الموضوع: المساعد الخلفى إنكسر

كنت عاوز أسألك يا أستاذ /أيمن ......هى العربيه من وراء .....مظبوطه والجنب الشمال زى اليمين فى الأرتفاع عن الأرض.........ولا الشمال واطى شويه....وعاليه من عند الجنب اليمين

والحمد لله إنها جت على كده

وحمدا لله على سلامتك طبعا

العربية مظبوطة جداً نفس الارتفاع من الجنبين

كنت بأحاول أفكر فى تفسير للمساعد اللى أنكسر ده ......وواضح أنه سوء تصنيع ....أو عيب فى خامة الزراع أو الـــــــــ rod بتاع المساعد ده.....وممكن يكون ياى أو سوستة الجنب ده تعبانه عن الجنب التانى (والمساعد ده كان شايل كتير معاها ).....والله أعلم

يا ترى حضرتك تنصحنى بإيه بخصوص إختلاف أنواع المساعدين

من رأيى عادى جدا......وليبقى الوضع على ماهو عليه ......طالما الأثنين اللى قدام حالتهم كويسه (زى ما الميكانيكى قال )........وتجربة القياده على سرعات مختلفه حيكون لها الكلمه الأخيره

وكل سنة وحضرتك طيب

وأنت بالصحه والسعاده يا أخى وحمدا لله على سلامتك مره أخرى...................تحياتى

المشاركة الأصلية كتبت بواسطة aymantop1

أنا بكرة إن شاء الله هاصوره وسوف أرسل لك الصورة لان من الواضح أن الاكس الصلب إتعوج لغاية ما إتقطم .

نحن فى أنتظارك......وكده فعلا حيكون الحمل على الجنب ده مش مظبوط طالما أن أنعوج كده ( لأن المفروض تكون القوه عموديه ومتعملش العوجه دى )..........

_ وحاول برضه تستكشف عن الوضع وأسبابه ( يمكن تكون الفرده دى فاتحه شويه لبره ....والمساعد مايل شويه مثلا والحمل عليه مش مظبوط مثلا....ومع الشغل أتعوج)

المشاركة الأصلية كتبت بواسطة ابو مريم

يعنى الفرده لو فاتحه لبره شويه ممكن تكسر المساعد

الحق اعملها بقى انا كنت مطنش

مفيش شك أن المفروض الحمل على المساعد يجب أن يكون فى وضع عمودى عدل......وأى خلل فى الحمل ممكن يؤثر على المساعد على المدى البعيد..........ناهيك عن السرعات....والدق اللى ممكن يحصل عليه لو فيه نسبة ميل للخارج مثلا........فمفيش شك ....ممكن ينعوج وينكسر كمان

_ وأنا أتوقع أن حاجه زى كده اللى حصلت مع أخونا :أيمن ( صاحب الموضوع )