الطريق الدائري بالمنصورة ... كفاية حرااااااااام عليكم ... التهريج دا اخرته اية ؟؟؟

السلام عليكم ....

بصراحة مش عارف اقول اية ...

بس بجد اللي بيحصل ده قمة في التهريج و التسيب و عدم الإنضباط و اللي في رأيي بيكون نتيجته ارواح و ممتلكات ناس...

رسالة الى وضع قوانين المرور الجديدة ... بجد انا عايزك تيجي تتفرج على اللي بيحصل في الطريق الدائري في المنصورة ... (( نكـــــــــــــــــــــت بصراحة )) !!

و من مظاهر التسيب و التهريج الآتي :

- طبعاً الطريق اصبح مفيش فيه مطبات غير عند اكاديمية السلاب ... غير كدا الطريق سريع و البقاء للأقوى ( او الأسرع !! )

-طبعاً لو لقيت يوتيرن (u turn) لازم تقف في الحارة السريعة عشان تلف ... و طبعا العربيات النقل بتكون ماشية على 90 كم كأقل تقدير... و يا سلام لو عربية واقفة عشان تلف اليوتيرن ... تلاقى العربية النقل خدت غرزة كأن اللي سايق سايق توك توك مثلاً ....

-عربيات واقفة على يمين الطريق في الملفات ( مهما كان السبب في ده تهريج ..) خاصة ان الطريق اساساً حارتين فقط !!

-عربيات كارروا ماشية عكس الإتجاه و في الإتجاه و اخرى واقفة عشان تلف اليوتيرن !!!!!:I_angr1[1]:

-عربيات بتمشي في عكس الإتجاه .. و اصبح الموضوع شئ عادي ... لأن مكان اليوتيرن هناك مناسب انه يختصر .. فأصبح عادييييي جدا انك تلاقيي واحد ماشي عكس الإتجاه في المنطقة دي ( طبعا شباب المنصورة الصورة واضحة عندهم .. )

-اعمدة النور: و أنا جاي من الكلية النهاردة ( الساعة 4.30 عصرا ) الأعمدة كلها منورة !! و لسة من يومين مروح من عالطريق المتخلف دا بالليل و الأعمدة كلها مطفية و الطريق دا بصراحة من غير أنوار متسوقش عليه ... ( مفيش حاجة في نص الطريق تمنع ضوء اللي جاي في الإتجاه الآخر )

- آخر حاجة كانت النهاردة ... و هي دي اللي خلتنى افتح التوبيك دا.. توك توك على الطريق الدائري ... طبعاً في طريق سريع زي ده اصبح الموضوع مألوف ... لكن لما يكون شايل انبوبة بوتاجاز كمان يبقى كدا كتييييييييييييير اوي اوي ...


((((( نفسي بس المسؤلين عن المرور قبل ما يحاسبوا الناس و يشوفوا التهريج و التسيب اللي هما مش عارفين يضبطوه )))))


:dontudear:

ربنا يكون فى عونك

هو الطريق الدائرى بس اللى فى المنصورة وطرق تانية كتير محتاجة تتظبط وتضاء ويبقا عليها شوية رقابة زى الطريق اللى بيوصل لدكرنس رغم كثرة الحوادث اللى بتحصل فيها وشباب كتير وطلبة راحوا ضحيته الا انه لحد الان مفيش اى اهتمام

اقتباس:

---

اعمدة النور: و أنا جاي من الكلية النهاردة ( الساعة 4.30 عصرا ) الأعمدة كلها منورة !! و لسة من يومين مروح من عالطريق المتخلف دا بالليل و الأعمدة كلها مطفية و الطريق دا بصراحة من غير أنوار متسوقش عليه ... ( مفيش حاجة في نص الطريق تمنع ضوء اللي جاي في الإتجاه الآخر )

---

نفس الموقف دة انا كنت مصورة وكنت عايز ابعت الصور لاي جهة مسؤلة
الاعمدة من الساعة 2 الظهر ل 8 بليل منورة
ومن 8 بليل ل تاني يوم الصبح طافية

معاكوا حق والله الطريق ده فعلا مينفعش كده ابدا و الاوحش منه طريق المنصوره القاهره و التوكتوك ده كارثه والله انا اخر مره كنت على الطريق شفت موقف مسخره الطريق حارتين و مقطورتين ماشين جنب بعض و انا وراهم مستنى يفتحوا الطريق لقيت توكتوك داخل من بينهم عادى جدا و مكمل ولا فى دماغه اى حاجه وبيزمر و مشغل طقم الصوت و احلى كلام ههههههههههه

انا كنت عامل موضوع برضو عن الطريق الدائرى بتاع المنصورة دة
الصراحة اللى خطط الطريق دة عبأرى عبأرى بعنى مش اى كلام

المنصورة محافظة ليس بها مرور من اساسه
بجد والله مفيش مرور فعلا في المنصورة
حاجه تقرف بجد

هو بص هو مفيش فايده حاليا دلوقتى ان الحال يتصلح فى مصر لان بصراحه هى البلد كلها بترجع لورا فالذى تراه فى الشوارع دا جزء من كل البوظان اللى مالى البلد
بس زى مابيقولولى دايما خليك باااااااااااااااااااااااا ااااااااارد جدا:mahf(5): فى السواقه متحاولش تحاسب الناس على اخطاءهم وهى بتسوق لان حضرتك مش حتخلص وحتلاقى نفسك بتتنرفز وبتضايق :B4_237:وياسلام لو انت متجوز مثلا متلقيش غير المسكينه اللى قاعده فى البيت عشان تطلع فيها غضبك (أنا مش ميت مره قلت بلاش مكرونه -دى سبانخ ياحبيبى- تانى سبانخ تانى سبانخ:I_angr1[1]:)
هو صحيح انك تكون بارد وانت بتسوق مش حاجه سهله بس حاول دايما انك تكون اهدى من اليوم اللى قبله
انا كنت عصبى جامد جدا على سواقين الميكروباص ولقيت نفسى مش حخلص قمت مكبر واللى عاوزين يعملوه يعملوه وبحااول امشى مظبوط على قد مبقدر علشان حياتى تعرف تستمر

لانك حتلاقى كمان بتوع المرور فيه كتير منهم متقبضين يعنى حتى لو جم فى الدائرى اللى عندكوا دا هما اول اسبوعين لغايه ميتعرفوا على السواقين عندكوا وحتلاقيه انيل من الاول

وفى النهايه خليك انت الصح يمكن حد منهم من مبيفهموش فى السواقه يشوفك وانت سايق محترم فى سواقتك يمكن يتعدى منك:ask:

المشكلة انهم لما جم يصلحوا الطريق دا موسعهوش وسابوه ضيق مع انهم كان ممكن يوسعوه قبل ما يتبنى فى الاراضى اللى لسة فاضية. وبعدين شالوا ليه المطبات ولغوا كل اليوتيرنات مسابوش الا واحد يعنى اللى طالع مثلا من شارع أحمد ماهر عشان يلف لازم يمشى لحد كوبرى الجامعة ويروح يلف من هناك... الطريق دا لو اتوسع واتنظم هيخف الزحمة جوة المنصورة بس مين المحافظ الجديد اشتغل له شهرين وبعدين سكت خالص خاص كفاية شارع اداب اللى لسة الناس بتمشى فيه على راحتها مع ان المفروض يشيلوا الحارة اللى لسة فى النص:dontudear:

اقتباس:

---

المشاركة الأصلية كتبت بواسطة BASKOTA

هو الطريق الدائرى بس اللى فى المنصورة وطرق تانية كتير محتاجة تتظبط وتضاء ويبقا عليها شوية رقابة زى الطريق اللى بيوصل لدكرنس رغم كثرة الحوادث اللى بتحصل فيها وشباب كتير وطلبة راحوا ضحيته الا انه لحد الان مفيش اى اهتمام

---

الطريق دا لو مايكل شوماخر ساق عليه هيتبهدل كفاية ان الواحد يبقى ماشى يلاقى 3 ميكروباصات بيعدوا بعض

بصراحه من كتر ما اتكلمت في الموضوع ماعادليش نفس أتكلم...
إحنا بنضرب في ميتين ولا حياة لمن تنادي.
واللي في دماغهم بيعملوه...

انت عارف الناس دي مش حتفوق الا لما يحصل كارثه...

http://www.alsowar.com/Upload/yousse...3200851217.jpg

وحتي لو حصلت... والله بيتهيأ لي الناس دي في دنيا تانيه ولا حياة لمن تنادي.

اقتباس:

---

المشاركة الأصلية كتبت بواسطة SuccessCre8or

...


((((( نفسي بس المسؤلين عن المرور قبل ما يحاسبوا الناس و يشوفوا التهريج و التسيب اللي هما مش عارفين يضبطوه )))))


:dontudear:

---

هدى نفسك يا كابتن
اعصابك
القلب والسكر بيلفو عل شباب اليومين دول
انا كنت بسبب توك توك بيشيد مع عربيه دبابه كنت هسلم على الاتنين :I_angr1[1]:

شكراً يا شباب للتفاعل ... هي بجد حاجة تنرفز ... و فعلا احسن حل ان الواحد يهدي نفسه و يبقى بارد خالص ... :)

اقتباس:

---

لمنصورة محافظة ليس بها مرور من اساسه
بجد والله مفيش مرور فعلا في المنصورة
حاجه تقرف بجد

---

.. فعلاً .. بس لما بروح محافظات تانية ( غربية او شرقية ) بحمد ربنا


الحمد لله على كل حال :) :)

المشكلة الحقيقية ان عندكوا عربيات كتيرررررررررر والشوارع ضيقة وومحافظتكوا كبيرة جدااااااااااااااااااااااا ا..
وعلى فكره انا عارف المكان الي بتتكلم عنه .. بجد ربنا يستر وخصوصا باليل ..
ويا سلام لو مسافر على بورسعيد .. بتاع 46541641654165 الف مطب وبعد ما تاكل المطب يقولك انتبه مطب صناعي هههههههههههههههه

انا بقيت بكره امشي من هناك اساسا
رغم اني كنت بحب الدائري دا في الاول
بروح من عند الاستاد للجامعة في 5 دقايق
دلوقتي ولا ربع ساعة دا انا لو رحت من علي البحر
في الزحمة ارحم من هناك
المرور في المنصورة زي الفل بينزل يومين يلم اللي
فيه النصيب وما يخلصوا ينزل تاني عشان كددا مش
بتلاقي مرور الا في حالتين
1- المحافظ معدي او مدير الامن
2-الفلوس خلصت ونازلين يلموا فلوس بس

اقتباس:

---

المشاركة الأصلية كتبت بواسطة bee

المشكلة الحقيقية ان عندكوا عربيات كتيرررررررررر والشوارع ضيقة وومحافظتكوا كبيرة جدااااااااااااااااااااااا ا..
وعلى فكره انا عارف المكان الي بتتكلم عنه .. بجد ربنا يستر وخصوصا باليل ..
ويا سلام لو مسافر على بورسعيد .. بتاع 46541641654165 الف مطب وبعد ما تاكل المطب يقولك انتبه مطب صناعي هههههههههههههههه

---

لسا واخد واحد حياتك من دول
وشكله كدا بوظ العربية

اقتباس:

---

المشاركة الأصلية كتبت بواسطة bee

المشكلة الحقيقية ان عندكوا عربيات كتيرررررررررر والشوارع ضيقة وومحافظتكوا كبيرة جدااااااااااااااااااااااا ا..
وعلى فكره انا عارف المكان الي بتتكلم عنه .. بجد ربنا يستر وخصوصا باليل ..
ويا سلام لو مسافر على بورسعيد .. بتاع 46541641654165 الف مطب وبعد ما تاكل المطب يقولك انتبه مطب صناعي هههههههههههههههه

---

ازيك يا محمود عامل اية
بصراحة لك حق تقول كدة
فعلا بورسعيد والاسماعيلية تعتبر المحافظتين المثاليتين فى المرور والطرق ومش زحمة
كان نفسى اعيش فى بورسعيد مش عشان البلد حلوة بس
كمان عشان اركب عربية غالية بسسعر حلو
يابختكم :I_angr1[1]:

كنت راجع من جمصه عليه من يومين وما شاء الله الحوادث للركب وكان لسه 132 عامله حادثه طازه !!!!!!!!!!!!!!!!!!!!!!!!!!!!!!!!!!!!!!!!!!

لسة انهردة الضهر عربية سما صينى كان راكبها اتنين شبانب دخلت فى الحاجز الحديد الى على اليمين الى بعد البنزينة بتاعة كالتكس واتقلبت العربية والله مابينلها معالم واحد من الى كانوا راكبيين طلع سليم والتانى شكلة حالتة سيئة جدا الاسعاف جة شالة بجد الحادثة شكلها فظيع والعربية توتال لوس

الطريق ده و التوسعة بتاعة الجامعة اللي خططلهم ده يدوب يدوووووب معاه اعدادية

أولا ..ما فيش لفة توحد الله من بعد كالتكس يعنى
لو حظك الهباب أو شيطانك وزك تمون منها و انت في اخر جيهان (يعني بينك وبينها فركة كعب) يبقى لازم تاخد الطريق السريع لحاااد الميدان و تدخل لشارع الجمهورية و تلف من قدام معرض البلقاسي Egypt Car و ترجع لحاد محطة المية و تفضل ماشي لححااااااد البنزينة تاني

و الله خلل عقلي

طب ليه مافيش ملفات ؟؟؟ علشان الحوادث

يبقى هو ده الحل !!!!! لفوا من أخر العالم علشان مش عارفين نظبط الطريق و لا نعمل لفة محترمة ...


وخد دي

دي رسمة كروركي للفة اللي في الطريق الجديد اللي بودي على الدوران من جيهان من جنب استاد الجامعة

http://www8.0zz0.com/2009/04/23/01/994642283.jpg

البهوات عاملين في الرصيف اللي في النص حتة عريضة علشان تكون ظل حماية لل U turn

بس نسيوا يتخنوا الرصيف قبلها
يعني لو انت جاي من الشمال لليمين و ماسك شمالك (جنب الرصيف الأسود) هوووب هاتقوم رازع في الحتة التخينة بتاعة الدوران .

كان المفروض الرصيف يكون زي ما أنا عامله بالأحمر يوسع أو يتخن شوية علشان ما نخبطش ..



ربنا يكون في عون البلد دي

اقتباس:

---

المشاركة الأصلية كتبت بواسطة Ahmed Samy

الطريق ده و التوسعة بتاعة الجامعة اللي خططلهم ده يدوب يدوووووب معاه اعدادية

أولا ..ما فيش لفة توحد الله من بعد كالتكس يعنى
لو حظك الهباب أو شيطانك وزك تمون منها و انت في اخر جيهان (يعني بينك وبينها فركة كعب) يبقى لازم تاخد الطريق السريع لحاااد الميدان و تدخل لشارع الجمهورية و تلف من قدام معرض البلقاسي Egypt Car و ترجع لحاد محطة المية و تفضل ماشي لححااااااد البنزينة تاني

و الله خلل عقلي

طب ليه مافيش ملفات ؟؟؟ علشان الحوادث

يبقى هو ده الحل !!!!! لفوا من أخر العالم علشان مش عارفين نظبط الطريق و لا نعمل لفة محترمة ...


وخد دي

دي رسمة كروركي للفة اللي في الطريق الجديد اللي بودي على الدوران من جيهان من جنب استاد الجامعة

http://www8.0zz0.com/2009/04/23/01/994642283.jpg

البهوات عاملين في الرصيف اللي في النص حتة عريضة علشان تكون ظل حماية لل U turn

بس نسيوا يتخنوا الرصيف قبلها
يعني لو انت جاي من الشمال لليمين و ماسك شمالك (جنب الرصيف الأسود) هوووب هاتقوم رازع في الحتة التخينة بتاعة الدوران .

كان المفروض الرصيف يكون زي ما أنا عامله بالأحمر يوسع أو يتخن شوية علشان ما نخبطش ..



ربنا يكون في عون البلد دي

---

+10000000

طيب هما لية مكملوش الميدان علشان الى جاى من الشمال وعايز ياخد u turn ويرجع تانى ؟؟؟ بدل ما يلف من عند egypt car ؟؟؟

اقتباس:

---

المشاركة الأصلية كتبت بواسطة sa3dawy

+10000000

طيب هما لية مكملوش الميدان علشان الى جاى من الشمال وعايز ياخد u turn ويرجع تانى ؟؟؟ بدل ما يلف من عند egypt car ؟؟؟

---

السبب المنطقي الوحيد اللي ممكن اقوله لحضرتك هو انهم عايزين يعملوا دعاية لــEgypt car على اساس انه جاب ميني كوبر و فورد موستانج ...!!!!

:I_angr1[1]:

حاجة تزهق ..!

اقتباس:

---

المشاركة الأصلية كتبت بواسطة SuccessCre8or

السبب المنطقي الوحيد اللي ممكن اقوله لحضرتك هو انهم عايزين يعملوا دعاية لــEgypt car على اساس انه جاب ميني كوبر و فورد موستانج ...!!!!

:I_angr1[1]:

حاجة تزهق ..!

---

هههههههههههههههههه :S_thum1[1]:

اقتباس:

---

المشاركة الأصلية كتبت بواسطة SuccessCre8or

السبب المنطقي الوحيد اللي ممكن اقوله لحضرتك هو انهم عايزين يعملوا دعاية لــEgypt car على اساس انه جاب ميني كوبر و فورد موستانج ...!!!!

:I_angr1[1]:

حاجة تزهق ..!

---

الصراحة انا ميت على الموستانج دى ..... عايزها اسبوع بس :I_angr1[1]:
والمينى كوبر القعدة فيها تحفة بردة best driving position ever

حاجة تزهق بجد :I_angr1[1]::I_angr1[1]::I_angr1[1]:

يا جماعة فعلا الطريق الدائري ده بجد حاجة فظيعة ..... لسه من كام يوم كان واحد بتاع ترلة نقل كان هيلطشني من ورا و انا باخد u turn بس الحمد لله ربنا ستر و فلت منه باعجوبة و بجد اللي بيحصل علي الطريق ده اسمه تهريج

انا مره كنت راجع من القاهره و ماشي في الحاره الشمال أفاجأ ببلوك أسمنت اللي بيفصل بين الحارتين محطوط بالعرض و واكل نص الحاره، لولا ستر ربنا و اني كنت فايق و مكنش في حد جنبي، رميت العربيه يمين و ربنا ستر و عرفت ألمها تاني.
من يوميها معدتش بمشي في الطريق ده نهائي، بقيت أخدها من طريق سندوب - الاستاد أريح.

بص لو عايز تروح البنزينة او تروح الاكاديمية من اقصر الطرق انا رايي والي انا بعمله

هتطلع من احمد ماهر بدل ما تطلع يمين علي الطريق اطلع شمال وخلص الشارع لغاية الصنية واطلع

من المجزر علي الطريق علي طول خد اليوترن وروح كليتك او حط بنزينك وخش البلد تاني

لكن انا رايي ان قفل اليوترنات صح لأن الطريق سريع مش كل شوية هنلاقي يوترن

دا رايي شكرا

اقتباس:

---

المشاركة الأصلية كتبت بواسطة _hany_

انا مره كنت راجع من القاهره و ماشي في الحاره الشمال أفاجأ ببلوك أسمنت اللي بيفصل بين الحارتين محطوط بالعرض و واكل نص الحاره، لولا ستر ربنا و اني كنت فايق و مكنش في حد جنبي، رميت العربيه يمين و ربنا ستر و عرفت ألمها تاني.
من يوميها معدتش بمشي في الطريق ده نهائي، بقيت أخدها من طريق سندوب - الاستاد أريح.

---

البلوك اللي بيكون في نص الطريق دا عادي جدا ... اصبح حاجة بنشوفها كل يوم و عشان كدا مكتبتش عنه في رأس الموضوع

:I_angr1[1]:

اقتباس:

---

المشاركة الأصلية كتبت بواسطة mazen86

بص لو عايز تروح البنزينة او تروح الاكاديمية من اقصر الطرق انا رايي والي انا بعمله

هتطلع من احمد ماهر بدل ما تطلع يمين علي الطريق اطلع شمال وخلص الشارع لغاية الصنية واطلع

من المجزر علي الطريق علي طول خد اليوترن وروح كليتك او حط بنزينك وخش البلد تاني

لكن انا رايي ان قفل اليوترنات صح لأن الطريق سريع مش كل شوية هنلاقي يوترن

دا رايي شكرا

---

والله فكرة ممتازة يا مازن
انا ماخدتش بالي منها قبل كده
بس من النهاردة هاعمل كده

اقتباس:

---

المشاركة الأصلية كتبت بواسطة Ahmed Samy

والله فكرة ممتازة يا مازن
انا ماخدتش بالي منها قبل كده
بس من النهاردة هاعمل كده

---

الحمدلله اني قدرت اعمل حاجة مفيدة

اقتباس:

---

المشاركة الأصلية كتبت بواسطة ehabbasha30

ازيك يا محمود عامل اية
بصراحة لك حق تقول كدة
فعلا بورسعيد والاسماعيلية تعتبر المحافظتين المثاليتين فى المرور والطرق ومش زحمة
كان نفسى اعيش فى بورسعيد مش عشان البلد حلوة بس
كمان عشان اركب عربية غالية بسسعر حلو
يابختكم :I_angr1[1]:

---

ايه يا بوب ده كله .. انا حاسس اني هنفجرررررر :k45:

اقتباس:

---

المشاركة الأصلية كتبت بواسطة mazen86

الحمدلله اني قدرت اعمل حاجة مفيدة

---

والله فكرة نحفة ... انا لسة مجربها واحسن كتيير

خلى بالك و حط عينك وسط راسك و احزر اخطاااااااااااااااااااء الاخرين
و ربنا يسترها معانا . و ماتنساش تقرا الشهادتين على اول الطريق
و تحمد ربنا لو وصلت لاخره