إن شاء الله انا وصحابى فكرنا نطلع رحلة فى اجازة الصيف الجاى وفكرنا فى تركيا عشان سمعنا ان سعرها مناسب وهتبقى حاجة جديدة فلو حد عنده فكره عن اى حاجة فى الموضوع ده او تجربة سابقة ياريت يقولنا
عرض للطباعة
إن شاء الله انا وصحابى فكرنا نطلع رحلة فى اجازة الصيف الجاى وفكرنا فى تركيا عشان سمعنا ان سعرها مناسب وهتبقى حاجة جديدة فلو حد عنده فكره عن اى حاجة فى الموضوع ده او تجربة سابقة ياريت يقولنا
اللي أنا عارفه إن التأشيره بتاعتها مش سهلة قوي
و ليها شروط مش بسيطة و من ضمن الشروط دي إن يكون ليك رصيد في البنك بس مش عارف قد إيه
السلام عليكم و رحمة الله و بركاته
انا رحت تركيا من 5 سنين و كانت الاجراءات انك تروح سفارة تركيا فى جاردن سيتى ادام بنزينة التعاون و تقابل الاستاذ شاهين (لو كان لسه عايش) و تديله الورق المطلوب
1- كشف حساب فى البنك مش اقل من 10000 جنيه
2- و ورقة من الشغل بالمرتب علشان يتأكد انك راجع
3- ترافل شيك ب 500 دولار لكل شخص.
على فكرة انا كنت رايح انا و مراتى فطلب منى ترافل شيك بمبلغ 1000 دولار لينا احنا الأثنين بس أول ما تاخد التأشيرة تبيع الترافل شيك فى توماس كوك و مش حتخسر غير حوالى 50 جنيه.
المعلومات دى من 5 سنين و الله أعلم ايه اللى زاد أو نقص عليها:S_thum1[1]:
خد المنتدى ده وعيش www.travel.maktoob.com
هتلاقى قسم او توبك لتركيا فيه كل حاجه بس ههو منتدى خليجى فالاجراءات والفلوس وكده على كلامهم مش على مصر
انا سافرت اليونان قبل كده
وهقول لحضرتك الاجرائات المتبع للدخول لأى دوله اوروبيه
1 - كشف حساب من البنك ( بيقولك قبل 6 شهور ) مش مطلوب يكون كشف الحساب بمبلغ كبير لالا ده خطا بيقع فيه كل اللى بيقدمو
هما عايزين يشوفو حركة السحب والايداع بتاعتك
كل شهر بحط كام وبتصرف كام
يبقى مهم اننا نحاول نعمل حركة سحب وايداع قبل التقديم بفترة ولو على الاقل 4 شهور
2- بيطلبو شهادة المؤهل لو كنت طالب او شهادة من الشركة لو كنت بتشتغل
3 - احياننا بيطلبو بيان تحركات
وده بيطلع من مجمع التحرير وبياخد 15 يوم
طبعا لو طلبو تذكرة السفر انت بتجيب تيكت بالحجز من اى شركة سياحة ب 50 جنيه
والترافل شيك ده بدل حجز الفندق
اهم حاجه عندهم يتاكدو انك عندك فلوس ومش راح تكسر الفيزا وتقعد هناك
مهم جدا جدا
ان مايبقاش اى ورقه من الاوراق اللى هتتقدم مضروبه
لان كل سفارة بتتعامل مع محامى مخضرم بتعرض عليه الاوراق قبل كل شيء وبيكون فاهم كل الاجرائات فى مصر
ولو طلع ان فى ورقه مزورة الاسم بيدخل بلاك ليست على الكمبيوتر وبيبلغ بيه كل السفارات
بس انا اللى اعرفه ان تركيا دوله سياحيه من الدرجه الاولى لهذا الاجرائات فيها مبسطه
بس اهم حاجه موضوع السحب والايداع بتاع البنك
معلش ممكن سؤال خارج الموضوع
هوا مصر بتطلب نفس الطلبات دى لما حد يحب يجي يزورهاولا لأ ؟
الف شكر على الردود بس انا كان قصدى طبعا ان السفر يكون عن طريق شركة سياحة فهل برضه هنحتاج كل ده
وياريت لو حد عنده معلومات فعلية عغن البلد
يعنى هننبسط فيها ولا نروح حتة تانية ياريت يفيدنا [QUOTE][/QUOTEخد المنتدى ده وعيش www.travel.maktoob.com
هتلاقى قسم او توبك لتركيا فيه كل حاجه بس ههو منتدى خليجى فالاجراءات والفلوس وكده على كلامهم مش على مصر
اليوم 08:09 ]
الف شكر على الموقع الرائع
بص شوف اللينك ده
http://www.rasheed-b.com/2007/09/26/...rkey-visitors/
ده اللي اقدر افيدك بيه :)
و ربنا يوفقكم
تــحــياتـــي
لالالا احنا عايزين السياح وبنتحايل عليهماقتباس:
--------------------------------------------------------------------------------
معلش ممكن سؤال خارج الموضوع
هوا مصر بتطلب نفس الطلبات دى لما حد يحب يجي يزورهاولا لأ ؟
اما هما هيعملو بينا ايه
ماهى هى دى سياستنا الخارجيه الرشيده
على فكرة الخليجيين
بياخدو التاشيرة لأى دوله وهما فى المطار