الهروب من كاميرات التصوير ...... أخر حاجة

**faroukahafeez** · 23-04-2009 02:37 AM

النهاردة يا شباب واحد صاحبى رجع من أمريكا ومعاه شوية اكسسوارات للعربية حاجات تحفة فعلاً

أكثر حاجة عاجبتنى اسبرى يترش على لوحة العربية (النمرة) وتخلى الكاميرا اللى بتصور اللوحة متعرفش تصور نمرة العربية

ودا اللى مكتوب على العلبة
A majority of red light & speed cameras utilize a strong flash to photograph the license plate on your car. Once sprayed on your license plate, ْXXX special formula produces a high-powered gloss that reflects the flash back towards the camera. This overexposes the image of your license plate, rendering the picture unreadable. With XXX, your license plate is invisible to traffic cameras yet completely legible to the naked eye.

اننا متردد اقول اسم المنتج لان خايف حد من عديمى المسئولية يجيبه ويستخدمه واكون السبب فى حواداث لا قدر الله

انا اول مرة اشوف منتج زى دة حد شاف حاجة زى دية

**AshTurbo** · 23-04-2009 02:43 AM

زي ما مكتوب سبراي بيعمل طبقة عاكسة على نمر العربية بتعكس فلاش الكاميرات القوية المستخدمة في الرادرات وبالتالي الكاميرا لما بتسجل الصورة بتسجلها بالأنعكاس بتاعها وهيبقى لونها أبيض مبهر وبيصعب معرفة نمرة السيارة المخالفة بواسطة الكاميرا ولكن من السهل جدا معرفتها بالعين المجردة .

**faroukahafeez** · 23-04-2009 02:47 AM

المشاركة الأصلية كتبت بواسطة AshTurbo

زي ما مكتوب سبراي بيعمل طبقة عاكسة على نمر العربية بتعكس فلاش الكاميرات القوية المستخدمة في الرادرات وبالتالي الكاميرا لما بتسجل الصورة بتسجلها بالأنعكاس بتاعها وهيبقى لونها أبيض مبهر وبيصعب معرفة نمرة السيارة المخالفة بواسطة الكاميرا ولكن من السهل جدا معرفتها بالعين المجردة .

والله يا باشا بعرف اقرا وافهم انجليزى الحمد لله
انا بس محبتش اترجم الكلام اللى مكتوب على العلبة وحطيته زى ما هو

انا بسأل حد شاف حاجة زى كدة ؟

**wkisho2005** · 23-04-2009 02:48 AM

هو ممكن يكون المنتج شغال فعلا وكل حاجة بس برة مش هنا لان التصوير بيجيب نمرة العربية وصورة اللي سايق كمان لكن هنا متقدمين شوية لما حد يتصور بيبلغو الكمين باللاسلكي بيقوله مثلا عربية دايو فضي مش عارف مواصفاتها ايه كدا يعني

فكرتني بموقف ع السريع كدا بمناسبة الموضوع دا
قبل كدا ماشي ع الطريق بس مكنتش بجري وجه من جبني واحد راكب مرسيدس نفس لون عربيتي كان طاير المهم بعديها علي طول دخلنا ع الكمين الواد عدا وانا لسة بعدي لقيت الظابط وقفني والراجل بيمليه مواصفات العربية في اللاسلكي ولاقيته بيقولي سرعة قلتله لا ياباشا دا اللي عدا ادامي دلوقتي بس ملحقوش يبلغوك راح ضاحك وقالي طب عدي:k48::k48:

**Terrible_DaRsH** · 23-04-2009 02:50 AM

هو احنا ناقصين !

**faroukahafeez** · 23-04-2009 02:54 AM

المشاركة الأصلية كتبت بواسطة wkisho2005

هو ممكن يكون المنتج شغال فعلا وكل حاجة بس برة مش هنا لان التصوير بيجيب نمرة العربية وصورة اللي سايق كمان لكن هنا متقدمين شوية لما حد يتصور بيبلغو الكمين باللاسلكي بيقوله مثلا عربية دايو فضي مش عارف مواصفاتها ايه كدا يعني

انا المنتج تخليته على المحور علشان رايح جاى علية ومفيش كمين بيبلغ باللاسلكى

المحور الكاميرات متركبة بزاوية 135 درجة تقريبا فى نفس اتجاة العربية يعنى لوهيصور يبقى هيصور النمرة و الراكب الامامى مش السواق

**M.Osman** · 23-04-2009 03:01 AM

انا سمعت عنه من زمان و انا في الأمارات .. و كنت بسمع انهم بيجيبوه من كندا .. :)

**wkisho2005** · 23-04-2009 03:07 AM

المشاركة الأصلية كتبت بواسطة faroukahafeez

انا المنتج تخليته على المحور علشان رايح جاى علية ومفيش كمين بيبلغ باللاسلكى

المحور الكاميرات متركبة بزاوية 135 درجة تقريبا فى نفس اتجاة العربية يعنى لوهيصور يبقى هيصور النمرة و الراكب الامامى مش السواق

كلامك تمام بس لو تصوير العربية بالنمرة علي المحور بس يبقي كدا بردو مش هتستفيد بيه في بقية الطرق (دا لو كانوا لسة يعني بيعملوا حوار اللاسلكي دا)

**faroukahafeez** · 23-04-2009 03:11 AM

المشاركة الأصلية كتبت بواسطة wkisho2005

كلامك تمام بس لو تصوير العربية بالنمرة علي المحور بس يبقي كدا بردو مش هتستفيد بيه في بقية الطرق (دا لو كانوا لسة يعني بيعملوا حوار اللاسلكي دا)

لا يا باشا انت فهمت غلط انا مش هستخدمة ولا هرشة على نمر العربية انا مستحرم الموضوع ده اصلاً

كفاية البلاوى والمصايب اللى بنشوفها بسبب الشد والجرى

انا قولته للناس من باب العلم بالشىء وليس لغرض الاستخدام