بصي انا كمان كانت عجباني جدا جدا جدا بس للأسف مشرتهاش خلليني اقولك علي مميزتها و عيوبها:
من ناحية صوت المتور فهو ناعم جدا و العزل في العربية هايل جدا انت لو قفلت الازاز مش هتسمع الهوا بره.
المتور قوي جدا علي العربيه ديه بيديكي عزم 172 نيوتن عند 3750 اربي ام و ده اداء هايل بيخلي سحب العربيه رائع بالذات كمان ان وزن العربيه خفيف نسبياً 956كج و الوزن الخفيف ده ميزه و عيب في نفس الوقت.
المتور كمان1.4 ,16 صباب و ده له ميزتين رائسيتين الاولي انه موفر جدا في البنزيــــــــــــــــن بمعني انه علي الطوالي هيبقي الاستهلاك 5.4 لتر/100 كيلو و ده بصراحه استهلاك تحفه.
الميزة التانيه انه موضوع الـ16 صباب دول هيعلوا قدرة المتور يعني لانه بيديكي 98 حصان عند 6000 اربي ام و ده هيعلي السرعه القصوه بتاعت كل النقلات و السرعه القصوي للعربيه ككل حتي 185 km/h و يمكن اكتر كمان. من غير حتي متحرقي علي النقلات. و المتور ده بصراحه اقوي من موتير عربيات كتيــــــــــــــــــــــ ـــــــــــر قوي يمكن اعلي منها في الفئه السعريه كمان. و من احلي الموتير و الاكثر تكنولجيا في كل العربيات المتاحه في مصر.
احب كمان اوضحلك ان موضوع المالتي اوبشنز اللي في الدريكسون وبتتحكم في الكسيت ديه لطيفا جدا.
العربيه كمان ثباتها علي الارض جــــــــــــــــــــــــ ــــــامد اخر حاجه و حتي علي السرعات العاليه او اثناء الفرامل. و متنساش ان العربيه ديه امتداد للكليو اللي هيه اكتر عفشه رياضية في الرينو.
اظن لغاية كده انت طايره بالعربية من الفرح :verygood:
تعالي بقه في العيوب
اولاً العربية ارتفاعها عن الارض حوالي 14 سم و ده في بلد لأمؤخذه زي مصر يبقي هتحك معاكي في كل مطب. وبالرغم من ان العربيه ديه متصفحه من تحت المتور الا اني بيتحرق دمي لما اركب عربيه و اخد المطب بالعرض و برده تحك.
تاني هام ان العربيه ديه نوعاً ما مش واسعه. الكنبه مزنوقه شويه
تالت هام بقه ان وزنها الخفيف ده بيخليها تزحف علي الارض يعني لو دوستي فرامل جامده هتلاقي العربية بتزحف علي الارض.
و و الله للسببين دول بس انا كنت مضطر اشتري الخيار التاني و اللي لا يقل عنه كثيراً في الامكانيات اللهوه اللوجان.
و هي عربيه اعلي منها عن الارض و اوسع و السحب بتعها برده معقول و الاهم من ده كله ان السيمبل مش منتشره قوي انما اللوجان بسم الله ما شاء الله مرطرطه في الشوارع.
و طبعاً ده رائي الشخصي يعني في ناس ممكن تحس ان العيوب ديه مش مهمه قوي بالنسبالهم. و ديه ارااااااااااء