| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube

مشاهدة نتائج الإستطلاع: ايه سبب الحادثه ( الحوادث ) اللي عملتها ؟؟؟

المصوتون
97. أنت لم تصوت في هذا الإستطلاع
  • - سرعه متهوره.

    35 36.08%
  • - خطأ من السائق.

    21 21.65%
  • - خطأ من الغير.

    56 57.73%
  • - خلل في السيارة.

    8 8.25%
  • - أسباب أخري خارجه عن إرادتنا.

    25 25.77%
إستطلاع متعدد الإختيارات.
صفحة 4 من 4 الأولىالأولى 1 2 3 4
النتائج 31 إلى 40 من 40

  1. #31

    الصورة الرمزية meromar

    رقم العضوية : 32139

    تاريخ التسجيل : 05Feb2009

    المشاركات : 250

    الاقامة : Nasr City

    الحالة : meromar غير متواجد حالياً

    افتراضي -

    hasad">

    كان مشهد رهيب شوفت فية الموت بعينى ..بجد والله وبدون مبالغة شوفت الموت بعينى والحمدلله ربنا نجانى انا واللى معايا فالعربية ..كنت فيوم على طريق 6 اكتوبر وراجع من الماجيك لاند فطريقى للقاهرة ..مش عارف ازاى تهت ولقيت نفسى ماشى فسكة تانية خالص غير اللى جيت منها ..فجاة لقيت ملف قدامى قولت حلو اوى ملف اهو اما ارجع بظهرى واخدة مانا تاية بقى ومحبتش اتوة زيادة ..بصيت فالمراية الشارع فاضى تماما مافيش ولا عربية واحدة قولت جميل اما ارجع بقى فجاة وانا برجع بظهرى لقيت اتوبيس شركة داخل عليا بسرعة عالية جدا وانا كمان داخل علية بظهرى ..تخيلو بقى المنظر . كان معايا ساعتها بولو 2001 وعينكو بقى متشوف الا النور العربية ادمرت تماما من ورا والحمدلله ان انا واللى معايا طلعنا منها من غير اصابات بس السواق بتاع الاتوبيس هو اللى رجلية اتكسرت ..طبعا الغلط كان منى انا مش من الاتوبيس لانى فكرت غلط ومكنش المفروض ابدا ارجع بظهرى مدام عديت الفتحة بتاعة الملف ..خلى بالكو يا جماعة وربنا يستر طريقنا جميعا ويكفينا شر الحوادث

    Hossam El Qasbgy
    (اللهم ارزقنى رزقا واسعا واغننى بحلالك يا اكرم الاكرامين)


  2. #32

    الصورة الرمزية ahm3d ham>ed

    رقم العضوية : 5870

    تاريخ التسجيل : 17Feb2008

    المشاركات : 739

    الاقامة : fisal> giza

    السيارة: toyta corolla 2006 at 1300cc

    السيارة[2]: verna 1600cc gls

    الحالة : ahm3d ham>ed غير متواجد حالياً

    افتراضي -

    الحمدلله ماليش ولاحادثة ربنا يسترها علينا جميعا

    http://www.nilemotors.com/Nile/showthread.php?t=53676

    علاج اعطال اى نوع من انواع السيارات

    اقراه وهتدعيلى


  3. #33

    الصورة الرمزية M.Osman

    رقم العضوية : 23065

    تاريخ التسجيل : 24Oct2008

    المشاركات : 6,831

    النوع : ذكر

    الاقامة : Egyptian highways

    السيارة: -------

    السيارة[2]: Hyundai Verna 2007

    الحالة : M.Osman غير متواجد حالياً

    افتراضي -

    اقتباس المشاركة الأصلية كتبت بواسطة ahm3d ham>ed مشاهدة المشاركة
    الحمدلله ماليش ولاحادثة ربنا يسترها علينا جميعا
    و أنا كمان الحمد لله


  4. #34

    الصورة الرمزية abouelmaggd

    رقم العضوية : 3758

    تاريخ التسجيل : 18Dec2007

    المشاركات : 361

    النوع : ذكر

    الاقامة : faisal street

    السيارة: ----------

    السيارة[2]: Toyota Yaris 2007

    دراجة بخارية: no

    الحالة : abouelmaggd غير متواجد حالياً

    افتراضي -

    الحادثة اللى فعلا يطلق عليها حادثة كانت فى 6-2005 بعد ماتش كوت دى فوار فى تصفيات كاس العالم اللى اتغلبنا فيه 2 - صفر ، كنت بتفرج فى المعادى و نازل مدينة نصر على الاوتوستراد و الحارة اليمين خالص مقفولة و واخدين الحارة الشمال من الطريق المقابل انا كنت فى الشمال و ماشى براحتى ، جه ورايا مكروباص تويوتا جاى من حلوان و بيقلبلى نور ، شديت عشان اعدى العربية اللى جنبى و اخد يمينى و اوسعله ، الكلام ده على كوبرى منشية ناصر ، و الاقى الحارة الشمال اللى انا فيها مرة واحدة مسدودة بالبلوكات الخرسانية ( مش تحويلة ف الطريق ، لا الحارة كلها بعرض 3 او 4 متر مسدودة ) طبعا انا رميت كله يمين عشان افاديها كنت على 90 كم / س العربية كانت 128 طبعا عرضت فى الطريق كله و الحمد لله ان مكنش فيه حد على يمينى ، انا كابس فرامل على الآخر و رحت لابس فى سور الكوبرى بالبوز اليمين ، الحمد لله اننا كنا رابطين الحزام ، صاحبى اللى ورا اتخبط فى ركبته و اللى جنبى الحزام قرص على كتفه ، الحمد لله انى مكنتش جاى بسرعة كنت نزلت من ع الكوبرى و الحمد لله انى شفت البلوكات و فاديتها ، طبعا كله ركن و نزل يطمن علينا و احنا لسه واقفين شباب جايين ب بيجو 504 و كان طاير ، ده بقه مشفش البلوكات و طلع فوقيها الكاوتش اللى ورا شمال طار من العربية و العربية عدت الطريق فى الاتجاه المعاكس راحت عربية شيفروليه دبابة واخداها فى وشها ، طبعا الاتنين اللى قدام فى البيجو الناس بتنزلهم و فردوهم على الرصيف لحد الاسعاف ما تيجى .
    بأمانة حسبى الله و نعم الوكيل ف اللى كانوا بيعملوا الاصلاحات و مش حاطيين اى نور او تحذير ، طبعا انا من الفرملة و صوت الرزعة ف الكوبرى لقيت كمية عيال طالعة من مركز شباب منشية ناصر لقيت الكل بيقوللى ان كل يوم بالليل 3 او 4 عربيات يلبسوا فى البلوكات .
    و الله انا قعدت فترة كبيرة ممشيش على الطريق ده و لحد دلوقتى اول ما اخد الاوتوستراد اهدى و اخد يمينى و ربنا يسترها علينا جميعا .
    معلش طولت عليكم.


  5. #35

    الصورة الرمزية asbeats

    رقم العضوية : 25013

    تاريخ التسجيل : 13Nov2008

    المشاركات : 941

    النوع : ذكر

    الاقامة : Cairo & Sharkia

    السيارة: 2

    السيارة[2]: 1

    دراجة بخارية: لا يوجد

    الحالة : asbeats غير متواجد حالياً

    افتراضي -

    بسم الله

    انا حصلتلي حادثة من اسبوعين بالظبط في شارع الهرم

    انا كنت ماشي بالعربية ناحية الشمال على 60 تقريبا.وفيه واحد الله يسامحه فرمل فجأة عشان ياخد ملف وطبعا كل العربيات اللي وراه فرملت زيه ولبسنا في بعض كنا حوالي اربع عربيات انا كنت آخر عربية منهم.الخبطة جت في العربية من قدام بس دمرتلي مروحة التكييف والسربنتينة وطبقت جزء من الكبوت

    طبعا مفهوم ضمنيا ان الأستاذ اللي خبطنا في بعض محصلوش حاجة وخد طريقة زي الباشا ومحدش شاف حتى لون عربيته!!!

    بس اللي استفدت منه في الموضوع ان الواحد لازم يسيب قدامه مسافة كافية لأنها بجد بتسعف في المواقف الل زي دي,بس للأسف لما بحاول اسيب مسافة بلاقي مليون واحد عمال يضربلي كلاكس او عايز يدخل قدامي.


  6. #36

    الصورة الرمزية nasr-eldeen

    رقم العضوية : 4727

    تاريخ التسجيل : 22Jan2008

    المشاركات : 806

    النوع : ذكر

    الاقامة : الهرم

    السيارة: لانسر سبورت 2008 فيات بترا 2003

    السيارة[2]: سبرانزا تيجو 2014

    دراجة بخارية: لا يوجد

    الحالة : nasr-eldeen غير متواجد حالياً

    افتراضي -

    أنا فقدت سيارتين تماماً ومكنتش راكبهم وقت الحادث .
    الأولى : السيارة فيات 132/2000مو1978.
    ودي كنت راكنها أما منزلنا ومتغطية وكلة تمام هوب طاااااااااااااااااخ .
    سيارة شرطة ( بوكس ) السواق بتعها كان وخدها يتسنكح بيها من ورا الضابط بتاعه المهم دخل في شنطة سيارتي ولزق السيارة بتاعتي في أوتوبيس كان راكن أمامي وبقدرة قادر وجدت الشنطة مع الكبوت بدون صالون ، والحمد لله لم يصب أحد بأذى ، حيث كان أولاد أخي يجلسون على الشنطة قبل الحادث بدقائق .

    السيارة الثانية : شاهين 1400مو 1999.
    ودي حادثتها كانت مؤلمة جداً فقد فيها أغلى ما عندي والدي واصيب فيها أخي لأنه كان يقود السيارة .
    وكان على طريق بني سويف ميكروباص كان بيعدي من آخر وصدمهم في المواجهة .
    والحمد لله الذي لا يحمد على مكروه سواه .

    إذن العامل المشترك بين الحادثين هو خطأ الغير .

    { وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }


  7. #37

    الصورة الرمزية nasr-eldeen

    رقم العضوية : 4727

    تاريخ التسجيل : 22Jan2008

    المشاركات : 806

    النوع : ذكر

    الاقامة : الهرم

    السيارة: لانسر سبورت 2008 فيات بترا 2003

    السيارة[2]: سبرانزا تيجو 2014

    دراجة بخارية: لا يوجد

    الحالة : nasr-eldeen غير متواجد حالياً

    افتراضي -

    حصلي موقف الآن أعتبره كوميدي .
    كنت راجع أنا وزوجتي من الأسكندرية وكنا في أول أيام زوجنا يعني يادوب إسبوعين كدة وأنا عايش الدور آل أيه بشرب شاي وأنا سايق وزيادة مني في التناكة الشاي كان فتلة المهم مع الهواء الفتلة بتتطاير فخوفت تنقط على القميص فببص على الشاي لقيت السيارة حدفت شمال وخلاص العجلة هتنزل الرمل كانت السيارة الشاهين لقيت نفسي لا إرادياً بتجه للمين الحمد لله مكنش حد بجانبي وكل اللي ورايا هدو سرعتهم وفضلت حوالي 3 أو 4 مرات شمال يمين والعجل عمال يحك في الأسفلت ويصوت لغاية ما ضبطت إتجاهي وطبعاً دمنا نشف والجميل إن كوب الشاي مازال في يدي ولم تقع نقطة شاي على قميصي الجميل إن نصف الكوب تقريباً هو اللي وقع على قميصي وأيضاً البنطلون بس الحمد لله شربت باقي الكوب وأصبح هذا الموقف الآن كوميدي .

    وموقف آخر حصلي على الدائري كنت راجع من فرح في كفر الشيخ ووصلت الدائري بنها حوالي الساعة 3 الفجر واللي معي في السيارة ناموا.
    المهم كانت السيارة البترا 1600مو 2003 المهم أنا لوحدي أعمل آيه لقيت سكودا أوكتافيا شدينا مع بعض ( البترا غول سرعة ) وصلنا سوا أكثر من 140كم/س المهم ببص في المرايا وجدته هدى سرعته مره وحده ليه ببص أمامي وجدت حواجز مرورية بعرض الطريق ويوجد حارة واحدة أمامه على أقصى اليمين وهو هدى علشان يتركهالي المهم بحركة سريعة جداً يمين في شمال كنت في الحارة المفتوحة البترا ثبات ودقة في التوجيه ، وكل اللي في الكمين قاموا مفزوعين من صوت إحتكاك الكوتش في الأسفلت وأشارو لي بأن أتوقف بس إنسى أنا كل ده سرعتي فوق 100كم/س واللي كانوا معي في السيارة قاموا مفزوعين .
    ولكن كلما أتذكر هذا الموقف أدعو لسائق الأوكتافيا أنه لفت إنتباهي وأفسح لي المجال .

    { وَسَيَعْلَمُ الَّذِينَ ظَلَمُوا أَيَّ مُنْقَلَبٍ يَنْقَلِبُونَ }


  8. #38

    الصورة الرمزية Dr_Mido

    رقم العضوية : 4503

    تاريخ التسجيل : 19Jan2008

    المشاركات : 2,257

    النوع : ذكر

    الاقامة : Cairo

    السيارة: N/A

    السيارة[2]: N/A

    دراجة بخارية: No

    الحالة : Dr_Mido غير متواجد حالياً

    افتراضي -

    انا عملت 3 حوادث
    اول واحدة بدايو لانوس على طريق الصعيد الزراعى دخلت فى عمود نور وقع على السقف و العربيه اتقلبت

    الخطاء خطاء شخصى
    قله نوم لمدة 3 ايام متصله منمتش فيهم غير 4 او 5 ساعات
    نمت وانا سايق
    الخسائر ربع العربيه اللى قدام ضاع
    انا دخلت المستشفى اسبوع وخرجت

    تانى واحدة بلانسر بتاعه الحج

    العربيه اتتقلبت على جنبها مرة واحدة

    بسبب ان العجله اللى قدام ناحيتى بقت على الجنط من غير سبب مقنع وانا كنت ماشى بسرعه عاليه شويه

    تالت حادثه عربيتى انا ال128

    اتقلبت على طريق الصعيد الزراعى

    كنت مظبط عفشه و عامل ظبط زوايا وكنت طالع اجربها وقرصت عليها شويه

    عومت فى زيت عل الطريق واتقلبت وخدت الطريق زحف على سقفها

    السبب سرعه عاليه مع عربيه مش مظبوطه

    مصر دلوقتى بقيت عاملة زى واحد أخرس بيقول لواحد أطرش إن فى واحد أعمى شاف واحد مشلول بيجري ورا واحد أقرع بيشد فى شعره


  9. #39

    الصورة الرمزية ابو حسين

    رقم العضوية : 11046

    تاريخ التسجيل : 20May2008

    المشاركات : 1,406

    النوع : ذكر

    الاقامة : القاهرة

    السيارة: --------

    السيارة[2]: هونداي اكسنت

    دراجة بخارية: ..

    الحالة : ابو حسين غير متواجد حالياً

    افتراضي -

    اخطاء شخصى

    انشغلت بحاجه غير السواقه (لعبت في الكاسيت)



  10. #40

    الصورة الرمزية Drift_Lover

    رقم العضوية : 30602

    تاريخ التسجيل : 20Jan2009

    المشاركات : 2,691

    النوع : ذكر

    الاقامة : Mansoura

    السيارة: PeUgeot 504 GL

    السيارة[2]: Fiat 128 - Fiat 132 - Lanose - Toyota Camry

    دراجة بخارية: No

    الحالة : Drift_Lover غير متواجد حالياً

    افتراضي -

    hasad">

    في انتظار بقية آراء الاعضاء في الاستفتاء.

    اللهم إني أَعُوذُ بِكَ أنْ أضِلَّ أَوْ أُضَلَّ، أوْ أزِلَّ أَوْ أُزَلَّ، أَوْ أظْلِمَ أَوْ أُظْلَمَ، أوْ أجْهَلَ أَوْ يُجْهَلَ عليّ



 
صفحة 4 من 4 الأولىالأولى 1 2 3 4

المواضيع المتشابهه

  1. هو فين أعضاء المنتدي ولا محدش بيركب سيات
    بواسطة SYD في المنتدى ســـيات
    مشاركات: 23
    آخر مشاركة: 19-07-2011, 11:28 PM
  2. دعوة للتعارف بين أعضاء المنتدي
    بواسطة Samir Elshahawy في المنتدى دايــو+شيفرولية لانوس
    مشاركات: 16
    آخر مشاركة: 04-04-2009, 01:52 AM
  3. السيارات التي يملكها السادة أعضاء نايل موتورز بالأرقام
    بواسطة MoToRiZeR في المنتدى المنتــــــدى العـــــــــــام للسيــارات
    مشاركات: 13
    آخر مشاركة: 28-07-2008, 10:18 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2