النوبيرا افضل
عرض للطباعة
النوبيرا افضل
انا كنت زيك كده بالضبط محتار من 6 شهور ، وسألت هنا فى المنتدى نفس السؤال وكانت الردود بنسبة كبيرة نفس الردود اللى اتردت عليك ، فاتكلت على الله واشترتها ، وطبعا 6 شهور صعب انك تحكم على عربية زيرو ، ولكن نسبة رضائى عنها تجاوزت ال 90% ( الشكل والوسع والهيبة ) اما موضوع قطع الغيار فطبعا لسه مجربتوش ، واستهلاك البنزين عادى يعنى مش وحش خالص باختصار العربية ممتازة ( مبدئيا)
النيو اكسنت انا عارف انها عربية كويسة بس انا شفتها من جوه فى المعرض ضيقة والا لو لونها اسود تحس انها زى الفيرنا بالضبط والغريبة انه بالرغم من تشطيبها الداخلى الرائع الا ان شكلها الخارجى لا يعكس هذه الجودة بعكس النوبيرا
العربيتين معايا ...ولكن ماينفعش تقارنهم مع بعض لانهم فئتين مختلفتين ...النوبيرا عائليه متوسطه الحجم تقارن بالالنترا ...والاكسنت شبابيه صغيره الحجم تقارن بالافيو واللانوس ...وعلى حسب احتياجاتك تجيب ايه ؟؟ وباختصار هقولك معلومات عنهم....
العفشه : الاكسنت : عفشه رياضيه (اتزان وثبات ممتاز على حساب الراحه ) يعني كل مطب هتاخده اللي قاعد ورا هيطنطط وهيلزق في السقف وهتحس بيه اكتر في شوارع المحروسه انما الثبات كويس لحد 180 وايضا عمرها الافتراضي طويل (من 2006 لحد الان لم تمد يدي فيها )
النوبيرا: عفشتها مريحه وثباتها هايل حتى 190 ولكن عمرها الافتراضي اقل
الماتور : الاكسنت :ماتور رهيب 112 حصان بسرعه قصوى 220 وتسارع وتجميع رهيب وصوته ممتع اثناء التسارع
النوبيرا : ماتور جيد جدا 106 حصان بسرعه قصوى 190 ولكن يعيبه البطئ في الطلعه والتسارع بسبب طبيعة مواتير الدايو وايضا بسبب ثقل جسم النوبيرا ولكن يعيبه صوت الشكمان العالي
العزل : الاكسنت :عزل ممتاز ( درجه حراره وصوت )
النوبيرا : عزلها متوسط
الكماليات : الاتنين واحد ولكن يفرق ان الاكسنت لا تتوافر بمرايات كهرباء ولاعداد حراره (هناك لمبه بدل منه )
ناقل الحركه : الاكسنت : الاوتوماتيك تقريبا نفس كفائه المانيوال والمانيوال سلس في نقلاته
النوبيرا :في موديلات 2009 واخر 2008 لا تتوافر بناقل حركه اوتوماتيك
قطع الغيار والصيانه : الاكسنت : للاسف مشكله في الاكسنت حيث ان قطع غيارها غاليه ولا تتوافر بكثره خارج الوكيل ...وطبعا الصيانه في التوكيل غاليه جدا (علشان عمو غبور )
النوبيرا : قطع غيار رخيصه ومتوفره وصيانه سهله عند اي ميكانيكي
الوسع : النوبيرا اوسع طبعا بحكم اختلاف الفئه ..ولكن الاكسنت هي اوسع عربيه في فئتها
الخلاصه : الاكسنت تصميم حديث (2006 ) شبابيه جدا (تقفيل كوري ) - النوبيرا تصميم قديم (1999) ولكنها مازال يعمل بكفائه من حيث الماتور والشكل الخارجي وهي سياره عائليه (تقفيل مصري )
كل الناس بتحذر من الاتوماتيك في النوبيرا وفعلا لي قريب غيره بعد سنة من شراء السيارة كانت استعمال نظيف غير انه مهتم جدا بالعربية
بس مش عارف ايه السبب ماسالتهوش وعرفت انه كلف تقريبا 3000 جنية
ياريت الناس اللي ليها تجربه مع الاتوماتيك توضح ايه أسباب ذلك
ولكم الشكر