-
حيران وعايز إفادة حقيقية
هاى شباب ..
دى أول مرة أكتب فيها هنا ومعاكو .... باختصار .. انا اشتريت موتوسيكل دايون 14-150سىسى من حوالى 10 أشهر بسبب الظروف التى نحن نعيشها فى مصر وبعد الفرحة والوقعة الأولى والثانية والثالثة وأخيرا بعد نزلة المنيب من على كوبرى الدائرى واللى شوفته من طيران غريب فى الفضاء ولوحدى لا خبطة ولا زقة من حد ولا من أى حاجة .. والأسباب معروفة لدى بعضكم زى : الجنزير وقع لوحده - التروس إتعوجت - القص اتفسخ (آسف على الكلمة بس أنا عايز أوضح صورة معينة) ....إلخ
المهم قررت أن أنزل وأدور على حاجة يابانى (Custem)فى حدود من 8-10000 جنيه مصرى ولكن -طبعا- لم أجد غير الضحك والسخرية من الناس والنصحية المعتادة صلح واركب وربنا يستر .. وعرفت حاجات كثيرة فى العالم الجديد عليا بتاع الموتوسيكلات وشوفت أكتر بس فى النهاية أصبحت مش عارف أعمل إيه وخايف يضّحك عليا فى موتوسيكل وأسمع الكلام (ما احنا قلنا لك- انت مستعجل- ربنا معاك...إلخ) وعرفت ان المستعمل الأوروبى (لوت) زى ما سمعت من بورسعيد أو دمياط أو الإسكندرية غالى وبعد (2-4) شهور تظهر عيوب رهيبة ليس لها أول من آخر وأنا موظف فى وظيفتين وعندى أولاد وليس عندى وقت للسنكحة أو الجلوس بجانب الميكانيكى الجميل نتونس جانب الموتوسيكل وهو بايظ وقطع غياره غالية موت .....
عايز موتوسيكل مش صينى ومش فسبة (علشان أن طولى 1.97سم) ومش مستعمل ويكون (Custem) فى المبلغ المذكور من قبل .
هل أجد مساعدة فى فهم الكلام الذى قمت بكتابته لكم .....
والسلام ختام
-
صعب جدا الكلام الي بتقول عليه
عايز يباني ومش مستعمل يعني زيرو وفي حدود 8 او 10
انا جاوبتك على الخاص
حتجيب كاستم بالسعر ده حيكون مستعمل وموديل 85 او 89
الا لو حتجيب استيد وديه موديل 90 وطالع وبتبدأ من 17 الف جنيه
هات صيني دايون 7 وخلاص اهو نفس الكاستم بس عيوبه نفس الصيني
-
المعادلة يا باشا صعبة اوي
بس لو يعني مش عايز صيني ممكن تركب هندي
بس للأسف مش هاقدر افيدك اوي بخصوص الهندي
وفيه موضوع في المنتدى عن الموتوسيكل الهندي bajaj
وكنت شفتله اعلان قبل كده
بالتوفيق
-
ما الهندي يعتبر زي الريس
القعد يعني
وهو عايز قعدة كاستم
-
باشا بصراحه السعر ده قليل شويه يعني هو اسعار الكاستم تبداء من 15000 الي ما شاء الله لو هتقدر في حاجه Steed600cc سعر نادر 16000جم وممكن يبقي فيها كلام لو عايز انا ممكن اعرفك بصاحبها بس انا لي نصيحه بلاش الجري بالمكن الصيني وربنا يسترها علينا كلنا ياباني صيني هندي كله عجلتين .
-
هاى شباب انا متشكر لذوقكم جدا وخصوصا Elgasercbr وcrx ولكن المشكلة فى السعر المشكلة انى سمعت عن BJAJ كاستم 200 سى سى ولكن لم أره حتى هه اللحظة والكلام كثير بس فى السايت اللى عليه تشوفه وانا خايف انزل بولاق ابو العلا علشان نفس الأسباب التى تجمعنا هنا فى المكان الجميل ده واود ان كل الناس تشاركنى فيه علشان الفايدة لنا كلنا علشان لما كلنا نبقى عارفين فى الكويس من الوحش ها ننصح بعض وعلى فكرة انا شوفت STEED 750 L,موديل 89 بـ 9500 من يومين فى فيصل بس حالتها مش عارف انا خوفت من كل التسقيع اللى عامله الميكانيكى عليها وقلت له إن شاء الله ها أبقى أشوف وسبته علشان مش عايز ابقى السبب فى موتى
والسلام ختام..
-
يعتبر سعره كويس
بس مفيس استيد 750 ده ممكن شادو
وبالسعر ده اكيد حالته تعبانه جدا ويمكن لا عشان مظلمش الراجل
وكمان انت كاتب سبته عشان متبقاش السبب في موتك
عايز تفهمني يعني انك لو ركبت موتوسيكل تاني لا قدر الله
انت مش معرض للوقوع
الموت ده مكتوب عليك من الله ممكن تموت لا قدر الله وانت قاعد مش وانت سايق سيارتك او الموتوسيكل
عموما انت محير نفسك وانا دليتك كذا مره
حاول تشتري قبل الصيف مايجي
سلام
Content Relevant URLs by
vBSEO 3.6.0 PL2