الموضوع: خلاصة الكلام فى موضوع الكورى .....

فعلا فى عربيات كتير كورى دلؤتى افضل من عربيات يابانى فى نفس الفئه و العربيات الكورى مش قليله دلؤتى و بقى لها اسمها يعنى تجيب النترا مانيوال 1600 ب 92000 و لا لانسر 1300 مانيوال عاديه جدا بنفس السعر تقريبا و اغلى حاجات بسيطه كمان طبعا النترا و مفيش وجه مقارنه انا برضه ما كنش بيعجبنى الكورى و بقول انه تعبان لغايه ما جربت و ركبت النترا 2006 عربيه ممتازه جدا بدأت اركب كورى و استمتع بيه
و النيو سيراتو حاليا برضه نقله للسيارات الكورى

انا مع احترامى لكل شخص بيقول على الكورى حلو اوى او كويس جدا وكل واحد بيقول ان الكورى وحش اوى او وحش جدا انا شايف ان الكورى عربيات فى فئة المتوسط او فوق المتوسط بمعنى انها عربيات جميلة جدا وتنفع شاب وعائلة وتنفع بنت وتنفع ام وتنفع كل شخص وفى نفس الوقت سعرها الى حد ما نسبى كويس جدا يعنى انا عن نفسى بعشق حاجة اسمها المانى وبالذات فلوكس واجن بس ما اجيش اقول على الكورى وحش لان الكورى عربية ليها احترامها بس انا بالنسبالى هيونداى دى متسقطة من حساباتى ولو اداونى فلوس عشان اركب هيونداى انا مش راكبها نظرا لاونكل غبور والى عاملة فى عربياتة بعكس الكيا انا من زمان من سنة 2001 و 2002 وقبل كدا وانا مقتنع بالكيا لانى عارف ان كيا عربية جميلة جدا بس هى اذواق بس التعصب فى الرأى دا الى مش حلو ولانى مقتنع بالكيا انا كان معايا بيجو 406 بعتها وحاليا حاجز نيو سيراتو لانى شايفها عربية عملية جدا وجملة جدا وتنفعنى وانا شاب وتنفعنى وانا متزوج وتنفعنى فى جميع الحالات لان العربية متعددة الاستخدامات وانا بقولها كلمة عصر كوريا قادم اى زمن السيارات الكورى قادم وبقوة والى مش عاجبة يخبط دماغة فى الحيط دا امريكا الى اسمها امريكا ناس كتير فيها بتتجة للكورى فا الحياة حلوة

من الاخر كدة الكورى مش سيىء للدرجة الى الناس بتهاجمة بية ولو وحش كانت الصناعة الكورى وقعت على مستوى العالم حد يقنعنى لو الكورى وحش كان هيتباع فى اوروبا وامريكا ازاى ونسبة العربيات الكورى عندهم مش صغيرة اعتقد ان الناس دى مش بتجيب اى حاجة
بس هو الشعب المصرى غريب شوية ولما بياخد على حاجة مش بيعرف يغيرها
انا عن نفسى كنت قلقان قبل مشترى عربية كورى بس لما جيت حسبتها لقيت ان قطع غيرها مناسبة والصيانة سهلة واعادة البيع بردو سهلة وانا كدة مش بعيب فى الالمانى ولا اليبانى بالعكس هما احسن بردو بس كل واحد حسب احتياجاتة ومقدرتة