الموضوع: نصيحة للى ناوى عالافيو

الاخ اللي بيقول ان الافيو ثابته اكتر من الافيو وهو ركب الاتنين
احب اقولك انا بقا امتلك الاتنين

وسوقت اللانوس ثلاث سنين في مصر
ولما سافرت السعودية اشتريت افيو وبقالي سنة الا شوية بسوقها
والثبات مفيش مقارنة طبعا اللانوس احسن بكتير جدا
ياريت بس ماتقولش حاجه انت مش عارفها الا لما تجرب كويس موضوع انك سوقت دي مش راكبة لازم تمتلك الاتنين علشان تعرف تقارن فعلا
الاكسلريشن بتاع اللانوس احسن بكتير جدا من الافيو
ميزة الافيو فعلا انك لما تشغل المكيف ماتحسش بفرق كبير
لكن اللانوس فعلا ل ما تشغل المكيف تحس بفرق
يمكن دي الميزة اللي في الافيو عن اللانوس
ارتفاع اللافيو ميزة بس علشان مطبات مصر لكن انخفاض اللانوس ميزة علشان الثبات في الملفات احسن بكتير
عفشة اللانوس اطري من عفشة الافيو اللي بتزيق مع العلم انا الافيو بتاعتي كوري 100% لانى شاريها من السعودية مش تقفيل مصري

ان بصراحة بقيت آحس ان في مؤمرة ضد منصور

الافيو عربية مافيهاش مشاكل والمنتدى خاسف بيها الآرض
والفيرنا و الاسبيرنزا والجين فيهم بلاوي سودا و المنتدى طالع بيهم السما

بجد انا شايف اللي ناوي يشتري اي عربية من الاربعة دول -للاسف- ما يدخلش المنتدى وما يخدش راي حد على النت ، يسآل اللي راكبنهم في الشارع
علشان اللي بيحصل هنا ده شيئ يثير الدهشة و الريبة

امامن عجائب الزمن آن حد يطلع فرق بين عفشة اللانوس و عفشة الافيو او يشهد لموتور اللانوس عن موتور الافيو او العكس
مع ان عفشة اللانوس هي هي عفشة الافيو وموتور اللانوس هو هو موتور الافيو !!!!

ابو اسر انا لا اقصد التجريح ولا اقصد التعصب
بالعكس
حتى لو انا المفروض اتعصب لسيارة معينة
المفروض اتعصب لسيارتى الجديدة يعني الافيو 2008 مش اللانوس 2005
بالنسبة لتجربتك للانوس الجديدة انا معرفش عنها شئ لان اصلا في السعودية حاليا مفيش لانوس بصفة رسمية لانها توقفت تصعنيها ماعدا في بلد العجائب مصر
انا قلت ما لمسته واقعيا من استخدام سيارتين امتلكهم فعليا

بالنسبة للاخ ابو رقية
انا ليه بذمتك حعمل مؤامرة ضد منصور
بالمناسبة انا اصلا بشتغل في توكيل جنرال موتورز في السعودية ( شركة الجميح للسيارات) يعني مستحيل اعمل اعلان ضد اي سيارة شيفي
ثانيا في جميع الحالات اصلا ماهو منصور وكيل للانوس وللافيو الاتنين يعني مفيش اي مؤامرة انا بقارن سيارتين من نفس الوكالة

المشاركة الأصلية كتبت بواسطة cizer

الاخ اللي بيقول ان الافيو ثابته اكتر من الافيو وهو ركب الاتنين
احب اقولك انا بقا امتلك الاتنين

وسوقت اللانوس ثلاث سنين في مصر
ولما سافرت السعودية اشتريت افيو وبقالي سنة الا شوية بسوقها
والثبات مفيش مقارنة طبعا اللانوس احسن بكتير جدا
ياريت بس ماتقولش حاجه انت مش عارفها الا لما تجرب كويس موضوع انك سوقت دي مش راكبة لازم تمتلك الاتنين علشان تعرف تقارن فعلا
الاكسلريشن بتاع اللانوس احسن بكتير جدا من الافيو
ميزة الافيو فعلا انك لما تشغل المكيف ماتحسش بفرق كبير
لكن اللانوس فعلا ل ما تشغل المكيف تحس بفرق
يمكن دي الميزة اللي في الافيو عن اللانوس
ارتفاع اللافيو ميزة بس علشان مطبات مصر لكن انخفاض اللانوس ميزة علشان الثبات في الملفات احسن بكتير
عفشة اللانوس اطري من عفشة الافيو اللي بتزيق مع العلم انا الافيو بتاعتي كوري 100% لانى شاريها من السعودية مش تقفيل مصري

الاخ الكريم

شكرا جزيلا على اسلوبك

دا اولا

و بعدين تصدق بالله ان فية ناس اشتكت من سحب الافيو لما التكييف يكون شغال و الناس دى فى المنتدى - اقرا الاول المشاركات القديمة - تقول اية بقى - اصلها مش بطيخة تطلع معايا حمرا و معاك قرعه - المفروض الثوابت دى يكون لا خلاف عليها ذى السحب و الثبات

دا للناس الى بتسوق باحتراف و رزانة و تعرف امتى تجرى و امتى تهدى مش هرس فى هرس على طول

و الثبات فى الانوس - تعبان - عن تجربة - و مش لازم امتلكها علشان احكم عليها - انا بسوق من 15 سنة و اعرف يعنى اية ثبات سيارة

العفشة - تعبانة و الكل فى مصر و الى بيمتلكو الانوس شهدو بذلك و لية اصحاب كتير عندهم اللانوس و لما تيجيب سيرة العفشة يبصمو بتعبها

فى موقف حصل امامى يثبت كلامى - كنت جاى من شغلى فى طريق العين السخنة فى مكروباس الشغل و عند المنفد الامنى للقطامية كان امامنا شاب سايق لانوس شكلها نضيف يعنى مش متهانة و اكل المطب بتاع المنفز و هو على سرعتة لانة مخدش بالة منه لاانة كالعادة بيجرى --- عارف اية النتيجة -- العجلة انكسرت طبعا كان باين ان فى حاجة فى العفشة انكسرت -


و بعديين اقرا تحليلى عن الافيو كويس

بس الى انا ملاحظة انك عصبى مش عارف لية

شكرا

و بعدين تصدق بالله ان فية ناس اشتكت من سحب الافيو لما التكييف يكون شغال و الناس دى فى المنتدى - اقرا الاول المشاركات القديمة - تقول اية بقى - اصلها مش بطيخة تطلع معايا حمرا و معاك قرعه - المفروض الثوابت دى يكون لا خلاف عليها ذى السحب و الثبات

اقرا ياسيدي الفاضل اولا ردي بإمعان علشان تعرف انا قلت ايه بالظبط

الاكسلريشن بتاع اللانوس احسن بكتير جدا من الافيو

وكمان قلت

ميزة الافيو فعلا انك لما تشغل المكيف ماتحسش بفرق كبير

يعني انا ماقلتش ان سحب الافيو احسن بالعكس بقول الافيو سحبها زفت اصلا بس انا مازلت متأكد ان في جميع الاحوال مشغل مكيف او مش مشغلة فهو واحد ومش حتحس بفرق
سيادتك بتقول مش بطيخة
لا هي فعلا بطيخة بدليل ...
ناس بتطلع سيارتها فيها عيب Rpm وناس لا .. بالنسبة للافيو
ناس عوامة البنزين فيها عيب وناس لا ... بالنسبة للانوس
ناس جلب المقصات عندها عيب وناس لا ... بالنسبة للافيو
( مع ملاحظة ان كثير بيقول ان جلب المقصات في الافيو وحشة علشان مصري مع ان عربيتي كوري 100% وبرضه فيها نفس العيب)

دا للناس الى بتسوق باحتراف و رزانة و تعرف امتى تجرى و امتى تهدى مش هرس فى هرس على طول

ممكن توضحلي ايه موضوع احتراف وهرس في هرس ده ؟؟
هو انا حسوق ولا بلعب في اوتوكروس
وبعدين اي حد فاهم سواقة ولو على قده عارف كويس امتى يدوس وامتى العربية ماتديلوش اللي هو عايزه حتى سواقين المكروباص مش محتاجه علام ولا موضوع برو ولا هاردكور ولا كاجوال

و الثبات فى الانوس - تعبان - عن تجربة - و مش لازم امتلكها علشان احكم عليها - انا بسوق من 15 سنة و اعرف يعنى اية ثبات سيارة

سيادتك جرب العربيتين في طريق سريع
انا سوقت اللانوس على طرق مصر اللي تعتبر اكثر خطورة بمراحل من طرق السعودية طبعا المدروسة الحمد لله كنت مطمئن وانا مسافر بيها ولا حسيت بأي عيوب في الثبات
سوقت الافيو بما يلي ( طريق بطول 350 كم إلى الرياض .. طريق بطول 380 كم من الرياض إلى الدمام .. العودة بنفس المسافتين)
مساحة الطريقين 4 حارات ... مفيش لفات خطيرة .. اسفلت ناعم جدا )
السيارة في اي لفة غير خطيرة غير ثابته
الهواء فقط بيحدفها

العفشة - تعبانة و الكل فى مصر و الى بيمتلكو الانوس شهدو بذلك و لية اصحاب كتير عندهم اللانوس و لما تيجيب سيرة العفشة يبصمو بتعبها

عمري ماحسيت بعيوب في العفشة وسيادتك ممكن تشوف الاخ محمد الهامي له موضوع خاص بتعديل الفرامل وهو صديق وجار عزيز واحنا الاتنين اشترينا سيارتنا في وقت متقارب جدا مع بعض
يمكن اللي اشتكى من العفشة بسبب انه علا الجنوط
وبعدين تقارن عفشة سيارة في بلد طرقها بتقطم عفشة جيوب !!! مش منطقي
عموما النقطة دي ماقدرش اصمم فيها على رأيي لأني مش متأكد منها بنسبة 100% انا فقط بقولك تجربتي فيها إني ماشتكتش من عفشتها نهائيا
عموما إحقاقا للحق أنا دخلت بالأفيو في رصيف في وسطه طوب وحجر لأنه مكانش متبلط بس الحمد لله محصلش حاجه غير ان الجنط اتعوج + إن مع الحمولة الزائدة ارتفاع السيارة بيقل بدرجة معقولة ومقبولة غير اللانوس

بس الى انا ملاحظة انك عصبى مش عارف لية

مش عصبي ولا شئ بس من يوم 25 شهر 3 مدخل الافيو هانم الورشة تتصلح بعد الحادثة وحتى الان مخرجتش بسبب البلاوي اللي حصلت فيها

يا جماعة لازم كل واحد يحب سيارته