الموضوع: حادثه منتصف الليل

انا لما باسمع الحكايات دى موش باصدق انه الحال فى مصر وصل لهذه المرحلة من الهمجية والبلطجة
البلد هاصت ياجدعان والحكومة فقدت السيطرة على الشارع والله انا صعبان على الشرطة هتعمل ايه لهذا الشعب الذى فقد كل معانى الحضارة والانسانية؟
ياريت منزعلش لما نسمع عن الضرب والتعذيب فى اقسام الشرطة لانه اصبح هو الوسيلة الامثل لمنع الجريمة فى هذا النوع من المجتمعات التى لا تعطى اى احترام لاىعرف او قانون
انا اعرف واحد جارى طيار محترم فى الجيش ومدرس فى الكلية الجوية لا يمشى بالسيارة الا والطمنجة فى جيبه وشومة فى تابلوه السيارة علشان قلة الادب دى ولما كان يحكى لى على مثل هذه التصرفات من البشر فى الشارع ما كنت اصدقه ابدا لكن الكلام طلع بجد والله العظيم.
طب وزوجتى اللى بتسوق السيارة لوحدها وانا مسافر وموش عايش فى مصر تعمل ايه؟
تاخد دورة كونج فو ضرورى وتحصل على الحزام الاسود ويخلوه قانون لاستصادار رخصة قيادة للسيارات فى مصر احسن.

الصراحة انا شايف ان الغلط مشترك اولا اللي قافلين الشارع دول يااااما بنقابل كتير منهم وكتير منهم بيستغبى وبيبقى قافل الشارع ولما تحاول تعدي منه تلاقيه قاصد يخبطك مش يقفل عليك من حقهم يفرحوا طبعا بس ماهماش ملاك الشارع والراجل لما حاول يعدي ده حقه الطبيعي لانه مستخدم للشارع وزي ما قلت الشارع مش بتاعهم لوحدهم.ثانيا هو لو كان صبر شوية واداهم نور عالي ورعاش كان ممكن يلاقي استجابة منهم ثم معظم الناس دي بعد شوية كدة تلاقيه زهق واحرج ووسع الطريق.
بس بجد اللي حازز في نفسي ان هما اعتدوا عليه وهو مع المدام وده يدل على ان هما مش محترمين اللي حصل حصل وقدر الله وماشاء فعل وربنا يجنبنا ويجنبكم شر العالم دي.
سلامو عليكم

يا عم قولوا يكبر دماغوا البلد مليانة من العينات القذرة دى و يطلع نفسه من الحالة النفسية السيئة و يعتبر انه كان ماشى فى الشارع و كلب عضه ...حايعمل ايه للكلب ؟؟؟ حايعضه هو كمان ؟!!
و عموما فى مواقف الافراح و الزفاف نادرا لما تلاقى حد محترم كله بيبقى عايز يقفل الطريق و يمشى الطريق كله بسرعته و تعالى اتفرج على كورنيش اسكندرية و اللعب بالعربيات من اقصى اليمين لاقصى الشمال ....و الحل انك يا اما تخش تشارك فى التهريج و الهمجية و الجهل اللى بيحصل و تفضل تضرب كلاكسات و تعمل نفسك فرحان زيهم لغاية ما تطلع لعربية الموكوس و الموكوسة و السكة تفضى ادامك و تلاقى خرم تعدى منه يا اما تفضل ماشى وراهم و امرك الى الله

بص يا باشا انا عاين معايا مسورة حديد من بتوع المية طولها متر و شوية و ناوي أجيب خنصر أحطه في التابلوة جنبي عشان المواقف اللي زي دي خاصة لو معايا مراتي أو اخواتي البنات و حد حب يعمل بلطجي أربي اللي جبوه فوري هوه و اللي معاه , أنا اختي و جوزها اتعرضوا لنفس الموقف بس جوزها وقف في ساعتها بعد مخبط الواد التاني , فنزل التاني هو و اللي معاه على طول بيشتم و عايز يتخانق فلما جوز اختي نزل اتخض من حجمه لانه طويل و عريض و عنده جرأه رهيبة ممكن يتخانق مع اي حد مبيهموش تحس انه ظابط اول ما شافوه كله سكت و بيقلوله يا باشا بعد مكانا بيشتمو , ينفع كده يا باشا قلهم اه ينفع و اللي مش عجبه يوريني هيعمل ايه , المهم ركبوا العربية بتاعتهم و مشيوا