عرض للطباعة
النهارده روحت اعمل شهاده مخالفات لاقيت عليا 500 جنيه ل 3 مخالفات اتنين منهم حزام والاخيره تليفون اول واحده فى الدقى والتانيه فى ميدان الجلاء والتالته فى الجيزه
المشكله ان الاماكن دى انا مرحتهاش ومعرفش اروحها ومش عارف اعمل ايه
حسبى الله ونعم الوكيل فى دى بلد :I_angr1[1]::I_angr1[1]::I_angr1[1]:
ربنا يستر علينا
انا رايح كمان كام يوم
دى مشكلة حقيقيه وفضيحة للمرور بمعنى الكلمه
ربنا يعوض عليك
دى ضريبه انك يبقى عندك عربيه ومعندكش واسطه فى البلد دى
انا كمان عندي 200 جنيه مخالفات ومعملتهاش
منهم 3 مخلفات انتظار في الممنوع لنفس المكان ونفس الناريخ 3 مرات مش عارف ازاي
والغريبه بقي انها يوم سبت
وانا اصلا عربيتي مش بتتحرك ولا جمعه ولا سيت ولا حد
تقريبا اخدها مخالفه وهي واقفه في الجراج
ربنا معاك ياباشا ويصبرك علي المرور بتاعنا
طيب في حاله زي كده الواحد يعمل ايه ؟؟؟
سيادتك تعمل تظلم عند وكيل نيابة المرور مع اتصالين والكوسة بتخلص كتير في البلد دي.
هى اول مرة تحصلك دى كل يوم بتحصل العسكرى لازم يملا الدفتر باين عليه بياخد نسبة من المخالفات
:funny34d:
من وجهة نظرى أن المخالفات دى عندنا ماشيه تحت مبدأ القسمه والنصيب.............._ ومثال لذلك : مخالفة الرادار .....أنت وحظك......لو قابلوك يبقى كل سنه وأنت طيب.......لأن مفيش حد أساسا بيلتزم بالسرعه المقرره على الطرق السريعه.......بس هى أرزاق وأنت وحظك:Ob_mak1[1]:
مهو للاسف حضرتك انا معنديش كوسه لذلك غصب عنى هدفعهم المشكله واللى حارق دمى انى مرحتش الاماكن دى خالصاقتباس:
المشاركة الأصلية كتبت بواسطة derfo
الحمد الله على كل شىء وعمار يا مصر
بدون كوسة او حاجة ممكن تعمل تظلم مش هتخسر حاجة , اقل مافيها حتدفع الحد الادنى فقطاقتباس:
المشاركة الأصلية كتبت بواسطة zazw