نرجو المقارنة بين الميتريكس والاوبترا على اساس :
- استهلاك البنزين
- قطع الغيار
- الثبات
- المحرك
- الوسع للصالون و الشنطة
- الارتفاع و تفادى المطبات
- الفرامل
- التوكيل
عرض للطباعة
نرجو المقارنة بين الميتريكس والاوبترا على اساس :
- استهلاك البنزين
- قطع الغيار
- الثبات
- المحرك
- الوسع للصالون و الشنطة
- الارتفاع و تفادى المطبات
- الفرامل
- التوكيل
اسمح لى اتكلم عن الاوبترا ومش هاقدر اتكلم عن الماتريكس بالكامل عشان مبقاش بفتى
استهلاك البنزين : الاوبترا بتعمل 200 كم فى الصفيحه مع مراعاة ان عربيتى اوتوماتيك يعنى المانيوال استهلاكه اقل
قطع الغيار : متوفره ورخيصه ومعتقدش فى اسعار ارخص من كدا , الاسعار فى التوكيل ارخص من بقية التوكيلات وبره التوكيل ماليه المحلات وباسعار وانواع مختلفه ( تمن تيل الاوبترا فى التوكيل 225 جنيه وتمن تيل ال i10 فى التوكيل 450 جنيه )
الثبات : اعتقد ان الاوبترا اثبت نظرا لانها سيدان
المحرك : الاوبترا موتور 1600 قوته 107 حصان والماتريكس 1600 قوته 105 حصان
الوسع : طبعا الماتريكس اوسع بس الاوبترا واسعه جدا مقارنة بباقى السيارات فى فئة السيدان , وبالنسبه للشنطه الاوبترا اكيد شنطتها اكبر
الارتفاع والمطبات : الاتنين عاليين
الفرامل : ممتازه فى الاوبترا , فى الماتريكس معرفش
التوكيل : انا اتعاملت مع الاتنين وشايف ان منصور افضل
حضرتك قلت تيل ال i10 ب 450 ماشى :S_thum1[1]:
بس الراجل بيقول ماتريكس و التيل تمنه 233 لأنى لسه شاريه من غبور, و ال i10 دى حالة خاصه لانها جديدة مش لازم الماتريكس تكون زيها علشان اكبر.
استهلاك البنزين فى الماتريكس ممتاز (بس بيعتمد على طريقة السواقة)
بتعمل معايا 315 كم فى الصفيحة
اخر تفويلة 640 كم فى 42 لتر و التكييف شغال 80% او اكتر و السواقة كلها فى المدينة.
انا مش هقدر افتى فى ثبات الاوبترا بس اللى اقدر اقوله ان الماتريكس ثابتة جداااا و متحسش بالسرعة فيها. و كونها هاتش ده مش بيقلل من ثباتها لان قاعدة عجلاتها كبيرة 2600 مم و عرضها 1740 مم (اعرض من الاوبترا) و المسافة بين العجلتين 1485 مم.. يعنى ابعادها زى معظم السيدان او افضل.
ميشو باشا تحياتى ليك :S_thum1[1]:
انا مكنش قصدى اقول معلومات غلط او حاجه
بس اللى بلاحظه ان هيونداى قطع غيارها غليت عن زمان وبقت اغلى من حاجات تانيه
والصراحه لما قريت اسعار ال i10 اتخضيت
وبالنسبه لموضوع الثبات فانا كان قصدى بصفه عامه ان العربيات العاليه بيبقى ثباتها اقل من السيدان مش قصدى الماتريكس بصفه خاصه
وانت عندك حق الماتريكس اعرض لان الاوبترا عرضها 1725 فكدا الماتريكس اعرض ب 1 سم ونص
وقاعدة العجلات 2600 برضه زى الماتريكس
وتحياتى ليك مره تانيه على المعلومات اللى اضفتها :S_thum1[1]:
فعلا الاسعار لل i10 غير منطقية و مينفعش تتصدق,, و الاغرب ان ساعة التابلوه فيها ب 600 جم و لقيت هواية التكييف فى السوناتا ب 15 جنيه (مكنتش مصدق و انا واقف فى التوكيل).
بس الماتريكس و الجيتز اسعارهم فى المتوسط بس بردوا فى قطع غيار غاليه لو هنتكلم فى صاج و فوانيس فى حالة الحوادث لا قدر الله.
و شكرا لذوقك يا كبييييير الاوبتراويه :biggrin2: