استفسار -عاوز أنشئ مركز خدمة معتمد؟

**motazbb** · 22-04-2009 12:22 PM

أنا عاوز انشئ مركز خدمة سيارات .... وعاوزة يكون معتمد من شركة غبور.... هل حد يقدر يفيدنى ...هل فى شروط ومواصفات وضعاها شركة غبور ؟أو هل فى ادارة معينة فى الشركة مختصة بكدة .. أرجو المساعدة .

**faroukahafeez** · 22-04-2009 06:01 PM

المشاركة الأصلية كتبت بواسطة motazbb

أنا عاوز انشئ مركز خدمة سيارات .... وعاوزة يكون معتمد من شركة غبور.... هل حد يقدر يفيدنى ...هل فى شروط ومواصفات وضعاها شركة غبور ؟أو هل فى ادارة معينة فى الشركة مختصة بكدة .. أرجو المساعدة .

صعب اوى حد يفيدك فى المنتدى لانك لازم تلاقى واحد عمل كدة او على الاقل لية احتكاك بالموضوع كمان اعتقد الموضوع مكلف جداً

انا رأى اطلع على غبور المركز الرئيسى وشوف هناك
وياريت تعرفنا عملت اية وازاى ممكن تاخد مركز خدمة معتمد بالشروط والمواصفات

**motazbb** · 23-04-2009 02:36 PM

شكرا جدا لردك .... أنا سألت صديق لى بالفعل ويعمل فى أحد التوكيلات وقالى الموضوع بالفعل مكلف ... ومبدأيا لازم تاخد أرض وتعمل المبنى الأدارى وتقسيم الورش وبعد كل دة التوكيل بيعاين وإما الموافقة أو الرفض ... علشان كدة أنا كنت عاوز أعرف هل فى مواصفات .
بالتأكيد هروح لغبور وهسألهم بس كنت بقول لو حد عنده فكرة مبدأية عن الموضوع أو يقدر يفيدنى بحيث أكون بتكلم وأنا عندى بعض الخطوط العريضة من اصدقاء المنتدى من لهم الخبرة .

**Ahmed Anwer** · 23-04-2009 02:46 PM

كلم المهندس عاطف ،،
ممكن يديك فكرة مبدئية ،،

هوا مشروع كويس بس طبعا تكلفته كبيرة

الارض و المكان لوحدهم مبلغ مش قليل

و بعدين الانشاءات و الكريكات ( جمع كوريك ) و المعدات

و حسب بقه هتعمل سمكرة و دوكو يبقي غرف دهان

و لو هتعمل ضبط زوايا و ترصيص يبقي الاجهزة المخصوصة

علي فكرة تقريبا من فترة كنت سمعت ان غبور لو عندك المكان المناسب

بيساهم في التجهيزات