل الوجوه وكأنك حاطط فلوسك فى البنك ولو عاوز تروشها سهل جدا وفى موضوع جامد جدا عن ترويشها فى صفحة التعديلات وربنا يوفقك

**Nader** · 18-09-2007 11:42 PM

انا لو مكانك هشتري لانسر اضمن مع العلم ان اللانسر دي اخر سنة ليها 2008 وبعدين مش هيبقى في منها الشكل الحالي لاكن عموماً اللانسر منتشرة وقطع غيارها منتشرة وفي كتير بيفهموا فيها.

**Mostafa** · 19-09-2007 01:06 AM

بص يا باشا انا رأيى ان عيوب البونتو السعر المبالغ فيه مش شويتين قول اربع خمس شويات . دا غير موضوع اعاده البيع اللى لو فكرت تعمله هتلاقى العربيه اتخسف بتمنها الارض . العربيه كعربيه زى الفل مقلناش حاجه لكن المشكله فى سياسه التسويق الفاشله بتاعه وكيل فيات فى مصر عموما . بص بمبلغ فى حدود التسعينات تقدر تشترى حاجات كتير قوى هتكون صفقه احسن من البونتو بكتير قوى

**Mostafa** · 19-09-2007 01:43 AM

وعموما فى اختيارات تانيه كتير قوى ممكن تختار منها

**Ahmed Anwer** · 19-09-2007 01:59 AM

خلاص يعني يا جماعة الفيات باي باي
مفيش أي حد بينصح بيها يا خسارة
الله يجازي الوكيل اللي عمل فيها كده
خشوا علي سايت فيات هتلاقوا عربيات تحفة متعددة الإستخدامات دول عاملين عربية 4*4 1300 cc و فيات بتصنع في البرازيل و تركيا والصين يعني هتبقي أسعارها جميلة
الله يجازي الوكيل اللي حوجنا علي الكوري
بس كده يبقي غبور عبقري إنه عمل من هيونداي 30% من السوق و خلي قطع غيارها عند البقالين بدل المقولة الشهيرة اللي كانت بتتقال علي الفيات العظيمة
و شوفوا وكيل فيات و تشكيلته و أسعاره الغريبة مش منزل ولا عربية أتوماتيك و أصلآ كل الناس دلوقتي مبتجيبش غير الأتوماتيك ،، ده الشاريد و البيكانتو بينزلوا أتوماتيك

الموضوع: أرجوا مساعدتكم سريعا :هشترى جراند بونتو اليوم او غدا ارائكم

LinkBack

أدوات الموضوع

عرض

-

-

-

-

استكمال -

المواضيع المتشابهه

أرجوا اﻷفادة سريعا وشكرا

أرجو المساعدة في شراء جراند بونتو سريعا

هام جدا لوحوش الرينو - برجاء الإجابة سريعا اليوم

أجمل جراند بونتو فى مصر و عربيتى و جراند T-jet يجتمعون !

مكونات الافطار ارجوا الرد سريعا اليوم-الجمعة او بحد اقصى غدا

الكلمات الدلالية لهذا الموضوع

المفضلات

المفضلات

ضوابط المشاركة