حادثه منتصف الليل

**calipha3** · 23-04-2009 12:32 AM

حادثه حصلت لواحد صحبي كان بليل مروح هو والمدام المهم كان قدامهم زفه فكل ما يحاول يعدي العربيه الي قدامه تقفل عليه يمين شمال مفيش فايده المهم في الاخر راح خبطه وعدا و الراجل مين ده مسبوش وفضل يطارده و صحبي موقفش و طنشه و فضل الراجل وراه وفي الاخر اختفي اصله و قفله علي مدخل المنطقه فاساعه اما جه يدخل قفل السكه و راح فاتح الباب و شده كان معاه 3 كمان فنزلوا فيه ضرب و خدوا منه الرخصه لحد ما ناس كانوا معدين طلعوهمن وسطهم و المهم قالوا ده خبط العربيه و لازم نروح المركز كلام منده المهم اداهم 100 جنيه معجبش اداهم كمان خمسين و مشي ولسه حالته النفسيه مضطربه من يومها وكره العربيات والسواقه ويومها.

**MoToRiZeR** · 23-04-2009 12:36 AM

أسلوب همجي طبعاَ لمعالجة الموقف بس صاحبك بلا شك غلطان ! مفيش حاجة إسمها "خبطه و عدا" ! و كمان طنشه معتذرش حتي .. فا هو اللي كان بادئ بالغلط .

**Nile Heart** · 23-04-2009 12:46 AM

انا مع صاحبك

دول عالم همج وبهايم.. يعنى ايه يقفلوا الشارع عشان زفه وزفت!!

لو اخد نمرهم يطلع على موظف ف المرور وهى حته ب 50 يجيب عنوانهم.. وكمان 4 حتت ب 50 يجيب 4 بلطجيه من ميدان الأسماعيليه ويربى اهاليهم

هى البلد دى ماشيه كده الى ان ياتى المارينز ويخلصونا من الفساد كما فعلوا فى العراق ان شاء الله قريبآ

**MoToRiZeR** · 23-04-2009 01:10 AM

المشاركة الأصلية كتبت بواسطة Nile Heart

انا مع صاحبك

دول عالم همج وبهايم.. يعنى ايه يقفلوا الشارع عشان زفه وزفت!!

لو اخد نمرهم يطلع على موظف ف المرور وهى حته ب 50 يجيب عنوانهم.. وكمان 4 حتت ب 50 يجيب 4 بلطجيه من ميدان الأسماعيليه ويربى اهاليهم

هى البلد دى ماشيه كده الى ان ياتى المارينز ويخلصونا من الفساد كما فعلوا فى العراق ان شاء الله قريبآ

يا باشا إحنا سمعنا القصة من جانب واحد و ممكن لو سمعتها من الجانب التاني تغير رأيك

بس مبدئياَ إيه اللي يخلي ناس في حالة إحتفال و فرح و زفة تسيب كل حاجة و تطارد عربية و ينزلوا يضربوه ؟

ثانياَ صديق الأستاذ اللي كتب الموضوع في حكم اللي خبط و جري .. و طبعاَ كل من يملك سيارة يعرف الجرعة الإستفزازية و الغضب اللي يتملك الواحد إذا واحد خبطه و جري و بعد كدة طلع جري وراه قام طنشه و معتذرش حتي !

انا معرفهمش طبعاَ ولا أعرف صاحبك بس زي ما قلتلك ليه ناس في زفة هيغيروا فجأة فكرهم و يقرروا يطاردوا سيارة .. و يعني إيه "قام خبطه و عدي" ؟! أكنها شئ عادي جداَ .

و يا أستاذ نايل هارت هو يعني صاحبه يعرف يجيب بلطجية و الناس التانيين ممعاهمش الأربع حتت بخمسين و ميعرفوش طريق ميدان الإسماعيلية اللي هيجيبوا منه البلطجية ؟

و لو عملناها جيوش و خناقة كبيرة و حرب و مات فيها حد في الأخر هيبقي حلينا المشكلة كدة ؟ و كل ده كان ممكن يتحل لو صديقه كبر دماغه و إستني اما فتحوا الطريق خاصة إنه كان بالليل و مروح يعني مش مستعجل علي حاجة أو كان إعتذر اما خبطهم أو هما من الأول كان كمين وقفهم قالهم إنتم قافلين الشارع ليه .

بس بما إن الموضوع حصل يبقي نحل المشكلة مش نعمل مشكلة جديدة .

و مش هعلق علي جملة المارينز .

**analyzer** · 23-04-2009 01:22 AM

المشاركة الأصلية كتبت بواسطة Nile Heart

انا مع صاحبك

دول عالم همج وبهايم.. يعنى ايه يقفلوا الشارع عشان زفه وزفت!!

لو اخد نمرهم يطلع على موظف ف المرور وهى حته ب 50 يجيب عنوانهم.. وكمان 4 حتت ب 50 يجيب 4 بلطجيه من ميدان الأسماعيليه ويربى اهاليهم

هى البلد دى ماشيه كده الى ان ياتى المارينز ويخلصونا من الفساد كما فعلوا فى العراق ان شاء الله قريبآ

بعيدا عن الحادث وتفاصيله

حضرتك بتدعى ربنا ان المارينز ييجو يخلونا من الفساد ؟

لا تعليق

**ابوهاشم** · 23-04-2009 01:27 AM

طبعا صاحبك غلطان وهما كمان غلطانين بس مش معنى كده انه يخبط ويمشى

**ابوهاشم** · 23-04-2009 01:31 AM

المشاركة الأصلية كتبت بواسطة Nile Heart

هى البلد دى ماشيه كده الى ان ياتى المارينز ويخلصونا من الفساد كما فعلوا فى العراق ان شاء الله قريبآ

يااخى الفاضل
احنا مصريين عاشقين تراب بلدنا مهما كان بيحصل فيه
ومش حل خالص ولا يرضى اى حد الكلام اللى انت بتقوله ده
امتى وفين واى زمان كان الاحتلال حل ولا الناس تتمناه

**Terrible_DaRsH** · 23-04-2009 01:54 AM

غالبا اللى كانوا فى الزفة دول اكيد كانوا فى الفرح و فى نسبة كبيرة بتقول انهم كانوا شاربين او سكرانين وده الاحتمال الارجح .

هو بصراحة اتصرف صح لان انا لو كنت مكانه مش عارف كنت هعمل ايه !!

ناس بترخم عليك هتعمل لهم ايه !!

**أشرف فتحى** · 23-04-2009 02:03 AM

المشاركة الأصلية كتبت بواسطة Nile Heart

هى البلد دى ماشيه كده الى ان ياتى المارينز ويخلصونا من الفساد كما فعلوا فى العراق ان شاء الله قريبآ

فكرتنى بمحمد الصاوى فى ليله سقوط بغداد!
ياترى فاكر لما راح يرحب بالمارينز عملوا معاه ايه؟

وجهه نظر غريبه وتدعوا الى التفكير!!!
حضرتك فين من اللى حصل فى العراق....فساد ايه اللى امريكا خلصت عليه؟؟؟؟
مش عايز افتح سكه لكلام دايما بيقلب بخناق!!
ادب المناقشه يفرض عليا احترم رأيك واسمعه حتى لو شايف انه غلط!

**M.Osman** · 23-04-2009 02:08 AM

بصراحة انا شايف ان الإتنين غلطانين ....

اللي قافل الطريق دا معدوش لا دم و لا أخلاق اساساً و ميستهلش يركب كاررو حتى !!

اما كون صحبك يخبه و يعدي فهو برضه غلطان ... لازم كان يصبر شوية عالعالم دي ..:(

ربنا يحفظنا

الموضوع: حادثه منتصف الليل

LinkBack

أدوات الموضوع

عرض

حادثه منتصف الليل - انشر الموضوع فى :

-

-

-

-

-

-

المواضيع المتشابهه

حدث قبل منتصف الليل .. بالشلووووت

حدث قبل منتصف الليل.....قصة كل يوم

حدث قبل منتصف الليل ...(لبشة)قصب

حدث قبل منتصف الليل:: تيتتتت

حدث بعد منتصف الليل

الكلمات الدلالية لهذا الموضوع

المفضلات

المفضلات

ضوابط المشاركة