العربية اللي حلتي باظط

**MAHA2MAHA2000** · 21-04-2009 10:45 AM

يؤسفني أبلغكوا أنه مع الألم مع الأسف ال504 الغلبانة عايزة عربية
محتاج وش سلندر و اسبراتير و كاربيراتير
لو حد يعرف أسعار الحاجات الظريفة دي بكام يا ريت يقولي
و أنهي أحسن الحاجة تيجي استيراد و لا جديدة
و معلش بقي في الآخر أجيبها منين ( بورسعيد و لا اسكندرية )
و معلش طولت عليكوا

**hic** · 21-04-2009 03:17 PM

اخى العزيز
انا اعرف ميكانيكى شاطر اسمه ايهاب
لو عاوزنى اجى معاك انا تحت امرك

**MAHA2MAHA2000** · 21-04-2009 04:33 PM

الف شكر علي ردك يا بشمهندس
بس المشكلة مش مشكلة ميكانيكي زي م تقول كده اتخنقت من كتر التلزيق كل م حاجة تحصل نلزق فيها عشان العربية تمشي
لسة النهاردة جايب وش السلندر من المخرطة و الوش خلاص دي آخ مرة يتخرط فيها صلاحيته انتهت مش نافع خلاص ده الصبابات بقت أعلي من القاعده
و الاسبراتير العمود بتتاعه بيلق خلاص ( هو شغال لحد دلوقتي ) بس حيقول جاي
أما بالنسبة للكاربيراتير فبيبلبع بنزين و وديته أكتر من مرة لخميس بتاع الكربيراتير في كوم الدكة و لواحد تاني في دمنهور و للأسف استهلاك البنزين أعلي من الطبيعي بمراحل يعني الصفيحة بتعمل بالكتير 120-140 كلم و المشكلة اني بحط بنزين 92 فالميزانية بتشخرم ع الآخر
فهي دي مشكلة العربية لو عندك حل غير اني أجيب الحاجات دي يا ريت

**gsober** · 22-04-2009 02:39 AM

حاول تجيبها استيراد
انزل الوكله فى واحد اسمه الحاج سوسو ده بتاع بيجو بس
الحاجات اللى عنده كويسه ورخيصه وعليها ضمان التجربه لمده اسبوع
انا جيبت من عنده كذا حاجه لل304 بتاعتى ودلوقت ماشاء الله رائعه

**MAHA2MAHA2000** · 22-04-2009 03:21 PM

ألف شكر يا باشا بس في ناس كتير قالتلي اني أنزل بور سعيد أرخص و الحاجات اللي هناك نظيفة جدا
إيه رأيك في الكلام ده

**hic** · 22-04-2009 04:26 PM

و الله موضوع بورسعيد ده مش مجدى الا لو تعرف حد هناك او حد بيتعامل مع التجار هناك لكن ح تروح لوحدك ح يشتغلوك صح و الموضوع ده حصل معايا انا كنت هناك فى شغل و قلت اعدى على التجار اللى باسمع عنهم هناك و انا مفكر انى ح اجيب حاجات للعربيه برخص التراب سمعت منهم اسعار تكاد تكون ضعف الاسعار اللى عندنا فى اسكندريه
يعنى على سبيل المثال كنت باسال على شبكه اماميه بيقول لى 170 جنيه و انا سالت عليها فى اسكتدريه لقيتها ب 90 جنيه و قيس على كده حاجات كتير انت لازم تروح بورسعيد مع واحد ثقه بيتعامل مع التجار اللى هناك و هو عارفهم وهما عارفينه
ممكن تشوف الميكانيكى بتاعك لو بينزل بورسعيد ممكن تروح معاه و يشوف الحاجه اللى انت عاوزها و يعاينها قبل ما يجبها لو مكنش انا الميكانيكى بتاعى على طول بينزل كل يوم حد بورسعيد و بيشترى حاجات كتيره من هناك ممكن اعرفك عليه و ممكن تروح معاه و هو متخصص فى العربيات البيجو بس

**MAHA2MAHA2000** · 23-04-2009 12:37 PM

ممكن لو سمحت عنوانه عشان أروح يشيكلي ع العربية
عشان عايز أغير الميكانيكي بتاعي اتخنقت منه خلاص ( لما العربية عملت طحينة "الزيت دخل ع الميه" خلاني أروح أجيب 4 علب لحام بلوك (80 جنيه) ع الأرض عشان وش السلندر كان مش مظبوط و الجوان ملزقش في الوش و قالي بس امش بيها يومين و بعدين حنشوف و للأسف صدقته و رحت بيها برج العرب و عطلت هناك و رجعت بونش و العربية بقالها 3 أيام عنده )كمان و هو بيظبط التاكيهات حسيت أنه بيقفل عليهم جامد
عشان كده ممكن عنوان الميكانيكي بتاعك عشان أروح يكشف عليها
بس هو في سؤال بايخ شوية إيه أخباره في المصنعية