النهردة اخدت بالى ان فى حرارة بسيطة من ناحية مفتاح ال multi function بتاع النور
هل دا طبيعى ولا فى حاجة عندى ؟
ممكن اى حد يجرب يحس باى حرارة باليل عند تشغيل النور و يعرفنى؟
شكرا
عرض للطباعة
النهردة اخدت بالى ان فى حرارة بسيطة من ناحية مفتاح ال multi function بتاع النور
هل دا طبيعى ولا فى حاجة عندى ؟
ممكن اى حد يجرب يحس باى حرارة باليل عند تشغيل النور و يعرفنى؟
شكرا
انت مركب لمبات اكبر من العادى؟
MMamdouh
مركب ملبة 100/90 و لمبة 200 علشان واحدة كانت اتحرئت و ملئيتش زيها
و مركب كتاويت
خالى بالك ممكن الكاتاوت يبقى بايز او فيه اى مشكله و يارييت تغيره علشان اللى اعرفه ان ثمن الزراع ده غالى
محدش جرب يا جماعة؟
انا عندي الفتيس اتوماتيك وطبعا فيه اضاءة ولما بكون مشغل الأضاءة بيكون العلامات المضيئة بالفتيس سخنة جدا جدا جدا ... مولعة ... مش عارف ده برضه طبيعي ولا لأ ... لكن الدراع المالتي فنكشن مبيسخنش زي ما حضرتك وصفت !!!
مفيش حرارة خالص يا شريف
MMamdouh
أنا كنت في مرة عند كهربائي السيارات بشوف لمبة الصالون مش شغالة .. وكانت لمبة النور الواطي عندي محروقة .. ونورها ازرق وحاسس أنه ضعيف فقلت للكهربائي إيه رايك أغير اللمبات واجبها أشد واركب كتاوت .. قاللي أوعى .. أنتى تجيب برده لبمتين (لأنهم بيتباعوا طعم على بعضه) نفس المقاس اللي موجود فيها تقريبا 55 أو 60 وتركبهم ولا تحط كتاوت ولا حاجة لأن دا ممكن يبوظلك حاجة في كهرباء السيارة ويبوظ دراع الملتي فنكشن .. هذا والله أعلم.
انا ركبت لمبتين 100/90 من غير كتاوت لمدة سنتين و بعد كدة ركبت 265/260 و كتاوت تركى من 3 سنوات و كله تمام الحمد لله (نمسك الخشب)
MMamdouh
بالنسبة لدراع المالتي فنكشن فده مفهوش حرارة عندي خالص يابشمهندس ممدوح ... انا نزلت بالعربية امبارح مساء مخصوص عشان اشوف الموضوع ده ... لكن لاحظت ان هناك حرارة شديدة (مولعة) في الأماكن التاليه:
* اماكن الأضاءة للعلامات بالفتيس الأتوماتيك
* مفاتيح المضاءة والخاصة بالتحكم في التكييف
* الاجزاء المضاءة بالكاسيت
انا مش عارف ده الطبيعي ولا ايه ...؟
نا عندي نفس اللي حضرتك قلته بالملي ...انا عربيتي نوبيرا اوتوماتيك..وفعلا مفاتيح التكييف والكاسيت بتكون سخنه لكن مخدتش بالي من الفتيس..هبقى اخذ بالي واقول لحضرتك...
لكن محتاجين رد قاطع من مهندس ممدوح قبل منروح التوكيل ويشتغلونا..
يا جماعة محدش بيرد علينا ليه
انتم فين يا هووووو
- انا عندى الكاسيت بيسخن جامد لما بكون مشغله
لاكن ماخدتش بالى من مفاتيح التكيف بس هل
فيه مشكلة ولا ده عادى فى الدايو
انا هجرب اغير الامبة الجديدة دى بواحد عادية و اشوف
الاماكن دي اللي بتسخن زي * اماكن الأضاءة للعلامات بالفتيس الأتوماتيك
* مفاتيح المضاءة والخاصة بالتحكم في التكييف
* الاجزاء المضاءة بالكاسيت عشان مضائه بلمض و اللمض بتسخن و ده طبيعي جدا
انا معرفش قصة النور بتاع الاوتوماتك لانى معايا مانوال بس طبيعى ان اللمبات تسخن و تنقل الحرارة حواليها... حد جرب يحط ايدة على الفانوس لما يبقى منور النور العالى او الواطى؟؟
MMamdouh
اشكركم شكرا جزيلا على الرد..انا كده اطمنت والحمدالله ان العربية مفيهاش حاجة وان سخونة اللمبات شئ عادي...لكن عندي استفسار اخر اذا سمحتولي..انا لاحظت ان السيارة لما بتسخن وال RPM ينزل عن اول علامة احيانا بتطفي لزحدها..فهل حد عنده تفسير لذلك وازاي اعالجة ..
مع خالص شكري لكم
انتم فين يا جماعة..اروح للتوكيل يظبط الموتور ولا اعمل ايه
هى العربية فى الضمان؟اقتباس:
المشاركة الأصلية كتبت بواسطة mummy_47
و لو مش فى الضمان عاملة كام الف؟ و اخر مرة نضفت حساس الايدل امتى؟؟
MMamdouh
you can't just ask for an update after 5 minutesاقتباس:
المشاركة الأصلية كتبت بواسطة mummy_47
MMamdouh
العربية نوبيرا 2 مش في الضمان هي موديل 99 اوتوماتيك وعاملة 44 الف ..لكن انا مش عارف ايه هو حاسس الايدل واعذرني على جهلي بالميكانيكا..هي العربية كوري مستوردة من بورسعيد (سيارة مجهزة) واول ما استلمتها عملت الاتي عند الميكانيكي:
* تغير الزيت وفلتر الزيت بزيت موبيل وان
* تغير فلتر البنزين.
*تغيير تيل الفرامل.
*تغيير سير الكاتينة وسير المشترك.
*تغيير البوجيهات.
فلو في حاجة تاني مفروض اعملها يا ريت تقزلي عليها .
مع خالص شكري
اتاكد ان جوان غطاء التاكيهات كويس لانة لما بيبوظ بيخلى فيه زيت على البوجيهات و ممكن ياثر على اداء السلانسية... و برضة شوف حالة سلوك البوجيهات
حساس الايدل هو كونتولر بيتحكم فى سرعة الموتور فى السلانسية... الكنترولر بيتوسخ من الاستخدام و لازم يتنضف كل 5000 كيلو
MMamdouh
اشكرك جدا على ردك واهتمامك..انا هعمل اللي حضرتك قلت عليه...لكن لو تدلني على مركز خدمة كويس وبيفهم واسعاره كويسه يعملي CHECK UP على العربية وينظف الحساس ..وكمان عايز اغير عنده جلب المقصات لانها بتزيق معايا في المشي...وهل جلب المقصات تتغير لوحدها ولا لازم اغير المقص كله....
مع خالص شكري الشديد
انت محتاج ميكانيكى كويس مش شرط التوكيل او مركز خدمة
جلب مقصات النوبيرا عادتا بتعمل مشاكل... لو معاك فلوس اشترى جوز مقصات اسبانى افضل من الكورى حتى لو كورى اصلى
MMamdouh