[لوجان] العربية عاملة 12 الف ومشكلة فى التنابير وهتتغير

سلام عليكم

معلش كان عندى شوية استفسارات كده بالنسبة للعربيات وصيانتها ..

1) المفروض تيل الفرامل فى اى عربية بيتغير بعد قد ايه؟
2) هل ممكن تيل فرامل يتغير بعد 12 الف كيلو فقط؟
3) تيل الفرامل برضه بيخلص او بيبوظ على حسب الاستعمال؟
4) جاى بافرمل سمعت صوت احتكاك فى العجل قدام .. مشيت بالعربية بالراحة مسافة 10 او 12 كيلو تقريبا ووقفت .. فده يأذى التنبورة فى حاجة؟

5) العربية اتنقلت على الونش للتوكيل .. قالوا التيل بايظ والتنابير عايزة تتغير .. ده طبيعى؟
6) التيل والتنابير مش فى الضمان؟!

شوية اسئلة بس عشان مستغرب بصراحة الناس اللى اعرفها كلها بيقولوا التيل بيقعد على الاقل 30 الف كيلو ..والناس بتقول برضه مستحيل التنبورة تتغير بعد 12 الف كيلو .. وسواء كده او كده المفروض التغيير ده فى الضمان!! فبسأل الناس اللى بتفهم هنا عشان مروحش اعمل مشكلة عالفاضى.

يا ريت الرد :)

1- حسب الأستعمال و حسب العربية مانيوال ولا أتوماتيك
المانيوال على الأقل 25 ألف أو 30 ألف
الأتوماتيك من 18 الى 25 ألف.
2- وارد.....بس يعتبر بدرى شويتين ( أنا عن نفسى أول تيل غيرته كان على 15 ألف كم )
3- أيوة
4- المفروض لأ
5- مش طبيعى.....
6- التيل برة الضمان لكن الطنابير فى الضمان بس بما أن الطنابير عندك بايظة قولهم أن هى اللى بوظت التيل....ده لو قالولك أنك هتغير التيل على حسابك.

اقتباس:

---

المشاركة الأصلية كتبت بواسطة Ahmed A.Maksoud

1- حسب الأستعمال و حسب العربية مانيوال ولا أتوماتيك
المانيوال على الأقل 25 ألف أو 30 ألف
الأتوماتيك من 18 الى 25 ألف.
2- وارد.....بس يعتبر بدرى شويتين ( أنا عن نفسى أول تيل غيرته كان على 15 ألف كم )
3- أيوة
4- المفروض لأ
5- مش طبيعى.....
6- التيل برة الضمان لكن الطنابير فى الضمان بس بما أن الطنابير عندك بايظة قولهم أن هى اللى بوظت التيل....ده لو قالولك أنك هتغير التيل على حسابك.

---

+1111111111111111111

عادى
ممكن تكون نزلت فى مية والطنابير ساخنه عشان كده قفعت

بس عموما توكيل رينو ناس محترمين جدا

على فكرة انا عندى نفس المشكلة
بس خفيفة ( بتعمل صوت لما بفرمل )
هل المشكلة دى ليها حل ولا لازم اغير التيل ؟

اقتباس:

---

المشاركة الأصلية كتبت بواسطة alfa_we

على فكرة انا عندى نفس المشكلة
بس خفيفة ( بتعمل صوت لما بفرمل )
هل المشكلة دى ليها حل ولا لازم اغير التيل ؟

---

حضرتك عملت كام كيلو متر بالعربية لغاية دلوقتي يا باشا
الخوف ان تكون المشكلة دي عامة في كل اللوجان :dontudear:

ربنا يستر

12.000 كيلو برضوا
بس انا سمعت الصوت دا بعد ما غسلت العربية من تحت

اقتباس:

---

المشاركة الأصلية كتبت بواسطة alfa_we

12.000 كيلو برضوا
بس انا سمعت الصوت دا بعد ما غسلت العربية من تحت

---

بقالك أد أيه غاسل العربية ؟؟؟

هو عموماً أصوات التيل بيبقى ليها أسباب كتير منها

1- لو صوت صفارة ممكن يكون مياه أو تراب جت على التيل أو خامة التيل نفسه.
2- لو صوت حكة ممكن يكون خامة التيل أو التيل قرب يخلص

يا ريت تحدد أيه الصوت بالظبط

هى صفارة
وظهرت بعد الغسيل بيومين كدة

الصفارة دى عادية.......متقلقش منها

هى ممكن تكون بسبب مياه أو تراب أو خامة التيل نفسه.....

خامة التيل مش وحشة كده........بس هى بتعمل صوت الصفارة

أهم حاجة أن مفيش صوت حكة + أن الفرامل كويسة معاك.

عموماً أستنى يومين تلاتة و شوف أذا كان الصوت هيروح ولا لأ.....لو راح يبقى بسبب مياه أو تراب لو لسه يبقى خامة التيل كده و ابقى قولهم فى التوكيل و أنت بتعمل صيانة ال 15 ألف.

انا اللى حصل ماشى على 80 او 90 فى الطريق وبهدى مثلا لل60 العربية زى الفل بتهدى .. لكن عشان اهدى مثلا فى اشارة عشان اقف العربية مكنتش بتقف وصوت احتكاك عالى اوى فى العجل قدام .. ربنا يستر!!
المشكلة اللى فى التوكيل بيقولوا التنابير ملهاش دعوة بالضمان

اقتباس:

---

المشاركة الأصلية كتبت بواسطة Gel

سلام عليكم

معلش كان عندى شوية استفسارات كده بالنسبة للعربيات وصيانتها ..

1) المفروض تيل الفرامل فى اى عربية بيتغير بعد قد ايه؟
2) هل ممكن تيل فرامل يتغير بعد 12 الف كيلو فقط؟
3) تيل الفرامل برضه بيخلص او بيبوظ على حسب الاستعمال؟
4) جاى بافرمل سمعت صوت احتكاك فى العجل قدام .. مشيت بالعربية بالراحة مسافة 10 او 12 كيلو تقريبا ووقفت .. فده يأذى التنبورة فى حاجة؟

5) العربية اتنقلت على الونش للتوكيل .. قالوا التيل بايظ والتنابير عايزة تتغير .. ده طبيعى؟
6) التيل والتنابير مش فى الضمان؟!

شوية اسئلة بس عشان مستغرب بصراحة الناس اللى اعرفها كلها بيقولوا التيل بيقعد على الاقل 30 الف كيلو ..والناس بتقول برضه مستحيل التنبورة تتغير بعد 12 الف كيلو .. وسواء كده او كده المفروض التغيير ده فى الضمان!! فبسأل الناس اللى بتفهم هنا عشان مروحش اعمل مشكلة عالفاضى.

يا ريت الرد :)

---

+111111111111111111

أنا معايا أفيو غيرت الطنابير على 10 و20 مرتين يعني بس كانت ضمان عشان كان التيل سليم لاكن لو التيل كان ودع خلص يعني وبيحك بالقعدة الحديد في الطنابير وهو ده سبب الصوت غالبا بما إن الفرامل كانت ضعيفة يبقى بره الضمان لإنها تعتبر سوء إستخدام وفي بعض أنواع التيل زي الأفيو والأوبترا في التوكيل قلولي بيعد من 10 ل20 ألف على حسب الإستخدام

أنا معايا لوجان وغيرت التييل برضه بعد 14000 كم شكلها مشكله عامه فى اللوجان