اللانوس خنقتني بجد

**ahmedhilmy** · 22-04-2009 12:35 AM

يا جماعة العربية من ساعة ما جبتها و السحب بتاع العربية سئ النهارده قررت انفذ كلام الاستاذ محمد و نضفت المنافولد ده بس بالتعاون مع الميكانيكي بعد ما طبعت الورق وو رتهوله مفيش فايده قليي نغير البوجيهات لانها مهببة و سلوك البوجيهات غيرنا برده مفيش فايدة اطلع علي بتاع الشكممانات فك علبة البيئة لقتها اصلا مفكوكة و اللي عملها قبل كده قفلها بشكل نجمة فسدها المهم قللي لاما تجيبب جديدة ب 850 او استيراد ب 300 او نشلها خالص بس صوت العربية هيعلي شوية انا طبعا رفضت و قلتله ركب علي كده و سبها زي ما هي المهم يا شباب صرفت تقريبا 200 جنيه النهارده هباءا منثورا دي رحلتي مع السحب من 1 الظهر ل 10 بالليل افيدوني افدكم الله اعمل ايه احسن النهارده كرهت العربية كره غير عادي

**kareembelal** · 22-04-2009 01:08 AM

ما تزعلش نفسك الظاهر ان دي مشكله عامه

والظاهر كمان اننا دلعنا العربيات دي

لان كتير اول ما اشتريتها زيرو قالولي دوس علي العربيه لانها هاتنام منك وتبقي نيه

وانا ما صدقتش واخدتها واحده واحده لغايه ما نامت واخدتها شخير يا ريس

خليها نايمه هو يعني احنا هاندخل رالي الفراعنه

**ahmedhilmy** · 22-04-2009 01:14 AM

اخيرا حد رفع من روحي المعنوية انا قاعد علي النت بالرغم اني عايز انام علي امل حد يعبرني و ريحني نفسيا احسن بجد كان يوم لانوساوي مش لطيف

**kareembelal** · 22-04-2009 01:23 AM

المشاركة الأصلية كتبت بواسطة ahmedhilmy

اخيرا حد رفع من روحي المعنوية انا قاعد علي النت بالرغم اني عايز انام علي امل حد يعبرني و ريحني نفسيا احسن بجد كان يوم لانوساوي مش لطيف

انت هاتقوللي علي قعدة وشغل الميكانيكية

انا كان عندي عربيه فيات قديمه وكاربراتير واسبراتور والله ينور

كنت كاتب اسمي علي كرسي خاص عند الميكانيكي والسمكري من كتر ما بروحلهم

ربنا عافانا وبرده هانروح ونقول العربيه ما بتسحبش ؟؟

خليها ما تسحبش وانا عامل موضوع هنا بنفس الشكوي ويا ريت نوصل لحل ودي بعيد عن الميكانيكي والتجارب حتي لو روحناله يبقي عارفين هانعمل ايه

**bakroov** · 22-04-2009 02:53 AM

بص ياابو حميد اولا اوعى تزعل عشان عربية ثانيا مشكلتك سهلة عن مشاكلى اللى لو حكيتهالك حتصلى 40 ركعة شكر ثالثا لازم تعرف ان الميكانيكى بعشر حلاقين شفرتهم تلمة رابعا وده الاهم لما تزهق من عربية سيبها شوية من غير ميكانيكى وقضى بيها المشاوير القريبة وربنا يكرمك ويحلهالك من عنده .. على فكرة حتى اللى معاه بى ام ممكن مايعرفش حاجات كتيرة بتحصل ليه واهل الخبرة فى مصر معدومين

**acs** · 22-04-2009 03:17 AM

مبتسحبشى ازاى يعنى اخر سرعة ليك كام ولا تقصد فى التسارع

**mohamed ismail** · 22-04-2009 04:14 AM

بس يا باشا
انا معايا 2007 عامله 85 الف كيلو
وبعد صيانة ال 80 وتغيير السيور البليه والفلاتر واللذي منه حاسس ان العربية ما بتسحبش
وبتعاني في السحب لما اضغط عليها
ورحت بيها كذا مرة للصيانة ولسه زي ما هي
واللي يقوك دا البنزين
واللي يقولك انته بس حط لها منظف رشاشاات واللي يقولك اقرص عليها
المهم زهقت واهي ماشية
وعلي راي الاستاذ كريم انا اصلا مش بازود عن ال 100

**Shiref_mohamed** · 22-04-2009 09:35 AM

المشاركة الأصلية كتبت بواسطة mohamed ismail

بس يا باشا
انا معايا 2007 عامله 85 الف كيلو
وبعد صيانة ال 80 وتغيير السيور البليه والفلاتر واللذي منه حاسس ان العربية ما بتسحبش
وبتعاني في السحب لما اضغط عليها
ورحت بيها كذا مرة للصيانة ولسه زي ما هي
واللي يقوك دا البنزين
واللي يقولك انته بس حط لها منظف رشاشاات واللي يقولك اقرص عليها
المهم زهقت واهي ماشية
وعلي راي الاستاذ كريم انا اصلا مش بازود عن ال 100

في حالة حضرتك مفيش غير احتمالين

1- الفلاتر الى ركبت مش تمام او مضروبه زي كتير من قطع الغيار الى في السوق
2- سير الكاتينة مش راكب صح وده بيموت العربية

**ehab4367** · 22-04-2009 09:57 AM

يا باشا دى مشكلة عامة
انا معايا شفرولية لانوس(2009)طبعا
واخرها على السريع 160كم
مش بتجيب اكتر من كدة
تخيل وهى لسة جديدة بتعمل كدة

**ahmedhilmy** · 22-04-2009 11:03 AM

انا شاكر المشاركة النفسية الجامدة دي و نتم فعلا احسن شباب في احسن منتدي المهم انا مشكلتي مش في السرعة الحمد لله العربية بتجري بس في التسارع و خفض السرعة المفاجئ و اعادة رفعها تاني باختصار تجميع العربية زي ما بيقولي بس انا قررت اشلها من دماغي و الله المستعان

الموضوع: اللانوس خنقتني بجد

LinkBack

أدوات الموضوع

عرض

اللانوس خنقتني بجد - انشر الموضوع فى :

-

-

-

-

-

المواضيع المتشابهه

باب اللانوس

الفرااااامل خنقتني

مشكلة خنقتني جدااااااااااا

مشكلة خنقتني جدااااااااااا

هل اللانوس الهاتشباك افضل من اللانوس السيدان؟

الكلمات الدلالية لهذا الموضوع

المفضلات

المفضلات

ضوابط المشاركة