أشتري ايه مستعمل في حدود 60 و65 كده يعني؟؟

أشتري ايه مستعمل في حدود 60 و65 كده يعني؟؟
محدش يقول اي هيونداي لاني بكرهها ممكن ياباني الماني كيا اي حاجه ؟؟

ولا تزعل نفسك يا باشا مش هاجيبلك سيره الهيونداى المبلغ ده كويس فى المستعمل يجيبلك موديلات حلوه وحديثه نسبيا
لانسر مكوه 2002و2003 مانيوال او اتوماتيك 1300 سى سى يابانى 100*100
هوندا سيفيك 97/98 1500 سى سى يابانى حاله ممتازه
تويوتا كورولا عيون 98 1300 سى سى او 2001 رموش الفرق فى الشكل الامامى فقط برضه 1300 سى سى
نيسان صنى 2003 الشكل القديم او 2004 الشكل الجديد 1300 سى سى يابانى
دايو نوبيرا 2006 1600 سى سى بس بلاش اتوماتيك منها
بروتون جين 2 2006 1600 سى سى اوتو او مانيوال
بروتون واجا 2005 / 2006 1600 سى سى اوتو او مانيوال
اوبل فكترا تقريبا لحد موديلات 2000 او 2002 1600 سى سى مانيوال او 2000 سى سى اتوماتيك تقفيل مصرى
اوبل استرا 2004 /2005 اتوماتيك 1600 سى سى تقفيل مصرى
اوبل استرا 2000 المانى مانيوال 1200 سى سى
رينو كليو موديلات حديثه شويه مش عارف كام بالزيط بس ممكن2006 1400 سى سى تقفيل تركى مانيوال
فولكس جولف 4 موديل 99/2000 1400سىسى مانيوال المانى
فولكس بولو 2004 عيون 1400 سىسى مانيوال
ولما افتكر حاجه تانيه اقولك بس المهم فى العربيه المستعمله اللى بتشتريها الحاله الجيده متكونش متهانه وتكشف عليها كويس وماتحطش فى دماغك عربيه معينه يعنى مثلا لو عايز لانسر مكوه وانت نازل لقيت كورولا 2001 مثلا او صنى 2003 بس نضيفه اوى وعاجباك اتكل على الله ومتنساش الاستخاره

طب اللانسر 2004 1300 تعمل كام كده ؟؟

لانسر 2004 1300 سى سى تعممل من اواخر الستينات يعنى مثلا من 68000 الى 75000 حسب الحاله وعداد الكيلومترات المقطوعه والفتيس مانيوال ولا اتوماتيك لان اللانسر بتمسك سعر شويه

ممكن برضو بروتون جين 2


على فكره التويوتا عيون بتكون فى الاربعينات

انت دماغك فيها ايه؟؟؟؟ يعني
سنوات؟؟؟؟؟؟ موديلات من سنة كذا....
بلد الصنع؟؟؟ ياباني، كوري، ولا اوروبي؟؟
الفتيس؟؟؟ اتوماتيك ولا عادي؟
الكماليات؟؟؟ (زجاج كهربا كامل ولا اتنين بس، جنوط اسبور...إلخ)

عموما مختار اوجز فأعجز....وربنا يوفقك