الانترا ايه اللى ب 127 الف ؟ مين قال لحضرتك كده ؟ الانترا فول اوبشن مانوال glx ب 102 الف من غير فتحة سقف و سبويلر و جنوط و اظن الحاجات ديه اختيارية و كل واحد حر فى انه يحطها او لا
عرض للطباعة
التيدا سيارة تحفة بجد ياشباب
لوحد ركبها وجربها هيعرف اللى بقول عليه
حضرتك ايه دخل تيدا فى الموضوع دلوقتى ؟ احنا بنتكلم على اعتمادية هيونداى , على فكرة حضرتك ده مش اول رد ليك بالطريقة ديه تقريبا كل الموضوعات اللى حضرتك مشارك فيها نفس اسلوب الرد و كمان كل موضوعاتى اللى انا بعملها لازم تخالفنى فيها مش عارف ليه ؟
مش بخالفك ولا حاجة انا بقول رأيى فى حاجة بتتقال مش مظبوطة
واشمعنى انا اللى رديت عليه ما موضوع التيدا اتفتح من قبلى من الاخ momoneer وانا بس قلت رأى. اشمعنى معلقتش عليه هوا وعلقت عليا انا
انا فعلا بقول رأى عن التيدا عشان صديقى شريها من عام وزى الفل فعلا ممتازة
هوا حلال للناس وحرام عليا اقول رأى !!!
هى سيارة العامين او الثلاثة وبعدها تبدأ رحلة المعاناة
مين ****اللى قال كده
انذار للعضو لاستخدامة الفاظ غير لائقة
مشرف القسم
معلش يا جماعه اعذرونى المشاركه دى جت غلط
الـ هيونداى بجد عربيه ممتازة ناعمه ومش قويه بس كلها حنيه
وفعلا الـ هيونداى الموديلات الحديثه هى دى فعلا هيونداى مش الـ هيونداى اللى بتقفل هنا فى مصر !
السلام عليكم
انا مستغرب جدا من ان نتيجة التصويت 60 % للواثقين من اصل 181 مشارك كنت متخيل انها ممكن تبقى اعلى من كده
احب اقول للاخوة الافاضل انا ركبت اكسيل موديل 98 مصرى 1300 عربية الصراحة فى منتهى الجمال و كنت شاريها عاملة 235000 كلم من اول يد ليها و كان الراجل عامل الكيلو متر ده سفر يعنى العربية مستريحة و كمان كانت فابريقة بالكامل و انا بعتها عاملة 276000 و حالتها احلى مما اشتريتها بكتير
العربية التانية كانت اكسنت مو1999 كاملة مانيوال 1500 و بصراحة من احلى و اجمل العربيات اللى انا ركبتها و بعتها عاملة 190000 كلم و ماشاء الله عليها تحفة بمعنى الكلمة
اللى عايز اقوله انى ركبت هيونداى و مصرى كمان و عربيتين فى منتهى الجمال و كنت شاريهم مستعملين و زياراتى للميكانيكى كانت بسيطة موش كل شوية اروحله يعنى بس ده حال السيارات المستعملة
انا باضم صوتى لاى شخص واثق فى اعتمادية هيونداى لانها فعلا شركة جديرة بالاحترام و بتبيع دلوقتى بنسبة عالية جدا على مستوى العالم
انا كمان اتمنى من الاخوة الافاضل مراعة عنواين المواضيع الاخ الفاضل عامل الموضوع علشان خاطر يبن مدى ثقة الناس فى الهيونداى موش علشان ناس تدخل تهاجم العربية او تبدى تقارن مابينها و مابين عربيات تانية
تحياتى للجميع و كل عام و انتم طيبين
السلام عليكم .. انا سعيد بالمشاركة فى هذا المنتدى الجميل .. و لى تجربة خاصة مع الفيرنا اعتقد انها تفيدكم هنا .. اولا لدى سيارة فيرنا 1500 مانيوال موديل 2007 .. وكانت لى ملاحظات اردت مشاركتكم بها و اترك التقييم لكم .. معالعلم باننا فى الشركة ( التى اعمل بها ) نمتلك 6 سيارات نفس الموديل و السعة و لذلك كان من السهل حصر كافة الظروف و المساوئ و المميزات التى سأسرده فى نقاط متتابعة ...
1- السيارة حتى الان تخطت ال 150000 كيلو متر فى حوالى 19 شهر هى مدة استخدامها .. و هى مسافة غير مبالغ فيها نظرا لانى اعمل فى محافظات القاهرة و الجيزة و كافة محافظات الصعيد و اسافر بالسيارة حتى قنا ( طبيعة عملى ) ... و متوسطى فى الشهر حوالى 7000 الى 8000 كيلومتر
2- حدثت لى مشكلتين كبيرتين لكن كلتيهما لم يكن للسيارة دخل فيهما و هى بسبب سوء حظ و سوء تقدير منى و لا تعود للسيارة فى شئ
3- منذ انتهاء الصيانة و حتى الان لا يخلو شهر من اصلاحات اخرى بجانب الصيانة العادية .. لكن نظرا للمسافات الكبيرة التى تقطعها السيارة و اغلبها فى طرق وعرة و ايضا قد تكون السيارة محملة باكيلوجرامات كثيرة فانا ارى انها صيانات لازمة و غير مبالغ فيها مثل ضعف التكييف الذى عاد جيدا بعد الشحن ... نتشة الفتيس .. تم اصلاحها فورا ... و الاهم كان موضوع بوابة الـ sensor ال TPS التى عانيت منها انا و زملائى كثيرا لكنها عندى تم اصلاحها من ثانى مرة .. لكن ذلك فى سيارتى انا فقط و لا تزال تشكل مشكلة لزملائى
4- تم تغيير بلية و اسظوانة دبرياج و ديسك عند الكيلو 120000 بعد تهالك الاصلين
5- المشكلة التى ظهرت فى سيارتين من الستة حتى الان هى توقف عداد السرعات عن العمل توقف عند زميل لى عند 125000 و عندى على 148000 و لم اصلحه بعد
6- السيارة فى التسارع ممتازة جدا و اعتقد انه لاتوجد سيارة تقارن بها عند سرعة الانطلاق من صفر ل 100 كيلومتر
7- مشكلة اهتزاز السيارة عند 120 كيلومتر سرعة و اختفاء الاهتزاز عند 140 كيلومتر لم اجد لها حلا ابدا
8- صوت زنة واضحة مع عمل التكيف بدأ يظهر عند 80000 كيلومتر
9 - شكل السيارة يعجبنى جدا عن الانوس لكن الشيفروليه بالطبع اجمل و افخم
10- رايى الشخصى ان السيارة جيدة جدا فهى تعرضت لاشياء صعب تعرضها لاى سيارة تستخدم بداخل المدينة و انا ارى انها اثبتت كفاءتها ..
.... اشكر لكم مشاركاتكم و ارجو مشاركتى برايكم ... شكرا
هيونداي اثبتت فعلا جودة عربيتها باختلاف الموديلات...
ده مايمنعش ان في عيوب بسيطه في كل موديل بس العيوب ديه بتقل من سنه للتانيه
أعتقد ان هيكون ليهم وضع جامد جدا في السوق المصري و العالمي خلال العشر سنين اللي جايين
هيونداى كماركه اثبتت وجودها و سمعتها بتزيد مع الوقت و فى منها موديلات محترمه جدا و الضعيف فيها كموديلات بيبقى سعرها ممتاز بالنسبه لها كسياره و لمنافسنها
عربية استحملت مننا حاجات متتوصفش
احنا اكسيل