رسوم شهاده البيانات؟؟؟؟؟؟؟؟؟!!!!!

**mby** · 24-04-2009 12:45 AM

ايه حكاية ال 120 جنيه وشهاده البيانات هي العربيه الجديده تحتاج شهاده بيانات ؟؟؟؟؟؟؟؟!!!!!!
ولو فيه شهاده فعلا هل المشتري مسئول عن سداد قيمتها مش المفروض ان الوكيل (عز العرب) مسئول عن تسليم العربيه منتهيه من كافه الاجراءات والمشتري يدفع الترخيص فقط .........
والسؤال التاني هل كل فروع عز العرب بتاخد الفلوس دي ولا مدينه نصر فقط؟
والسؤال التالث لو عز العرب بياخد الرسوم دي من العملاء هل التوكيلات التانيه برضه بتعمل كده؟
ارجو الافاده لاني مش مستوعب الكلام ده

من المواضيع المنشوره
ألف مبروك يا استاذ مصطفى ربنا يباركلك فيها ويديا ويكفيك شرها
بس انا ليا سؤال عشان أنا كمان حاجز جين هو انت لما أستلمت العربيه عملت شهادة بيانات فى مرور بين السرايات ب 120 جنيه ولا أستلمت العربيه ورحصتها علطول؟
أرجو الاجابه للأهميه وشكرا مقدما الله يبارك فيك وجزاك الله خيرا

بص انا دفعت 120 جنيه فى التوكيل نفسه...اللى فى السابع ..وغالبا هى دى بتاعت شهادة البيانات....بس انا لما رحت رخصت على طول وكان معايا واحد من التوكيل هو اللى خلص كل حاجة..وانا كده كده رخصت فى مرور بين السرايات برده
وتحت امرك فى اى استفسار تانى __________________

**mby** · 24-04-2009 06:48 PM

هي حكايه رسوم الشهاده دي طلعت اشاعه ولا ايه

مافيش حد رد علي الموضوع باي حاجه
سواء من اللي بيقولوا دفعوا الفلوس
او حتي اذا كان فيه حد مادفعش برضه معلقش

**Ayman_52** · 24-04-2009 08:44 PM

مســاء الخيـــر

اولا ... هى اسمها شهادة التخليص الجمركى ....

وانا فى الاول كنت فاكر انى مادفعتش حاجه ...بس اكتشفت بعد كده انى دفعتها

وانا سالتلك عالموضوع ده ... واتقالى انها مش اجباريه حضرتك ممكن تقولهم انا هخلص الشهاده دى بنفســى .... وبتنزل وبتخلصها بنفسك ... وهى تكلفتها حوالى 30 جنيه

بس طبعا غير البنزين وضياع يوم كامل واللى بتديه للموظفين هناك عشان يخلصوا الورقه...

-------------------------

الخلاصه .... هو فعلا مبلغ بتدفعه او بتروح بنفسك وتخلص الورقه ...

وممكن لو حضرتك حاجز من الصحراوى تدفع اقل ....ليه؟؟؟

لان هناك ممكن يبيعوا 10 عربيات فى اليوم...وبالتالى بيرحوا يخلصوا 10 شهادات مع بعض وبالتالى التكلفه اقل....

انما مثلا لو حاجز من السابع فهناك بيخلصوا كل شهاده لوحدها (لانهم بيبعوا قليل) وبالتالى بيكون التكلفه اعلى من الصحراوى...

-----------------------------

صحيح نسيت اقول حاجه ... اتقالى -من شخص ثقه- ان مثلا لو انت حاجز تبع -كونتكت- مثلا..... بيدفعوك 200 جنيه ... مش 120...

-----------------------------

يارب اكون قدرت افيدك...

واى استفسار انا تحت امرك....

تحيـــاتـــى

**Osama.shihata** · 24-04-2009 09:20 PM

ايمن حبيبى
انا هتكلم للافادة
انا محسن صالح فى التوكيل الى فى الصحراوى
طلب منى 200 جنيه
وانتا عارف انا كنت حاجز عربيتين
يعنى خد منى 400 جنيه وقلى علشان الاجراءات لانى مخدتش اى ورق للعربية وانا مروح مفاتيح وضمان وكتالوج وبس
وقلت ماشى ادهمله ومدنيش ايصال ولا ديوله
بصراحة انا بعد مدفعت خفت من طرقته ان يكون فيها رشاوى
وانا مبطقش الرشاوى والهبل ده
ده المفروض ميحصلش من التوكيل اصلا
عموما
ربنا يهدى الجميع

**Ayman_52** · 24-04-2009 09:58 PM

هى فعلا.. 200 كتير جدا ... وبيستهبل فى الحته دى

وحتة بقى مافيش توكيل بيعمل كده ...مش عارف؟؟؟

وفعلا الواحد بيبقى مش عارف حاجه ... واى حاجه بتطلب منه بيدفع وهو ساكت عشان بيكون فرحان بالعربيه وكده يعنى..

بس لو كنت فصلت معاه وقولتله لا انا اللى هخلص الورقه دى ... كان ساعتها هيبقى فى كلام تانى....

**مصطفى_صديق** · 24-04-2009 10:20 PM

كلامك تمام استاذ ايمن..انا اشتريت اكتر من عربية زيرو قبل كده وانا اللى كنت بعمل شهادة التخليص الجمركى بنفسى...بس انا افتكرت انها غليت زى ما كل حاجة بتغلى

**mby** · 24-04-2009 10:40 PM

استاذ ايمن
انا باشكرك جدا لانك دايما بترد علي الاستفسارات وبتتعب نفسك من اجل مساعده وتلبيه احتياجات الاخرين
فهمت من رد حضرتك انها شهاده تخليص جمركي وليس شهاده بيانات حسب ما انا كنت فاهم من حديث كان بين اتنين علي الموقع حسب ما هو واضح مع سؤالي
المهم برضه هو رسوم شهاده التخليص الجمركي تكون علي المشتري طبعا العقل والمنطق يقول لا والف لالالالا لاني انا مش باشتري من منطقه حره انا باشتري من صاله عرض الوكيل اللي هو اشتري من ماليزيا وسدد جمارك للحكومه
وانا اعتقد حسب ما الاخ الفاضل تكرم وقال انه دفع 200 جنيه لكل عربيه في الصحراوي انها داخله بلاش في نطاق الرشوه ولكن ممكن تكون في نطاق الاكراميات الاجباريه لان برضه مش معقول الوكيل مش عايز يدفع المبلغ الصغير ده :k17:رغم انه عمل خصم لاباس به عند البيع
المبلغ المطلوب مش كبير وخصوصا مع عربيه جديده بتستلمها وفرحان بيها بس اللي بيخلي الواحد يتضايق انك تدفع اللي مش عليك او تتاخد منك فلوس مهما كانت صغيره اوكبيره بطريق الفهلوة هما لو قالوا راضي الراجل اللي هيجيب لك الشهاده او الناس اللي في المعرض حد هيقول لا ده طبيعي من غير ما يقولوا الناس بتدفع الاكراميات وممكن تكون اكتر من المبلغ ده
طولت عليك في الحديث بس انا كنت عاوز افهم او اجد اي مبرر لدفع فلوس بالفهلوة او بالعافيه علشان ارتاح

اكرر شكري وتحياتي لكم وربنا يعوضك علي تعبك من اجل الاخرين

**Ayman_52** · 24-04-2009 11:16 PM

ياباشا انا تحت امرك

وبخصوص مين اللى يتحملها ... اظن منطقيا يكون التوكيل....!!!

بس انت عارف بقى .... مافيش توكيل بيكمل حاجه للاخر لازم يسيب بواقى يتحملها المشترى الغلبان

والصراحه ماحدش مجبر يدفع الــ 120 حضرتك ممكن تروح وتخلصها بنفسك واظن تمنها 30 او 35 (ممكن اقل او اكثر بقليل مش متاكد من الرقم)

وبتكون تقسيمه الــ 120 دى ازاى..
-----------------
30 :40 تمن الشهاده

20 للموظفين عشان ينجزوا

40 تاكسى رايج جاى

والباقى بقى عشان تعب الراجل
----------------------
(الارقام تقربيه) بس انا سمعت التقسيمه دى ... من ناس شغاله فى التوكيل...

واغلب الناس بتكون عاوزه تخلص وتستلم العربيه وتفكها من قرف الانتظار..

ادفعهم وادعى بيهم على -عز-

وتستلم على خير ان شاء الله ياباشا

__________________________________________________ _____________________
بس ماتنساش المهم ... قبل ماتستلم بيوم ولا حاجه تنزل وتفصص العربيه ... وتجرب كل حاجه ... وتكون كاتب المشاكل اللى ظهرت فى سيارات الاخوه هنا ...وتركز عليهــا...
__________________________________________________ ______________________
ولو محتاج اى استفسار انا تحت امرك

طولـــت فى الكلام

تحيــــاتـــى

**m.3abdel3al** · 25-04-2009 02:15 AM

ودي الحاجات الي ممكن تبص عليها
1.الفوجات والنورو خاصة الفوجات الي ورا
2.كتاب الضمان ودليل المستخدم و الليلة دي
3.لو بجنوط في طبات للجنوط بص عليهم
4.دواسات و عدة العربية في الشنطه
5.جرب المالتي فانكشن
6.بص على موديل العربية من الزجاج
7.هات اسطوانة ام بي ثري و جربها علشان 2009 كاسيت ام بي ثري
8.افتح تانك البنزين و اتاكد انه لسة ما اتفتحش قبل كده هتلاقي فيه ورقة افلاه زي المراهم
9.بص على عداد العربية شوفه عامل كام
10.التكيف لازم تجربه

**mby** · 05-05-2009 12:38 AM

الحمدلله استلمت البيرسونا يوم الاربعاء الماضي مساء:10D5C8~1107: ومن معرض مدينه نصر وانا اتاخرت في ابلاغكم والكتابه هنا لغايه ما انتهي من قصه الترخيص والم القصه كلها علي بعض المهم اجلنا الترخيص ليوم السبت لان المرور يوم الخميس نص يوم ولغايه يوم الجمعه اخر النهار ما فيش خبر عن طلب ال120 جنيه لكن كلموني من المعرض يوم الجمعه وقاللو لي لو سمحت ادي المندوب بكره 120 جنيه سالت ليه ردوا ان دي فلوس هو قام بصرفها (رشها علي الناس) علشان يعرف يخلص الورقه من مرور بين السريات سالت تاني يعني هي مش رسوم قالوا لا هي رشه واتعاب وموصلات المندوب وانا احترمت الصراحه بتاعتهم و يوم السبت دفعت لكن واحنا بنحاول نرخص طلعت مشكله ان الورق بتاع البنك ناقص ختم والبنوك اجازه السبت فاجلنا الموضوع لظهر الاحد وقام المندوب بتخليص الموضوع في البنك وتم الترخيص علي خير
انا كتبت الكلام ده علشان عايز اقول ان الناس في معرض مدينه نصر محترمين لاني انا حسيت من مواضيع سابقه منشوره هنا ان المعرض في مدينه نصر الناس فيه متعبين شويه لكن انا الحق حسيت انهم كويسين وكانت كل مواعيدهم مضبوطه وتعاملهم ذوق وطلبهم صريح ولما طلعت مشكله في الورق والاختام اعتذروا وبسرعه قاموا بانجازها
وهكذا اصبح الشكر لهم واجب
اما العربيه والعيوب الظاهره حتي الان دي قصه تانيه هتلاقوها هنا

الموضوع: رسوم شهاده البيانات؟؟؟؟؟؟؟؟؟!!!!!

LinkBack

أدوات الموضوع

عرض

-

-

-

-

-

-

المواضيع المتشابهه

الجديد الاستعلام عن شهاده البيانات

شهاده البيانات بتاخد وقت قد اية؟؟؟؟؟؟

شهاده حق

مده صلاحيه شهاده البيانات والمخالفات كام يوم

الكلمات الدلالية لهذا الموضوع

المفضلات

المفضلات

ضوابط المشاركة