مروحة التكييف

**hanysaeid** · 22-04-2009 01:38 AM

السلام عليكم احلى منتدى انا كونت قولت قبل كدة على موضوع الغير الخامس معايا انة مش بييجى والاسطوانى اللى تعبانة وصوت الموتور اللى عالى وفية ناس قالتلى اغير مجموعة الخامس واللى قاللى انى اغير طقم الدبرياج انا بصراحة لسة معملتهومش علشان مش عندى وقت وبعدين قولت بعد موسم الاعياد بس لقيت حاجة جديدة دلوقتى المفروض ان فية مروحتين فى اللانوس واحدة للسخونة والتانية بتشتغل لما التكييف بيشتغل صح ؟؟ انا عندى المروحة مبتشتغلش لما التكيف بيشتغل يبقة حلها اية وبعدين بالنسبة لمجموعة الخامس الاقيها فين احسن خلاص هتجنن وشكرا

**MMamdouh** · 22-04-2009 01:00 PM

فى الدايو المروحتين بيشتغلوا مع بعض سواء للتبريد او للتكييف و بيبقى ليهم سرعتين

لو مروحة واحدة اللى بتشتغل يبقى فيه مشكلة فى المروحة التانية او فيوزاتها او الكتاوت بتاعها

MMamdouh

**hanysaeid** · 22-04-2009 07:17 PM

الف شكر يا جماعة على الرد السريع استاذ ممدوح ياكبيرنا احنا عايزين نسميك عمدة كفر اللانساوية انا بحب ارائك جدا ممكن يا كبير تدلنى على محل بيبيع مجموعة الخامس لان الغيار الخامس عندى مبيجيش فى السرعات العالية بيعشق بس فى سرعة التانى والاسطوانة خفيفة وشكرا يا عمدة