كل اللى معاه موبايل نوكيا 5800 يا ريت يدخل و يقولنا

**shekoz** · 23-04-2009 05:06 AM

اللى معاه الموبايل دا يا ريت يقولنا ايه العيوب اللى فيه عن تجربه عشان انا ناوى اشتريه بس مقلق من التتش سكرين خصوصا انو يعتبر اول موبايل نوكيا ينزل تتش سكرين و خايف ميبقاش عملى معايا و كنت عايز اعرف برضو ايه نظام الكاميرا هى 3.2 بس فى ناس بتقول عليها مش حلوه و ال gps و الوايرلس

**mashaly** · 23-04-2009 03:40 PM

على حد علمي دا مش اول جهاز تاتش لنوكيا لسى مجبتهوش عشان افيدك ف الباقي

**tmz9111** · 23-04-2009 04:57 PM

أنا معايا و الجهاز تمام و التاتش كويس جدا و صوته جميل

**memohamada** · 23-04-2009 05:06 PM

ال 5800 معايا من 3 اسابيع تقريبا و كان معايا N70 قبلة و دة رائى فية
1- التاتش سكرين ممتازة جدا و استجابتها كويسة مجرد لمسة للشاشة مع ضغطة خفيفة قوى كفاية , الالوان برضة واضحة جدا بس فالشمس مبتشوفش حاجة خااااالص لازم ظل عشان تبقى واضحة واطمن الشاشة متصممة بحيث متتخدش بسهولة و الحمد للة جهازى تمام لحد دلوقتى منغير لا كافر ولا حاجة خاااالص
2- ال Gps بيلقط بعد دقيقة او اتنين تقريبا و بعد مايلقط مبيقطعش خالص (انا مجربة على طريق مصر اسكندرية الزراعى رايح جاى )
3- الكاميرا ممتازة فى النهار او فى الاضائة القوية لكن لو الاضائة ضعيفة بتبقى وحشة جدااااا ( ال N70 كامرتة احسن فى الاضائة الضعيفة رغم انها 2 ميجابكسل بس )
4- الوايرلس انا مجربتوش غير مرة واحدة وكانت لمدة 5 دقايق بس فمقدرش احكم علية
5- البطارية ممكن تشتغل معاك 3 ايام لو استعمالك للموبيل بسيط لكن لو بتتكلم كتير و تصوير وكدة بيقى اخرها يومين بالعافية
6- من ناحية السوفتوير بتاع الجهاز فمتسمعش كلام اى حد يقولك انة مش كويس و بيبوظ بسرعة و الكلام الفاضى دة و على فكرة الجهاز لسة نازل من 6 شهور تقريبا و نوكيا مهتمة بية جدا لدرجة انة نزلة 3 تحديثات للسوفتوير لحد دلوقتى ولو احتجت اى برامج وثيمات لية هتلاقيها بسهولة عالنت

فى بقى عيب غريب قريت عنة عالنت فى ال 5800 و هو ان سماعة الجهاز ( بتاعت المكالمات مش الرن) بتقطع ساعات والموضوع دة منتشر اكتر فى الجهاز الاحمر بس انا محصلش معايا الحكاية دى و عموما خليك فى السليم و هات الازرق او الرصاصى زيى

**shekoz** · 24-04-2009 03:38 PM

المشاركة الأصلية كتبت بواسطة mashaly

على حد علمي دا مش اول جهاز تاتش لنوكيا لسى مجبتهوش عشان افيدك ف الباقي

منا عارف بس انا اقصد اول واحد منتشر لحد كبير لاكن اللى قبل كدا دول نادر جدا لو لقيتهم زى 7700

المشاركة الأصلية كتبت بواسطة tmz9111

أنا معايا و الجهاز تمام و التاتش كويس جدا و صوته جميل

يا ريت يا باشا لو قابلك اى مشاكل فى الجهاز نقولنا عليها

المشاركة الأصلية كتبت بواسطة memohamada

ال 5800 معايا من 3 اسابيع تقريبا و كان معايا N70 قبلة و دة رائى فية
1- التاتش سكرين ممتازة جدا و استجابتها كويسة مجرد لمسة للشاشة مع ضغطة خفيفة قوى كفاية , الالوان برضة واضحة جدا بس فالشمس مبتشوفش حاجة خااااالص لازم ظل عشان تبقى واضحة واطمن الشاشة متصممة بحيث متتخدش بسهولة و الحمد للة جهازى تمام لحد دلوقتى منغير لا كافر ولا حاجة خاااالص
2- ال Gps بيلقط بعد دقيقة او اتنين تقريبا و بعد مايلقط مبيقطعش خالص (انا مجربة على طريق مصر اسكندرية الزراعى رايح جاى )
3- الكاميرا ممتازة فى النهار او فى الاضائة القوية لكن لو الاضائة ضعيفة بتبقى وحشة جدااااا ( ال N70 كامرتة احسن فى الاضائة الضعيفة رغم انها 2 ميجابكسل بس )
4- الوايرلس انا مجربتوش غير مرة واحدة وكانت لمدة 5 دقايق بس فمقدرش احكم علية
5- البطارية ممكن تشتغل معاك 3 ايام لو استعمالك للموبيل بسيط لكن لو بتتكلم كتير و تصوير وكدة بيقى اخرها يومين بالعافية
6- من ناحية السوفتوير بتاع الجهاز فمتسمعش كلام اى حد يقولك انة مش كويس و بيبوظ بسرعة و الكلام الفاضى دة و على فكرة الجهاز لسة نازل من 6 شهور تقريبا و نوكيا مهتمة بية جدا لدرجة انة نزلة 3 تحديثات للسوفتوير لحد دلوقتى ولو احتجت اى برامج وثيمات لية هتلاقيها بسهولة عالنت

فى بقى عيب غريب قريت عنة عالنت فى ال 5800 و هو ان سماعة الجهاز ( بتاعت المكالمات مش الرن) بتقطع ساعات والموضوع دة منتشر اكتر فى الجهاز الاحمر بس انا محصلش معايا الحكاية دى و عموما خليك فى السليم و هات الازرق او الرصاصى زيى

مشكور يا باشا على الشرح

انا بفكر اشترى السيلفر اللى لسه نازل ايه رايك فيه

**blazer** · 24-04-2009 03:46 PM

هو سعر الجهاز دلوقتى بقى كام ؟
انا برده شفت اجهزه n-series نازله فى الفتره دى زى n-79 and n-82
فايه اخباره 5800 ولا ال n

**shekoz** · 24-04-2009 04:11 PM

المشاركة الأصلية كتبت بواسطة blazer

هو سعر الجهاز دلوقتى بقى كام؟
n

فى حدود 2050 جنيه مصرى و 1150 ريال سعودى

**memohamada** · 24-04-2009 09:19 PM

المشاركة الأصلية كتبت بواسطة shekoz

فى حدود 2050 جنيه مصرى و 1150 ريال سعودى

انا جايب بتاعى رصاصى بدون ضمان (عشان ال GPS ) و فنلندى مش صينى ب 2300

**shekoz** · 25-04-2009 12:00 AM

المشاركة الأصلية كتبت بواسطة memohamada

انا جايب بتاعى رصاصى بدون ضمان (عشان ال GPS ) و فنلندى مش صينى ب 2300

بس متهيالى الموبايل دا منزلش منو غير الصينى بس اسمع ان فى ناس بتحط عليه ستيكر made in finland و تغلى فتمنه و تبيعه على اساس انو فنلندى مش صينى.......و الله اعلم

**جندى مجند** · 25-04-2009 12:15 AM

أنا جايب الجهاز دة من الامارات من حوالى 3 أسابيع بـ 1220 درهم ... الجهاز ممتاز بس مشكلته الوحيدة ان السوفتوير بتاعه لسة مش كتير، يعنى مثلاً مش نازل معاه برنامج يسجل notes بخط اليد (رغم ان دة من البرامج الأساسية مع التليفونات التاتش) و ملهوش برنامج يقرأ ملفات pdf -- فى Adobe reader لكن نسخة تجريبية 15 يوم فقط و تشتريه بعد كدة بـ 15 دولار و بصراحة مش مقتنع انى أدفع فلوس فى برنامج بيقرأ pdf!!! بس أعتقد ان الجهاز دة حيبدأ ينزله برامج كتير مع الوقت لأن نوكيا مهتمية بيه فعلاً و هو بدأ ينتشر جامد فى العالم و أعتقد حنبدأ نلاقى سوفتوير كتير له زى الـ iphone مع الوقت.

آه .. فى مشكلة كمان فى تصميم التليفون دة انه كان المفروض يبقى فيه navigation keys تتحرك بيها فوق و تحت و يمين و شمال لأن التحرك باليد أو القلم على الشاشة مش ظريف أوى ... أعتقد على الأقل كان المفروض أزرار الصوت اللى فى الجنب تستخدم للـ scrolling فأتمنى ان نوكيا تعمل كدة فى التحديثات القادمة للسيستم ...

آه!! افتكرت حاجة كمان ... ان السنسور بتاع اتجاه الشاشة حساس زيادة عن اللزوم و ممكن لو الجهاز مال درجة بسيطة جداً يغير اتجاه الشاشة و دى حاجة بسيطة بس بتضايق ...

لكن غير كدة فعلاً جهاز رائع و شاشة ممتازة و الfull keyboard اللى فيه فعلاً تحفة بجد.

على فكرة للى عايز موقع ظريف لأحدث البرامج اللى بتنزل للجهاز دة: http://nokia5800.net/

الموضوع: كل اللى معاه موبايل نوكيا 5800 يا ريت يدخل و يقولنا

LinkBack

أدوات الموضوع

عرض

-

-

-

-

-

-

المواضيع المتشابهه

كل اللى معاه سيراتو ياريت يدخل ؟؟؟

مين معاه نوكيا 5800 الاصدار الموسيقي؟

حد معاه نوكيا c3 يقولنا رايه ايه؟

اللى معاه بولو ياريت يدخل بسرعة .....

.::: حد عايز موبايل نوكيا 5800 أو أى نوع من الإمارات ::..

الكلمات الدلالية لهذا الموضوع

المفضلات

المفضلات

ضوابط المشاركة