كنت عاوز اعرف يا اخوة عيوب التيوبلس وهل هو سهل التشقق او الخرم؟؟
مع الشكر
عرض للطباعة
كنت عاوز اعرف يا اخوة عيوب التيوبلس وهل هو سهل التشقق او الخرم؟؟
مع الشكر
التيوبلس ملوش عيوب غير إن سعره أغلى من التيوب
لكن حاليا متهيأ لى مفيش أصلا تيوب كله تيوب لس بالنسبه للملاكى
ده حتى الميكروباص والنقل بقى تيوب لس
وهو نقلة حضاريه تاريخيه فى عالم الكاوتش والأمان
الكاوتش التيوبلس معرفلهوش عيوب بل بالعكس لو اتخرم بيفضل ماشي لحد ما توفق شوية يبداء ينام يعني اامن
و عموما بعد ما تمشي بالكاوتش تيوبلس مسافة طويلة ممكن توصل لـ 50000 او اقل حسب نوع و جودة الاطار ممكن تركبلة داخلي و تنقلة ورا
و تمشي بيه شوية يعني عمر الاطار اطول
ممكن يكون لحامة اغلى بس عموما هاتدفع اكتر في حالة وجود داخلي
التيوبلس افضل طبعا
:11:لالالالالالالا
اول مره اسمع الكلام دا
يعني ايه تيوبلس بئا؟؟؟؟؟؟؟؟؟؟
ليه التيوبلس أفضل من التيوب......................عاوزين نعرف .....1- ابره الفرده فى التيوبلس بتكون شغاله على الكاوتش الخارجى نفسه .....علشان كده لما بيتخرم مثلا وأنت ماشى ....ويدخل فيه مسمار ....الفرده بتكملك مشوارك عادى لحين أصلاح الفرده ( لأن المسمار بيبقى مجرد طبه فقط على جسم الكاوتش من بره .....علشان كده الأمور بتتستر على مانكمل مشوارنا ونعالج الفرده بعد مشوارنا ويمكن لما نلاحظ أن الفرده متأثره وتشكو ).....2- التيوب هو ده اللى مش أصيل شويه ......ليه ......الأبره بتاعة الفرده راكبه مع القلب الجوانى........وطبعا مفيش تجانس كامل ومزج بين القلب الجوانى والكاوتش الخارجى ودول حاجتين غير بعض (يعنى جزئين منفصلين عن بعض تماما ) ......علشان كده ...أول مابيقرب مسمار أبن حلال من الفرده مع النوع ده .....القرده بتعملها على طول ......وطبعا ده مش كويس خالص ................_ لهذا يفضل عند أستعمال السياره على الطرق السريعه أن يكون الكاوتش من النوع الـــــــــــــــ tubless
.......أعتقد كده عرفنا وجه المفاضله بين النو عين .........................شكرا
لما اغير الكاوتش المرة الجايه اشتريه تيوبلس احسن انشا الله
بس انا مش عارف اللي عندي تيوبلس ولا لأ اعرف ازاي؟
عيبه الوحيد من وجهة نظرى ... انه لما الكاوتش بيفرقع وانتا على سرعة عالية يعنى من اول ال 100 وانتا طالع .. الكاوتش كله بيطير من الجنط... ودا اللى شوفته بعينى يمكن مرتين او تلاتة
طب صلاحيتة اد اية؟؟؟؟؟؟؟؟
حسب الأستهلاك ......أو بعد ستة سنوات (أيهما أقرب )........وده أمانا فى حالة أستخدام السياره على الطرق السريعه..................
أعتقد بيتعرف من شكل الأبره ..................ده من ذاكرتى القديمه زمااااااااااااان وممكن تروح لبتاع كاوتش وشوف النظام ( وشوف شكل أبرة قلب جوانى ....لأنها بتبقى مطبخه مع القلب )......أما مع التيوبلس ليها نظام تانى ........................والمعاينه حتبينلك الوضع كويس
اللى بيعمل الموضوع ده ......عدم ضبط ضغط الأطار كويس .....وبالذات لما بنسيبه بضغط هواء أأقل من المقنن ......حيث مع وجود هذه الحاله (هواء أأقل ) بيحصل سخونه وتلف للكاوتش من الداخل .....وتشقق ولا تراه [gdwl]( لأن الضغط بيلعب جوه الفرده مع دورانها ).[/gdwl]......ومع زيادة السخونه والتلف بينسلخ الكاوتش ........................._ أما الضغط المظبوط بيخللى حمل ضغط الهواء على جسم الكاوتش من الداخل متساوى ( يعنى الهواء ما بيلقش مع دوران الفرده .....بسبب حمل العربيه على نقاط التحميل مع الدوران .....وبكده مابيحصلش تلف جوانى للفرده ....ولا سخونه نتيجة عدم توزيع الضغط كويس )......وبكده بيبقى صعب حدوث ظاهرة السلخ للكاوتش مع الحركه بالسياره وبالذات مع السرعه
ملوش عيوب غير ان لحامة غالى عن العادى
حتى لو اللى عندك تيوب ممكن تغيره بتيوبلس، بس اهم حاجة يكون الجنط مش معووج ، تقد تعرف اذا كان اللى عندك تيو وللا تيوبلس من خلال شكل البلف اللى راكب فى الجنط، بلف التيوب بيكون كله قطر واحد من اعلى البلف وحتى اسفله، بلف التيبولس بيكون مكبب من عند الجنط علشان يحكم على الجنط
معنى كلامك يا سبعاوى باشا ان الجنط ما يفرقش من التيوب للتيوبليس بأسلوب أخر لو جنط راكبله كاوتش تيوب ممكن على نفس الجنط أركب كاوتش تيوبلس
السلام عليكم ورحمة الله وبركاته
انا حولت الكاوتش المكنة الى تيوبلس بس صرفت ثمنة يجى 3مرات كل شوية تنام منى (على الارض) 30*70*30*20*85*40جنيها كل دى مصاريف خلال 20 يوم بس مع انها لما كانت شمبر مصافتش ده كله برجا الافاده علما بان كل مارح لبتاع الكوتش يقولى ده سليمة حد يفدنى