الموضوع: ### رابطه مالكى و عشاق الشاهين و الدوجان ###

يا جماعة لو سمحتوا عندى مشكلة فى الشاهين ظهرت النهاردة :-

* العربية بقالها يومين لما بدورها صباحا الموتور بيدور بعد مرتين او تلاتة و لما بيلقط و يدور بيكون صوتة غريب شوية و بعد المكاركة و شد مفتاح الهواء يضظبط لحد ما تسخن و ارجع مفتاح الهواء تانى ( على فكرة بيتكرر دة عادة لما يكون فية شابورة).

*و اليوم التالت و اثناء عودتى من عملى ليلا فوجئت ببرجلة فى الموتور و نتشة متكررة و كأن العربية مخنوقة و عايزة تجرى و مش عارفة و بعد كدة بثوانى راحت النتشة و التقطيع بس السحب قل بشكل ملحوظ .

*و على فكرة العربية موديل 2004 و البنزين 80
يا ريت لو حد عندة تحليل و حل للى بيحصى عندى دة و لة الشكر .

معاى سيارة شاهين 2001 ، اتعلمت عليها السواقة وكانت اول سيارة لى
انا نفسى فى شهر ابريل القادم اشدها شدة كويس خالص سمكرة ودكو وعفشة وغيرها
هل الافضل اعمل دا فى التوكيل بغمرة بالقاهرة ولا الصنيعية فى سوهاج ومصنعيات غالية وكله يفتى ويعك فى عربيتك وهل ممكن تاخد منهم شغل مثل الفبريكة لا كله اى كلام
التوكيل هيكون افضل للسيارة فى الشكل النهائى ولكن الاتعاب اكيد هتكون نار نار
ارجو المساعدة من اصدقاء المنتدى ايهما افضل
اشدها عند الصنيعية
اشدها فى التوكيل بالقاهرة

الى الاستاذ osamalatef ابدا اولا بغيار فلتر البنزين وشوف الدنيا فيها ايه لو مظبتيتش عليك بالبوجيهات وفى كل الاحوال ما دمت محدود الدخل زى حالاتى هاتلك اسبراى تنظيف للكربراتير ومن وقت للتانى اديلو نفخة بس خد بالك تكون مركب بوجيهات اى كلام لما تقوم بعملية النظافة دى لان البلاوى كلها بتنزل على البوجيهات بعد كده ركب البوجيهات الكويسة من تانى والسلام ختام

والى اخونا الصعيدى التوكيل ده غير اى توكيل تانى ناس زى حالاتنا والاسعار نقدر نقول انها مقبولة قدام انهم ممكن يظبطوا العربية دى وهما مغمضين ودى وجهة نظر ما دمت لا تثق فى صنيعيتكم بس والله قبلى فى دكاترة احنا بنشد البيجو فى المنيا.

لاستكمال اعطال الشاهين اللى مش بتنتهى ابدا اللى بسببها الصنايعيه كلهم بيشكروا فى الخواجه فيات وبيدعو له بكل حب لتعاون فيات مع كل الصنايعيه :(
ظهر مؤخرا عندى مشكله فى المارش اثناء المشى وهو صوت حاجه بترزع بسمعها فى اليوم مرتين او ثلاثه
ياترى دالمشكله دى سببها ايه وايه الحل ؟؟ :)

انا عندي مشكلة في العربية الدوجان موديل 92 و 1600 سي سي كانت بتاكل بنزين جامد جداً
وديتها لميكانيكي نضفلي الكربراتير كويس بس قالي ان قاعدة الكربراتير مشروخه
قالي لازم اغيره وهو في حدود 1500 جنيه
وبعد كده قالي انه ممكن يلحمهولي , وفعلا لحمهولي بس انا خايف ان يكون الموصوع ده غلط
فكنت عايز حد يفيدني الموضوع ده صح ولا لأ
وخصوصاُ ان العربية لسه بتاكل بنزين بتعمل حوالي من 80 ل 90 كم في الصفيحة
وممكن يكون ايه السبب تاني في موضوع ان العربية بتاكل بنزين كده

بالنسبة للأخ الفاضل الى لحم قاعدة الكربيراتير لو لحامها انتيمونيا مش مشكلة لو اتلحمت بالمعجون الى هو تنبوبتين احب ااقولك هايفك تانى وده خطر