معاك لانسر اوتوماتيك 1600؟ سؤالين ليك
انا لسه جاي من مشوار طويل رحت اشوف و اجرب لانسر 2007 اوتوماتيك خليجي سبورت (فتحة سقف + 4 جنوط + عتب + سبويلر) و ماشاء الله عجبتني بس عندي شوية ملاحظات قلت اسألكم عليها الاول اكيد عندكم خبرة فيها ..
1. ماشاء الله مافيش صوت للموتور يعني هادي قوي بس في المقابل في صوت عالي للهوا اللي بره يعني فيه صوت زي صوت تكييف البيت كده . هل ده عادي و ممكن يكون من فتحة السقف او كده واللا المفروض وانا جوة اللانسر ما اسمعش حاجة زي الكورولا مثلا؟
2- لما انقل الفتيس لـd الدفعة الاولانية مش شديدة . انا سقت اوبترا و كورولا و ماتريكس مثلا و كان لما اجيب الفتيس على الدي العربية تاخد نص ثانية و تزق لقدام ما احتاجش اني ادوس بنزين لو انا في زحمة . لكن دي الدفع بتاعها اقل منهم يمكن نصهم . هل ده معتاد عشان 2007 مثلا او هي المفروض كده واللا المفروض تشب لما تاخد الغيار؟
3- الفرامل الاي بي اس برضو انا جربتها في حاجات قبل كده كنت لما تدوس و انت بتجري تلاقي دواسة الفرامل بتزق رجلك و تك تك تك حتى صوتها عالي . دي انا جربت كذا مرة عشان اتأكد ان فيها اي بي اس (مع اني شفته في الموتور) و باحس ان الوقفة النهائية للعربية وقفة اي بي اس بس صوت الاي بي اس ضعيف و مافيش التك تك تك و الزقة دي . ده طبيعي؟
انا مقدر الوقت اللي انت قريت فيه الكلام ده و اشكرك مقدما على افادتك .
