ليه الفتيس الاوتوماتيك سمعته وحشة مع فى النوبيرا

**hossam_elwani** · 22-04-2009 09:39 PM

ليه الفتيس الاوتوماتيك سمعته وحشة فى النوبيرا

ايه عيوبه بالضبط ؟ وهل هو سلس فى النقل ولا صوت النقلات مزعج؟

**hossam_elwani** · 23-04-2009 01:32 AM

عايز اجابة على سؤالى وعايز اعرف كمان لو لقيت عربية حالتها كويسة اكشف عليها فى التوكيل ولا فين عشان كفاءة الموتور وحالة جميع الحساسات والعفشة وخلافة من الاشياء الدفينة فى العربية؟؟

**HERO_MTN** · 23-04-2009 06:18 AM

و الله يا باشا انا معايا نوبيرا اوتو 2006

جبتها استعمال فى 5 2008 و الفتيس باظ و غيرته فى 10 2008

ب حوالى 2700 كده

بس حتى الان هو كويس و شغال كويس الحمد لله

**zeka127** · 23-04-2009 10:45 AM

انا اعرف ان الفتيس الاتوماتيك سمعته وحشه فى الكورى عامة وسمعته حلوه فى اليابانى عامة...

**piezo** · 23-04-2009 11:38 AM

ياجماعه مين الي قال كده انا العربيه الاقديمه كانت نوبيرا اتوماتيك و كنت عمليها مانول لما اجي اشد مع حد امشي علي 1 لغيت مايفصل و التاني لغيت اخره و التالت كمان و لغيت مابيعت العربيه و الفتيس كان زي الفل واسمي بهينه اهانه بنت لذينه و الميكانيكي محمد عبده كان مستغرب الفتيس ماهنجش ولا باظ ولا ايه حاجه و العربيه كانت 2003 كمان
وكنت باخد بالي من الزيت الفتيس ماع انه ماكنش بينقص اساسا خالص
و الناس الي بتقول الفتيس وحش اكيد مهمل فيه الزيت ينقص مثلا عادي جدا و لا يزود ولا يعمل حاجه
انا اخويا مثلا جايب النيو اكسنت اتوماتيك العربيه بعد 30000 كيلو جابت فتيس و استغربت ازي كده و غيرو
مع العلم انا بايع عربيتي 87000 كيلو في 2007 و الفتيس معملش حاجه معايا خالص الحمد لله

**hossam_elwani** · 23-04-2009 03:21 PM

يعنى هيا فعلا عدم اهتمام بطريقة السواقة وتغير الزيت بصفة دورية ولا تصميم الفتيس فيه مشكلة وكنت عايز اعرف هل هو صناعة كوريه ولا تصميم وصناعة دولة تانية

وسعره كام مستعمل لو باظ؟

وكمان سؤال ايه الفرق بالتفصيل بين النوبيرا العادة والاوتو من ناحية الكماليات والامكانيات

**moudy88** · 23-04-2009 03:46 PM

انا معايا نوبيرا 2003 اوتوماتيك ....والحمد لله العربيه زي الفل ...وخلي بالك ان معظم النوبيرا اوتوماتيك واكيد هتلاقي منها البايظ ومنها السليم والكوري طبعا مش بكفائه اليباني ..لكن طبعا بالحرص على الصيانه (مراقبه مستوى الزيت وتغيير او تنظيف الفلتر ) والاستعمال النظيف (بلاش كيك داون ) الفتيس هيعيش معاك ...ولو سئلت الجماعه اللي باظ منهم الفتيس هيكون غالبا بسبب سوء استعمال وعدم الصيانه ... وبالنسبه لاداء العربيه هتلاقي العربيه تقيله شويه في النقله الاولى والثانيه لحد سرعه 55 كم وبعد كده بتفتح في الجري ...واهم حاجه وانت بتكشف عليه انه مايكونش بيتاخر في النقل (المفروض انه ينقل عند 2.5 -3 rbm ومايكونش الصوت بيعلى والسحب مفيش ) وتكشف عليه في اي مركز خدمه بالسكانر ...وبالنسبه لاختلاف الكماليات ...الاوتو تفرق عن المانيوال في الجنوط الاسبور والابانوس فقط

**samirayad** · 23-04-2009 04:30 PM

..لكن طبعا بالحرص على الصيانه (مراقبه مستوى الزيت وتغيير او تنظيف الفلتر ) والاستعمال النظيف (بلاش كيك داون ) الفتيس هيعيش معاك ...ولو سئلت الجماعه اللي باظ منهم الفتيس هيكون غالبا بسبب سوء استعمال وعدم الصيانه ..

**hossam_elwani** · 23-04-2009 04:32 PM

طيب شوية اسئلة يااستاذ moudy بما انك معاك العربية
1 ـ ايه اعراض المشاكل فى الرشاشات عشان عرفت ان دى مشكلة دايما فى النوبيرا وايه سبب تلفها؟

2ـ وبالنسبة للعفشة لما جلب المقصات بتبوظ بيتغير المقص كله ولا الجلب بس وعامله كام ؟

واسف على الاطالة

**moudy88** · 23-04-2009 08:07 PM

المشاركة الأصلية كتبت بواسطة hossamdoaaaa

طيب شوية اسئلة يااستاذ moudy بما انك معاك العربية
1 ـ ايه اعراض المشاكل فى الرشاشات عشان عرفت ان دى مشكلة دايما فى النوبيرا وايه سبب تلفها؟

2ـ وبالنسبة للعفشة لما جلب المقصات بتبوظ بيتغير المقص كله ولا الجلب بس وعامله كام ؟

واسف على الاطالة

انا الحمد لله معنديش مشكله مع الرشاشات بس انا عارف اعراض المشاكل في الرشاشات من اخونا الاستاذ ممدوح وهي
1-تاخر في الدواره
2-البوجيهات مهبببه
3-خروج دخان اسود من الشكمان
وبالنسبه لجلب المقصات ...فهي قرفاني طقطقه طول مانا ماشي وناوي لما ربنا يفرجها اشوفلها حل ...ومتهيالي بتتغير لوحدها