يا جماعة أنا و الله أتعقدت وطلعتلي بؤليظة في نفوخي

أنا خلاص أتعقدت أفيدوني وأجيروني وياريت تلحقوني لحسن أنا خلاص من كتر ماقرأت عن العربيات ومشاكلها هفكر ماجيبش خالص :I_angr1[1]: أنا كل ماأقتنع بعربية أدخل المنتدي بتاعها أسمع كلام يخليني أغير رأيي

... دلوقتي أنا أعمل أية أنا عايز عربية مستعملة مايزدش تمنها عن 50 ألف وفي نفس الوقت تكون موديل قريب أبتداءا من 2000 ---

فكرت أجيب الأسترا بس خايف من التكنولوجيا بتاعة الحساسات و الكلام الفاضي دة وبعدين بيقولوا ماتورها ضعيف

فكرت في الأبيزا 2000-2002 قريت أن معظم مالكيها شباب وهيبقوا مكحرتين العربيات دي علشان التخميس وشغل المنظرة بتاع شباب اليومين دول

فكرت في النوبيرا طلعتلي مشاكل العفشة

فكرت في البوينتر 2006 بس مالاقتش حد كاتب عنها حاجة أنا عايز أعرف كل حاجة عن العربية دي من حيث السعر (1600 CC) قطع الغيار و التقفيل ألماني ولاأيه -- عيوب العربية أية وتنصحوني أجيب أية لحسن أنا خلاص أتجننت وطلعتلي بؤليظة في دماغي من كتر التفكير............أرحموني من التفكير جزاكم الله كل خير ( البؤليظة عمالة تكبر :44:)

مين بقوليطه دى هههههههههههههههههههههه
هات بولو موديل 2000 20001 عربيه محترمه قطع غيار متوفره أداء عالى مع الألتزام بجدول الصيانه تاخد أحلى شغلى وتلاقيه مشيه معاك زى السكينه فى الحلاوه يا حلاوه
هههههههههههههه

عندك لانسر كريستالة حلوة في الرينج ده
وكمان ممكن كيا ريو او سبكترا اعلى من 2000

اطمئن يا صديقى البؤليظه بتختفى فى الغالب بعد اسبوعين من بداية ظهورها واحد صاحبى كان طالعله بؤلظتين من دول هى فى البداية كشت وبقت بؤليلة وبعدين راحت ومسابتش اى اثر خالص خالص :36_1_50[1]::36_1_50[1]:

البوينتر والباراتي والجول والبولو العيون برازيلي قلباً وقالباً مفيش ألماني خالص

علي فكرة ياجماعة أنا عايش في الغردقة وأصلآ من القاهرة يعني عايز عربية أسافر بيها تكون كويسة :S_thum1[1]:

اقتباس:

---

المشاركة الأصلية كتبت بواسطة umoussa

البوينتر والباراتي والجول والبولو العيون برازيلي قلباً وقالباً مفيش ألماني خالص

---

الكريستالة حلوة بس بتحك في المطبات

اقولك و متزعلش، هات بيكانتو جديده.

اسمحلي اعترض وبشدة

البيكانتو متسواش تمنها خالص

ومن وجهة نظري البولو 2001 أحسن منها ملييييييييييييون مرة

دا غير إن البولو تكسب في كل حاجة

كماليات
عفشة
وسع من الداخل
شكل
تصنيع أوروبي
تكنولوجيا

وانا كمان من رأيى انك تجيب بولو او جولف

سلامتك من البآليظ .... الموضوع مش مستاهل بؤليظة خالص
....
اي عربية ح تلاقي اللي بيشكر فيها وفي نفس الوقت ح تلاقي اللي بشتم في اليوم اللي فكر فيها
...
اقرأ .... اسأل ....استخير ..... توكل على الله :S_thum1[1]:
ولا بؤليظة ولا كولكيعة ولا بؤليلة ... ولا قرع عسل بالبشاميل ولا حاجة
ربنا معاك