أوكتافيا A4 لمبة الزيت بتنور ساعات

**tamersalah** · 24-04-2009 02:02 AM

من يومين لمبة الزيت بدأت تنور و تصفر و بعدين تطفي. و بعدين لما تقف شوية تصفر تاني و بعد ما أمشي شوية تطفي. هي العربية كانت مركونة وكانت مغيرة زيت وفلتر قبل ما أسافر. مش عارف إيه السبب. أغير زيت وفلتر تاني ولا ده ممكن يكون بس من الركنة ؟؟؟ أرجو المساعدة يا أوكتافاوية.

**Fadi Ezzat** · 24-04-2009 02:25 AM

شوف حساس الزيت اكشف علية وشوف الفيوز بتاعة ممكن يكون ضارب

**M.Mostafa80** · 25-04-2009 12:46 AM

بص هو فى كام حاجه كده
هو ممكن يكون الفلتر فى أنسداد ومع سخونيه العربيه بتطفى اللمبه
وممكن ساعه الزيت فيها مشكله
وومكن يكون حساس أو فيوز زى ما الأخ فادى قالك
وممكن حاجه تانيه مش هقولها وأن شاء الله متكونش هيه بص بس على الحاجات دى الأول وقولنا أيه الأخبار وهو الزيت بقالو قد أيه فى العربيه

**tamersalah** · 25-04-2009 02:31 AM

والله يا محمد باشا من غير ضحك العربية مركونة حوالي سنة و لحد دلوقتي مشاويري بيها خفيفة قوي. أنا هأبص بكرة علي الكلامة ده ربنا يسهل بس قول لي خايف من إيه. أنا قلبي جامد ما تخافش.

**tamersalah** · 25-04-2009 02:33 AM

علي العموم تشكروا يا باشوات إنتم و كل السكوداوية علي المساعدة دائما.

**M.Mostafa80** · 25-04-2009 02:31 PM

سنه ياراجل ياطيب
طبعا الزيت والفلتر شكرا أحتمال تلاقلى الزيت دا نازل شحم
على فكره أنت كدا هتحتاج تغير زيت مرتين ورا بعض فى خلال فتره قليله عشان ينضف أثار الزيت القديم وكدا الى فى دماغى خلاص معتقدش أنو يبقى موجود وكان يأما طلمبه الزيت يأما اشر برا وبعيد أن الماكينه بتشرق زيت والمصطلح دا معناه أن كل الفتحات الخاصه الى بيمر فيها الزيت أتسدت ودا حوار كبير
غير زيت بسرعه وطبعا فلتر وأمشى بالعربيه مشوار أو أثنين حلوين كده وأكشف على الزيت شوفو عامل أيه وأهم حاجه انك تفك الطبه متغيرش شفط عشان لو فى حاجه أو رواسب تشحيم فى الكرتيره ينزل