الموضوع: اقتراحات للبحث عن عمل ؟!!

يا باشا لغة عبرية ومحتار ؟
لو ممكن تستحمل غلاسة وبرود الجماعة اللى ميتسموش (إسرائيلين) ممكن تجرب طابا وشرم .
ولو عاوز نصيحة أخوية بجد :
- لو بتكتب كويس على الكمبيوتر ممكن تشتغل تايبست مع أى شركة كمبيوتر وممكن من بيتك كمان ، يعنى تاخد منهم شغل وتعمله عندك فى البيت وتسلمهولهم على فلاشة أو cd وبعدها ممكن ربنا يكرمك وتعمل شغل لحسابك وتجيب برنتر ليزر وتظبط نفسك (بس اعمل حسابك فى نضارة كويسة)
بصراحة مفيش احسن من الشغل الحر حتى لو كان متعب فى البداية.
وربنا يوفقك.
ولو محتاج أى مساعدة عن الشغل الحر أنا تحت أمرك .

والله ياريت تفيدني في الموضوع دا
انا الحمد لله بكتب كويس جدا وبسرعه كويسه جدا جدا جدا
انا مستني رد حضرتك عليا

وبخصوص اللغه انا لسا مش متمكن منها
فهيكون صعب جدا اني اشتغل بيها

128 مشاهده
ومحدش راضي يدلني على طرق للعمل
انا مستني بردو
مفيش يأس

المشاركة الأصلية كتبت بواسطة Ahmed_Emad

شوف يا باشا


لو كويس في المحادثة بالعبري (مش شرط تكون ضليع يعني بس بتمشي حالك) ممكن تروح كول سنتر في اكتوبر اسمه إكسيد، اعتقد والله أعلم ان ده الوحيد اللى عنده قسم خدمة عملاء عبري http://www.xceedcc.com/Home/


لو الانجليش بتاعك كويس ممكن تقدم فى كول سنتر تاني اسمه c3 في المعادي
في شارع النصر جنب بنزينة شل، وده ميزته انهم بيقبلوا طلبة عادي ومواعيده ليلية وثابتة لو حبيت تكمل في فترة الدراسة كمان
http://www.c3.com.eg/


لو مكانش انصحك بشدة انك تسيبك من الشغل دلوقتي (لو مش محتاجه قوي) وتستثمر وقت اجازتك في كورسات إنجليش، لأنه عن تجربة مفيش حد دلوقتي بيشتغل من غير إنجليزي كويس، حتى لو كان الشغل ملوش علاقة بالإنجليزي أساساً!

شكرا للاقتراح حضرتك
ان شاء الله هيكون في الحسبان
بخصوص اللغه العبريه انا لسا موصلتش لدرجه اني اكون متمكن من اللغه
لكن الحمد لله انا دلوقتي بشتغل على نفسي وكويس وباخد كورس عبري
وبخصوص الانجليزي كويس فيه يعني اقدر اقول على نفسي جيد مثلا
وشكرا لرد حضرتك مره تانيه

المشاركة الأصلية كتبت بواسطة Terrible_DaRsH

اولا انا بحييك جدا جدا والله على اصرارك على تكوين نفسك وسعيك لحياة افضل .

بجد ربنا يوفقك .

بس اهم حاجة تبعد عن جرنال الوسيط نهائــــى كله نصب فى نصب فى نصب ..

انت بقي ممكن تشوف شغل فى اى محل ملابس او تمسك سايبر لو عندك خبرة كويسة فى الكمبيوتر و دول اضعف الايمان ..

ممكن تشتغل فى اعمال مكتبية .. يعنى تبقي سكرتير فى اى مكتب صغير وده مش لازم خبرة .

شكرا يا فندم على ردك
انا فعلا مش متابع الجرايد بشكل كبير اصلا
وبخصوص محل ملابس او اعمل مكتبيه
تنصحني ادور فين
يمكن ربنا يفرجها واعرف الاقي شغل كويس
عالاقل يقضي مصاريفي لشخصيه كمبتدئ

انا زيك كان نفسى اشتغل اى حاجه .... واحس انى بعمل حاجه فى حياتى ... واقبض فلوس ..والكلام ده

بس الصراحه فى الاخر كسلت ولقيت انى مش هنفع اشتغل اى حاجه

بس كان فى حاجه وانا بسال ودخلت مزاجى جدا ...

لو انت ليك فى الحساب ... انصحك تروح تشتغل فى -سبينس-

ودا ليه فوايد كتيره .. ضغط الشغل ومقابلتك لاشكال والوان من مستويات مختلفه هتفيدك جدا وهتعلمك حاجات كتيره

وكمان -سبينس- مكان محترم ...ومرتباتهم كويسه

بس الشغلانه دى عاوزه حد دماغه صاحيه ... عشان بيكون عندهم ضغط جامد...

وكمان عندك محلات الملابس فى سيتى ستارز ... باردوا حاجه كويسه

ولو عاوز كمان تملى بقيه وقت فراعك كملها بكورسات.... هتحس انك بتعمل حاجه مفيده فى حياتك


معلش طولت ... بس اصلى انا عاوز اعمل كده انا كمان... فبشحعك واشجع نفسى كمان


تحيــاتــى