عندي شوية مشاكل بسيطة كده عايز استفسر عنها

**walids** · 23-04-2009 07:25 PM

السلام عليكم

عندي شوية أعراض غريبه كده ظهرت لعربيتي في الفتره الأخيره ، طبعاً أنا لسه خبرتي مش للدرجه في العربيات
العربيه اللي معايا بيجو 305

عندي العربيه الفتيس بتاعها كأنه بيعطس لما و انا ماشي بالعربيه في بداية التغيير علي الغيار الأول وا لتاني ، كأنه بيبقي مكتوم و بيطلع اللي كاتمه ، غيرت امبارح فلتر بنزين و حطيت منقي للبنزين (بنزين 80) و حالياً شكله لسه بيظبط العربيه ، فلسه مش متأكد من النتيجه ، بس العربيه لما بتمشي علي السرعات العاليه بترتاح و تتظبط

تاني حاجه العربيه في بداية غيارها علي الأول و التاني بحس انها بطيئه ، لكن سرعتها بتبقي حلوة بعد كده لما بمشي من 60 و طالع فمش عارف ده طبيعي ولا لا
فأنتم ايه رأيكم ؟ هل ده لقدر الله سببه اسطوانة و ديسك ولا ايه؟

ده الاستفسارات اللي عندي حالياً اللي فاكرها ، فياريت تجاوبوني عليها و لو فيه عندي استفسارات تانيه هكتبها

**MAHA2MAHA2000** · 23-04-2009 11:30 PM

أعتقد و الله أعلم أن البكات بتاعت الكاربيراتير عايزة تتسلك

**walids** · 24-04-2009 02:42 AM

و دي تتسلك ازاي و عند مين ؟

**walids** · 25-04-2009 02:51 AM

up .... any help ?

**the-hero** · 25-04-2009 02:59 AM

من ناحية تقطيع العربية والعطس فده فعلا بكات وفونيات الكربراتير روح شارع الترعة فى شبرا وعند عمر افندى اسئل على الحاج ابراهيم بتاع الكربراتير ملوش حل هيرجع هولك على وضع بلادة
تانى حاجه بخصوص السحب فدة نتيجة لتأكل الأسطوانة ومدام الغيرات مبتعضش يبقى الديسك سليم ولو بتحس بأى أهتزازات فى الطلعة يبقى برضة الاسطوانه لما تبقي عندك وقت فاضى فيه أبقي حل الفتيس وبص عليه

**hesham_shousha** · 25-04-2009 05:46 AM

لو العيب فى الكربراتير فأنصحك هات واحد جديد لإنى لسه مجرب تجديد الكربراتير وفرق معايا جدا ومعدل إستهلاك البنزين وصل ل 220 كيلو فى الصفيحه والعربيه بقت تمام وسعره 700 جنيه
وأعتقد إن العطس اللى عندك فى الكربراتير موش فى الفتيس لإنى ماسمعتش قبل كده عن فتيس بيعطس
والمفروض إنك تكون عرضت المشكله على ميكانيكى قبل ما تعرضها فى المنتدى وياريت تقولنا الميكانيكى قاللك ايه ؟؟

**walids** · 25-04-2009 01:25 PM

أشكركم جميعاً لمساعدتي

بشمهندس هشام ، أخبارك أيه ، أنا عارف أني مقصر معاك بس والله ظروف و ضغط الحياة
أنا معرضتهاش لسه علي ميكانيكي علي اساس ان فيه واحد صديقي قالي دي شوائب بنزين 80 ، و بدأت تطلع و مع الوقت الفواني هتنضف و هتبقي عادي ، و علي فكرة العربيه لما بتسسخن او بتمشي شوي بتبقي عادي الحركه دي بتروح