بفكر اشترى عربية لانوس,, يا ريت اصحاب اللانوس يقولولى تجاربهم معاها, وياترى ينصحونى بيها ولا لآ
عرض للطباعة
بفكر اشترى عربية لانوس,, يا ريت اصحاب اللانوس يقولولى تجاربهم معاها, وياترى ينصحونى بيها ولا لآ
اكيد ننصحك بيها بدل ما تقديها مشى :D
قولنا الاول ميزانيتك كام و بتدور على عربية زيرو ولا مستعملة و العربيات التانية اللى بتفكر فيها عشان نعرف ننصحك صح
MMamdouh
انا عدلت العنوان عشان يتناسب مع المحتوى
مشرف القسم
طبعا انصحك بيها
1) قطع غيار متوفرة ورخيصة ... حط تحت الاخيرة دى مليون خط
2) الميكانيكية بقوا بيفهموا فيها ومش هتتكوى بنار التوكيل على الاغلب
3) انتشار كبير جدا وسعر اعادة بيع ممتاز
4) راحة ونعومة وتكييف جيد بالنسبة لسعرها
.اقتباس:
المشاركة الأصلية كتبت بواسطة amrrashed
اشكرك على الرد
ومستنى باقى اصحاب اللانوس علشان ينصحونى
أتوكل علي اللة عربية ممتازة في كل شيء عيبها بس انها واطية شوية والثبات ضعيف نسبيا بعد ال140كيلو
عربيه ممتازه
مكنه جرايه
تكييف جيد وكماليات كتير
صيانة سهله ومتوفره ورخيصة
عيبها الوحيد الصاج ضعيف نسبيا لكن اغلب الجديد كده
وربنا يكفيك شر الحوادث
بصراحة أنا لسه جايبها قريب مكملتش شهر .. ومش هقدر أفيدك أوي في الموضوع .. بس الزملاء هنا بينصحوك بيها .. وطمنوني أنا كمان أن اختياري كان موفق ولله الحمد. وفعلاً كل المميزات والعيوب اللي قالوها مضبوطة 100%، وأعتقد كمان أنها مش بتاكل بنزين كثير ...
بالنسبه لموضوع البنزين ده هي بعد كام سنه بتزيد في استهلاك البنزين شويه
يعني علشان دي طبيعة الرشاشات بتاعتها لكن لوبتحافظ على الصيانه
هتفضل فى حدود المعقول
العربية دى فيها 3 عيوب و بتتصلح بى منتهى السهولة ماعدا اول واحد:
- الفرامل ضعيفة شوية
- الرشاشت بتعتها بتبوظ بسرعة بس الموضوع داة بيتحل نهائيا ب 250 جم انك بتجيب رشاشات استيراد بتاعت عربية BMW 1600 (كان تعديل مقترح من المشرف و انا جربتة و اسبت كفائة ممتازة)
- اتاكد ان صاحبها مغير طرمبة البنزين علشان فى دفعة نزلت الضرمبة بتبوظ بسرعة و بردة القصة دى بتتحل ب 150 جم بانك بتغير المتور بتعها لو باظت
فا العربية ممتازة جدا و الصالون بتعها افخم بكتير من الاكسنت لو انت بتقارن علشان هيا نفس الفئة