الموضوع: نصيحة للى ناوى عالافيو

المشاركة الأصلية كتبت بواسطة mmtronic

ربنا يبارك لك فيها و يكفيك شرها

انا على فكرة معايا افيو اوتوماتيك عامل بيها حوالى 5000 كم

بصراحة عربية ممتازة و دى ملاحظاتى عليها

1- استهلاك البنزين انا تابعتة على مدار ال5000 كم و بعد ما اخدت المتوسطات للاستهلاك خلال كل تموينة لقيت انها بتستهلك فى المتوسط 250 كم فى الصفيحة و دة بدون تكيف و بتستهلك من 220 الى 230 كم فى الصقيحة فى حالة تشغيل التكيف و اعتقد ان دة استهلاك ممتاز لعربية اتوماتيك

2- العربية عالية و دة بيحميها من بلاوى الطريق الى انتم عارفينها

3- العفشة ناشفة شوية بس مش مضايقانى

4- فى تزييقة خفيفة فى العفشة و بتظهر بس لما تكون دايس فرامل و حتتحرك بالعربية بس دى خفيفة و مش ظاهرة الا لليركز فيها و دى زى ما عرفت انها جلب المقصات و الجلب الكورى الى فى السوق كويسة جدا و فى ناس جربتها - تاخد عمرها و تتغير

4- موضوع تعليق الـ Rpm مش موجود تماما و اعتقد ان دة كان لوط طلع بالمشكلة دى و كان فى 2008

5- العربية التسارع بتاعها كويس جدا و كمان جيد و انت مشغل التكيف و محمل ناس كمان - فى ناس بتنسى انها 1500 و عايز يشحنها ناس و يشغل التكيف و يقرص و هية تطير و دا طبعا مينفعش

6- العربية ثبتها كويس جدا بالمقارنة بالانوس - لان فية ناس ظريفة قوى بتقول ان الانوس ثابتة اكتر على الطريق - انا سوقت الانوس و سوقت الافيو و تقدر تقول مفيش وجة مقارنة فى الثبات

لدرجة انى كنت سايق و سرحت و ببص فى العداد لقيتة 140 كم

7- و الدركسيون بيبتدى يخف بعد 130 - 140 كم - بيبتدى يخف مش بيكون خفيف

8- الى انا شايفة عيب - طبعا عدم وجود زجاج كهرباء خلفى و عدم وجود جهاز انزار زى الابترا

دى وجهه نظرى عن العربية

شكراً على المعلومات الجيدة والدقيقة
وبالنسبة لاستهلاك البنزين اللي حضرتك ذكرته ..طبعاً يبقى هايل .. بل ممتاز