شكرا سمسم هدوّر عليه ويارب ألاقيه
عرض للطباعة
تسلم ايدك يا باشا
ورقم تليفون شركة النصر لصناعة السيارات فرع غمرة اللي شغال 22354485
وهما امام محطة مترو الانفاق مباشرة المخرج بتاع مستشفى غمرة العسكري
على فكرة انا وديت العربية امبارح عندهم عشان فيها مساعدين امامي والابواب محدش عرف يظبطها وقربة المياه بتاع الرداتير محدش عرف يكشف التسريب بتاعها فين
والكرونة فيها مشكلة ولقيت عندهم جزء سمكرة محترم العربية بتتشد على مكن مش عادة زي السمكرية اللي معظمهم حمير برة
وان شاء الله استلم العربية بكرة واقولكم في فرق ولا مفيش ودعواتكم لينا العربية تتظبط وهبقى اقول على الاسعار بتاعتهم
فى انتظار تقريرك
البطارية عندى بقالها سنة
55 أمبير
طول فترة الضمان كنت بروح كل شهر اتابع الشحن
عند بتاع البطاريات اللى اشتريتها منه
وده من شروط الضمان (خدمة مجانية)
المهم انها كانت زى الفل ومفيش اى مشاكل
قبل نهاية السنة بشهرين كده مياه البطارية نقصت شوية
اشتريت زجاجه مياه مقطرة وزودتها
وكله تمام
بمجرد ان السنة خلصت لاحظت ان فيه مياه بتفور منها
وفيه زى املاح بيضاء كده حواليها
بغسلها بمياه وبحط عليها زيت ماتور قديم وعلى القواطيش كمان
يوميا بلاقى مياه بتفور منها
ومأثره على الكبوت من فوقيها
بقول للكهربائى قاسها امبارح زى الفل
قالى يبقى زيادة شحن من الدينامو
انا اصلا مشاويرى قليلة ومعظمها بالليل ياعنى مشغل الأنوار والفوجات وكده
وممكن العربية تعقد يومين مبتشتغلش خالص
إزاى يبقى الشحن زايد !!!
عملت فى السنة كلها 6000 أو 7000 كيلو
طيب اشغل الأنوار بالنهار كمان ؟
الكهربائى قالى غير مياه البطارية
فضيها من الحامض اللى فيها
وحط فيها ميه نار جديده
إيه رأيكم فى الكلام ده ؟
أنتو مالكم نايمين كده ليه !!!!!
على فكرة انا فكيت النهاردة التابلوه بتاعى (شاهين موديل 2004)
تقريبا اسمه تابلوه الطيارة
ونظفته وركبته تانى
حد عاوز تفاصيل ؟
يا ريت يا أستاذ علواني !!!!!!!!!!!
والله يا أستاذ علواني الي مخليني كده هوا الأمتحانات مش أكثر :(( حخلصها قريباً ان شاء الله
ربنا يعينك ويقويك ... موفق بإذن الله
الله يبارك فيك يا سامح
بالنسبة للبطارية لسه معلمتش حاجه
خايف اغيرلها المياه تبوظ
جاااااااااارى الإعداد بالصور والفيديو لفك التابلوه وتنظيفه