الموضوع: ### رابطه مالكى و عشاق الشاهين و الدوجان ###

انا العربيه عندى بحس ان الزيت بينقص بس بنسبه ضئيله
و ده بيحصل فى اواخر فتره الزيت
بمعنى انا حاطط زيت التعاون5000 اس ال وهو دلوقت عامل 4000 كم تقريبا
براجع مقاس الزيت لقيته نقص شويه و كن لسه بين اللامتين بتو المقاس
هل ممكن يكون ده عيب
وهل هو عيب زيت و لا عيب موتور
و شكرا

المشاركة الأصلية كتبت بواسطة mamado2001

بص أخ ياسر بغض النظر عن نوع الزيت فى أعتبارات تانية لازم تخدها فى أعتبارك فى موضوع الزيت منها ظروف القيادة ونوع الطرق إلى بتمشى عليها ومعدل أستهلاكك للعربية كل دة يساعدك تختار نوع زيت أية لكن مدام أنت
بتستعمل نوع معين من الزيت شوف أداء العربية عامل أية زى التبريد وصوت المتور دة مهم أوى لو كان كلة تمام
يبقى ماشى خليك على نوع الزيت بتاعك لان مهم قوى تفضل مثبت نوع الزيت لو كان كويس معاك لومكانش يبقى فية كلام تانى ياباشا

الله ينور عليك هو كلامك صح بس انا استخدامى متوسط وانا من اسكندرية يعنى بطلع بيها جوة البلد وقليل قوى لما اسافر بيها اما بالنسبة للتبريد هو كويس بس بحس انه خفيف سواء كان بارد ولا ساخن اصل انا كنت بستخدم فى الاول مصر للبترول 7500 وكان تقيل عن الموبيل فهل دة يفرق ؟ واسف على الاطالة

العربيه فجأه لقيتها سحبها قل و لما بيركب معايا 3 اشخاص بلاقى السحب ضعف جدا لدرجه انه بصعوبه تحصل 60 كم
هذا غير انها كانت بتاكل بنزين و كانت بتعمل 100 كم فى الصفيحه مع انها 1300
رحت للميكانيكى قال لى انها مأخره كهربا و راح مقدم الكهربا
اصبحت افضل بس مش زى الأول
رحتله تانى قاللى البنزين ده عليه سولار و البوجيهات عليها هباب كتير مع انى باستعمل بنزين 90
رحت النهارده مفول بنزين 92 لقيت العربيه من لمسه بتجرى و لكن لسه مجربتهاش مع الأحمال هتعمل ايه

المشاركة الأصلية كتبت بواسطة haythamseif

أنا عندي سياره دوجان 92 سعه1600سي سي مكيفه بس التكييف لايعمل عايز سربنتينه ويتكشف علي الكباس رايكم أصلحه ولا تكييف الفيات ملوش لازمه يا ريت حد يدلني أعمل ايه وخسارة المصاريف بدون داعي

أنا عندي سياره دوجان 92 سعه1600سي سي مكيفةومشاء الله شغالة زى الفل واللى يقول تكيف الدوجان بالذات مالوش لازمة يحى يشوف عربيتى وان متجمدش بعد دقائق يبقى بحق انا اللى مخلينى متمسك بالسيارة خصوصا انها اول يد كفاءة موتورها وتكيفها وقلة اعطالها صلح السربانتينة واشحن وربنا يباركلك فيها

هل عرض الكاوتش يؤثر فى استهلاك البنزين؟
عربيه شاهين 1300 و الكاوتش 185/70/13 r
وبتعمل فى وسط البلد 170 كم / الصفيحه(20 لتر) و هذا صباحا الساعه 8 فى صلاح سالم الى الزمالك مرورا بكوبرى اكتوبر
و شكرا

نرجو من الاخوة التفاعل فى موضع الزيت زالبنزين للأهمية

اى نوع من البوجيهات افضل لشاهين 1995 و 1300 سى سى
بوش ولا ngk ولا شامبيون
و منين نجيب الأصلى منها لأن التقليد منتشر جدا
و شكرا

الأسبوع اللى فات جبت بوجيهات ngk من اللى بيتباعوا الأربعه فى كارت واحد
و كان مكتوب عليها انها يابانى و كل شىء تمام و لكن الميكانيكى قال انه مش الأصليه
لأن النوع ده من البوجيهات بيكون كل بوجيه فى علبه لوحده
بصراحه انا ماأخدتش فى بالى و قلت ده كلام وبس خصوصا ان العربيه بعد ما البوجيهات ما ركبت كانت سريعه جدا و موفره فى البنزين و لكن الحال ده استمر يومين و بعد كده اصبح الأداء فى النازل
امبارح رحت عند مرسيدس سنتر فى جسر السويس على اساس اجيب بوجيهات بوش أصلى و لكن الراجل قال ان بوش مش موجود دلوقت و فى نوع فرنساوى أصلى و نفس كفاءه بوش اسمه بيرو
اشتريته على اساس ان المحل ده سمعته كويسه و ان مابيشتغلش الا فى الأصلى
و وريتهم للميكانيكى قال ان النوع ده لم يراه قبل كده حتى ان شكله و ماركته غير الفرنساوى الموجود فى السوق
اتعشم ان يكون كويس