يا جماعة الفرامل عندى خفيفة....................

ازيكم يا رجالة انا عندى فرامل العربية من اول لما اشتريتها وهيا خفيفة ومكنتش حاسس بالموضوع عشان انا جديد فى السواقة بس ركبت عربية الينترا حسيت بمعنى الفرامل من اول لمسة انا عارف ان نظام الفرامل فى الالنترا احسن من النوبيرا بس مش لدرجة دية انا لما بدوس فرامل خطر او مفاجئة العربية سرعتها اكيد بتقل بس مش بتكلبش غير لما اجيب الدواسة على الاخر ومش من اول الدوسة بعد ثانيتين بس الحمد لله العربية مش بتزحف انا جربتها لقيتها مش بتسحب بس باخد وقت شوية عشان العربية تقف
معلش يا جماعة انا طولت شوية بس قولت اعرف منكم اية اللازم لظبتها عشان مروحش كدة على عمايا عشان ميتعملش عاليا شغل اروح وانا عندى خلفية واعرف اخد وادى مع الميكانيكى عشان ميعرفش انى مش فاهم ويشتغلنى....................

انت هترجلش الكازتشات الى ورا اول حاجة ويشوفلك التيل اخبارة اية
ويتحسن انك تروح الصبح
علشان لو التيل بايظ وعايز يتخرط مش هتلاقى حد باليل وهتضؤ تسيب العربية لتانى يوم
وبعدين خلية يشوفلك التيل الامامى اخبارة اية لو وحش غيرة
وبعدين خلية ياخدلك هواء من الاربع عجلات
ولو زيت الاكم ناقص زودة
وبعدين انسى الفرامل وادعيلى انا انجح

اية يا رجالة 41مشاهدة مفيش غير رد واحد
مش مشكلة fady ezzat قام بالواجب بزيادة
شكرا ياباشا لرد حضرتك

وبعدين انسى الفرامل وادعيلى انا انجح

ان الله شاء ربنا هيوفقك وهتنجح وتجيب مجموع كبير بس انت شد حيلك

ممكن تكون محتاج شوية صيانه فى دورة الفرامل (تغيير تيل _ كشف على مساتر العجل _ أخذ الهواء من دورة الفرامل _ وبالمره أبقى غير زيت الفرامل لو غيرت التيل )...................

_ وبعدين ممكن تكون الألنترا مزوده بفرامل مانعه للأنزلاق .......والنوبيرا مفيهاش النظام ده .........وأبقى أعمل حسابك دايما فى حساب مسافة الأمان قبل أستخدام الفرامل ........

لو سمحت يا باشمهندش اية قصد حضرتك من حساب مسافة الامان قبل استخدام الفرامل

وشكرا لرد حضرتك

اقتباس:

---

المشاركة الأصلية كتبت بواسطة Fadi Ezzat

انت هترجلش الكازتشات الى ورا اول حاجة ويشوفلك التيل اخبارة اية
ويتحسن انك تروح الصبح
علشان لو التيل بايظ وعايز يتخرط مش هتلاقى حد باليل وهتضؤ تسيب العربية لتانى يوم
وبعدين خلية يشوفلك التيل الامامى اخبارة اية لو وحش غيرة
وبعدين خلية ياخدلك هواء من الاربع عجلات
ولو زيت الاكم ناقص زودة
وبعدين انسى الفرامل وادعيلى انا انجح

---

الاخ سمير شكرا انك نبهت الاخ على موضوع تغيير زيت الباكم مش تزويده لان اخونا الفاضل ممكن يكون وهو بكتب بدلا من انه يقول غيره كتب زوده ودى فرامل يعنى ربنا يستر
مع الشكر لكل الاخوة

اقتباس:

---

لو سمحت يا باشمهندش اية قصد حضرتك من حساب مسافة الامان قبل استخدام الفرامل

---

سورى ...أنا أقصد طبعا مسافة الأمان بصفه دوريه وأنت سايق وبالذات على الطرق السريعه ......والفردى بالذات واللى صعب جدا التجاوز أو التخطى للسيارات التى تسير أمامك .......ويفضل دايما اللأ لتزام بها فى كل الأحوال ......ولكن للأسف مفيش حد عندنا بيعمل الكلام ده الا من رحم ربى....ويمكن أكون أنا شخصيا نفس النظام .....لأن زى مابيقولوا كده السكينه بتسرق الواحد وهو سايق .....وعمال يديها ولابس فى اللى قدامه على الطريق وخلاص بدون توقع أى مفاجئات ........داغير بقه بتوع الميكروباص والبيجو وما أدراك ......والعربيات الأجره أصلا تعبانه .....نرجع بقه لمسافة الأمان ...والشغل الصح مروريا واللى مفروض كل واحد يعمله ......ياريت أكون أول واحد يسمع الكلام ده ويلتزم بيه برضه.... _ شوف ياسيدى : من كتاب فى الوعى المرورى .......حنقلك الكلام بالنص ( تحت عنوان مسافة الأمان )....طبعا سأقوم بعمل بعض الأضافات من جانبى _على قائد السياره الخلفيه أن يسير بسرعه تتناسب مع سرعة السياره التى تسير أمامه بقدر الأمكان .....لكى تساعده هذه السرعه من أيقاف سيارته فى الوقت المناسب (طبعا بدون مشاكل )....ويجب مراعاة مسافة رد فعل الفرامل ومسافة الفرامل ........

_ وبيقولك كمان : يجب تأمين مسافة أمان بين السيارتين تقدر بحوالى 3 متر لكل عشره كيلو متر/ ساعه من سرعة سيارتك .....بمعنى أذا كنت تسير خلف سياره على الطريق وكانت سرعتك مثلا 30 كم /ساعه ......فيجب أن تكون مسافة الأمان بينك وبين السباره التى تسير أمامك تسعة مترات

_ واذا كانت سرعتك 60 كم/ ساعه وجب أن تكون المسافه دى 18 مترا على الأقل................

_ وطبعا بيقول أن الموضوع ده هام جداااااا لكون السياره المسرعه لا تقف تماما حيث تريد............

الصراحه الكلام مقبول جدا ....وبالذات مع السيارات الغير مزوده بنظام فرامل من النوع المانع للأنزلاق ......دا غير أن أخطر حاجه على دورة الفرامل الأستخدام المفاجىء لها وبالذات مع السيارات القديمه أو المستعمله بوجه عام ............شكرا

ولله كلام جميل
انما نعملة ازاى ف شوارعنا الجميلة ؟؟؟

اشكرك يا باش مهندس على المعلومة والتوضيح بس معتقدش حد بيعمل كدة فى مصر بس دى طريقة امنة وهبقى اجربها وانا عن نفسى فى الطرق السريعة بسيب حوالى مترين بينى وبين الى قدامى ولو هعدية برعشلة عدانى ماشى معدنيش اصبر لحد ما يحن عاليا

اقتباس:

---

اشكرك يا باش مهندس على المعلومة والتوضيح

---

ياباشا تحت أمرك

اقتباس:

---

بس معتقدش حد بيعمل كدة فى مصر بس دى طريقة امنة

---

ده أكيد

اقتباس:

---

وانا عن نفسى فى الطرق السريعة بسيب حوالى مترين بينى وبين الى قدامى ولو هعدية برعشلة عدانى ماشى معدنيش اصبر لحد ما يحن عاليا

---

دول شويه أوى مترين دول.....وعلى فكره موضوعك ده والتعليق الحالى خلانى عملته موضوع لوحده فى المنتدى العام .......وياريت تقراه

_ وهو تحت عنوان ( هل فيه كتير مننا بيطبق القاعده دى )......العنوان تقريبى

الحمد للة ظبت الفرامل عندى وبقت 100 100 هو الميكانيكى فك العجل الة وراونظف مكان الطنبور وصنفرة من جوة من النحيتين وبعدين واحد ركب العربية قعد يدوس فرامل وهو عند الطنبور طلع شوية زيت وخلاص ركب العجل تانى

بس اشمعنا معملش قدام زى ورا

مترين ايه بس يا صديقى، مترين دول معناها ان اللى قدامك لو فكر يدوس فرامل هتكون عربيتك تحت عربيته قبل ما رجله توصل لدواسة الفرامل

مسافة الأمان المعترف بها عالميا تساوى سرعتك محسوبة بالأمتار، يعنى لو ماشى بسرعة 100 كيلومتر فى الساعة تسيب 100متر بينك وبين اللى قدامك ، وحسابها سهل جدا حيث انك بسرعة 100 كيلومتر فىالساعة تقطع ال 100 متر فى 1 على 1000 من الساعة اى 3.6 ثانية ، وبالتالى فال 100 متر يمكن حسابها بأن اللى قدامك لما يعدى من جنب اى علامة من علامات الطريق مفروض انت تعدى من جنب نفس العلامة بعد 4 ثوانى تقريبا، لو خدنا مثال اخر علشان نوصل لنتيجة مبسطة فهنلاقى انك لو ماشى بسرعة 50 كم/س فانت هتسيب 50 متر ودول على سرعة 50 كم/س هتقطعهم برضه فى 1 على 1000 من الساعة اى 3.6 ثانية، يبقى برضه هتسيب 4 ثوانى بينك وبين اللى قدامك ، يبقى مسافة الأمان على اى سرعة هى انك تسيب 4 ثوانى بينك وبين اللى قدامك ، يعنى هو لما يعدى من جنب اى علامة من علامات الطريق انت تعدى جنبها بعد 4 ثوانى ،

صحيح ان ده كتير بيكون صعب فى بلدنا لكن فى هذة الحالة ال 3 ثوانى تنزل الى 3 ، 2.5 لكن مش مترين، المترين دول على سرعة 100 كم/ س انت بتقطعهم فى 76 مللى ثانية، يعنى اقل من 1 من عشرة من الثانية ، وهذا ال 1 من عشرة من الثانية هى اقل فترة استجابة لحواس الانسان، يعنى اللى قدامك لو داس فرامل انت محتاج اصلا 1 من عشرة من الثانية علشان تدرك ان لمبة الفرامل نورت ، ناهيك عن انك تاخد رد فعل بأنك تضغط الفرامل والفرامل دى تبتدى تعمل حاجة، فيما معنا بصورة اخرى انك لو سايب مترين بينك وبين اللى قدامك على سرعة 100 ، هو لو داس فرامل فجائية انت وهو هتكونوا كتلة واحدة قبل ما تدرك ان هو اصلا داس فرامل اصلا

شكرا ياباشا للتوضيح الجامد دة واوعدك انى هحاول انفذة على قدر الامكان

انا عندي نفس المشكلة و نفس العربية ، قالولي ماستر الفرامل عايز يتغير بس الحقيقة انا لسه مجربتش بس هيه بحاله ساعات تكون كويسه و الفرامل معقوله و سعات تكون ملهاش لزمة . بس عموما فرامل الدايو اي كلام