الموضوع: اخيرا لقيت حد بينضف رشاشات كويس وقريب

المشاركة الأصلية كتبت بواسطة dojuar

وحضرتك واثق في الراجل بتاع السيدة ده؟ انا تقريبا معدل استهلاكي 116 في الصفيحه. ولك ان تتخيل مدى الحاجة الى حل سريع و صح في نفس الوقت

شكرا على ردكم

ياريت تحط موديل عربيتك فى بياناتك علشان لما نقرى الموضوع نعرف بس

المشاركة الأصلية كتبت بواسطة dojuar

وحضرتك واثق في الراجل بتاع السيدة ده؟ انا تقريبا معدل استهلاكي 116 في الصفيحه. ولك ان تتخيل مدى الحاجة الى حل سريع و صح في نفس الوقت

شكرا على ردكم

والله انا اتعاملت معاه من 4 سنين وكان كويس ومش غالى بس على فكرة مش معدل استهلاك البنزين العالى يخليك اول حاجة تشك فيها الكاربراتير.
الكاربراتير اذا كانت العربية بتشرق او بتقطع ومالقيتش مشكلة فى الكهربا او اذا كان بيحصل حاجات غريبة الموتور بيعلى ويوطى لوحده او لما تكون ماشى وتشيل رجلك من على البنزين العربية تبطل او ازا كنت ماشى بسرعة (قارص) ووقفت تلاقى العربية عالية زى ماهية انما معدل الاستهلاك ده ممكن يكون حاجات كتير منهم ان البيك يكون مش مقاسه مناسب (او فتحته واسعة) او فيه بنزين مش بيتحرق كويس (بنزين نئ) وده بيبان من ريحة العادم فهل ممكن حضرتك تقوللى نوع العربية وموديلها ولو فيه مشاكل او اى حاجة بتحصل وانت سايق زى الى ذكرتهم لحضرتك من شوية؟

تمام انت كدة فعلا محتاج تروح لبتاع كاربراتير الحركة بتاعة التبطيل دى كانت بتحصل عندى الصبح بس ولما اكون مش مسخن العربية كويس واكون كمان جريت بسرعة اكتر من 100 كيلو وفعلا ممكن يكون الميكانيكى وسعلك البيك بتاع البنزين على كل حال روح للراجل الى وصفهولك لو هو كويس (ومش لازم يغير الباب ممكن يصلحه او يعمله اكس - الى هى مفصلة يعنى - وممكن يعمل حاجة لطيفة بتظبط الاستهلاك حاجة اسمها عمرة مجرى البنزين وهى انه بيشيل المواسير الى جوة الكاربراتير ودى بتبقى من مادة شبه البلاستيك بس مش فاكر اسمها ايه ودى الى بيمشى فيها البنزين ويحط ومكانها واحدة جديدة واظن بتتكلف حوالى 100 جنيه تقريبا وبيحطلك البكات المظبوطة ويشوف البيبان وحتاجة ايه ويظبطها وان شاء الله تبقى تمام (على فكرة الراجل بتاع السيدة بيديك ضمان على شغله (مش فاكر سنة او 6 شهور) واسمه محمود بتاع الكاربراتير

المشاركة الأصلية كتبت بواسطة dojuar

انا بميل للراجل بتاع السيدة ده, طالما بيفهم و مش غالي و اقربلي اروحلو احسن

بص هو بتاع شبرا اقدم منه وسمعته مسمعة عنه بس انا ماتعاملتش معاه علشان كان صعب اروح افك الكاربراتير واخده فى ايدى واروله وارجع تانى اركبه واجرب وفيه واحد تانى فى الجيزة عند مدرسة ام المصريين اسمه السنى بتاع الكاربراتير ده ابو محمود بتاع السيدة واشطر منه كمان بس محمود برضه كويس شوف بقى انت ايه الاقربلك وابقى طمنى

رحت النهاردة نضفت الرشاشات عند الأسطى مدحت فى المعادى، الموضوع اخد ساعة و اتكلف 100 جنيه، انا مكنتش باشتكى من زيادة فى استهلاك البنزين، بس كان عندى حاجتين مضايقنى:

1 - رجة جامدة فى الموتور فى بداية الدوارة
2 - رعشة بتروح و تيجى فى الموتور على السلانسيه، يعنى تحس انه مش منتظم

المهم، بعد التنضيف العارضين اختفوا، اما سحب العربية فانا لسه ما حسيتش باى اختلاف علشان الطريق كان زحمة جدا، ان شاء الله بعد بكره راجع سومة باى و هقيس استهلاك البنزين و الاحظ السحب و ابقى اقولكم.