الموضوع: ماهى اسباب عومان السيارة

وبما انى كنت عاملة عفشة قريب واخدت فيها حوالى شهر عشان اضبطها

ياترى دى غلطه مطبعيه بالنسبه للكلمه الزرقاء........أعتقد ذلك

1- المساعدين خفاف

فعلا لو المساعدين الأمامين بالذات أحدهما خفيف عن الآخر يعمل عومان فى السياره......وبالذات مع السرعات ورجرجة الطريق

2- هل بيض المقصات بايظ مثلا ( علما بانه تم تركيب جلب لهم ) مع انه الفنى قال انهم حلوين لما سالته

طبعا تلف جلب المقصات يعمل عومان للسياره........وأكيد الجلب عندك مش مشحوطه كويس ...ويمكن تكون عاوز تغير مقصات كمان (لأن شحط الجلب مبيبقاش بالكفاءه المطلوبه....وفى الغالب بيتعمل مش كويس )

3- علبة الدركسيون فيها حاجة (برضوا قالى كويسة )

أعتقد علبة الدركسيون مبتعملش عومان ....وكل اللى ممكن يحصل منها رجرجه على الدركسيون.......ولو أن لو فيه تفويت داخلى فى الأسكترا ممكن برضه يعمل العومان.....وبالذات لما زيت الباور يكون بيفوت من بيبن بستم الأسكترا من جنب للتانى ( بس ده أحتماله قليل أوى ) والمفروض يكون آخر حاجه نفكر فيها بالنسبه لحتة العومان دى.................

4- هل هناك اسباب اخرى ؟؟؟؟؟؟؟؟؟؟؟؟؟؟؟؟؟؟

فيه فعلا أسباب أخرى.....زى تلف الجلب الكاوتش للميزان الأمامى .....بوش فى بيض المقصات......أختلاف فى ضغط هواء الأطارات....وهكذا

_ بالمناسبه عاوز أسأل عن حاجه ( لو سمحت أيه اللى أنا قولتهولك فى موضوع سابق ......وكلفك بدون داعى ) وبدون أحراج وياريت تحوللى الموضوع...........أصلى أنا الحته دى تعبانى شويه ونفسى أعرفها........على الأقل علشان أخللى بالى من ردودى ......أشكرك

عاوز برضه أضيف أن من ضمن الأسباب الرئيسيه لحدوث عومان للسياره ......هو أرتفاعها من الأمام عن الخلف (يعنى بوزها مرفوع من قدام )وليها سببها العلمى برضه الحته دى........ودى بنلاحظها لما تكون اليايات الخلفيه أى كلام ............

المشاركة الأصلية كتبت بواسطة samirayad

ياترى دى غلطه مطبعيه بالنسبه للكلمه الزرقاء........أعتقد ذلك
1- شكرا جزيلا يابشمهندس على سرعة الرد والنصيحة ونعم هى غلطة مطبعية
( لو سمحت أيه اللى أنا قولتهولك فى موضوع سابق ......وكلفك بدون داعى ) وبدون أحراج وياريت تحوللى الموضوع...........أصلى أنا الحته دى تعبانى شويه ونفسى أعرفها........على الأقل علشان أخللى بالى من ردودى ......أشكرك[/RIGHT][/COLOR]

2- سيادتك لم تقول الا كل خير وبالعكس انا اكن لك كل الاحترام ولارائك واجابتك التى تنم عن خبرة
ده كل اللى حصل بصراحة انى قرات عنوان على الموقع لاحد الفنيين ووصفه احد الاخوة بانه ممتاز وشغال فى مصنع دايو فقلت لنفسى اهو ده كويس وقريب اروح ليه وحصل اللى حصل وفضلت شهر دايخ معاه والعربية عفشتها مش مظبوطة ورحت لعشرة غيره مابين ميكانيكى دايو ومابين عفشجى للكشف على العفشة والكل اجمع ان العفشة عايزة تتفك لان الشغل مش صح والحاجات اللى ركبها لى بايظة ( مساعدين +بطاحات ) وشافو الحاجات اللى فكها لانى كنت اخدتها منه وحطيتها فى شنطة العربية وقالو ان الحاجات دى افضل من اللى مركبها الراجل الله يسهله وفعلا رحت لاحد الفنيين فى نفس الحى وفك حاجات الراجل المعدوم الضمير ورحت رميتها فى وشه واخدت المبلغ اللى كان بايعها لى بيه 450 جم وادانى 400 وفال ده اللى معايا النهارده قلت اخدهم منه احسن من وشه
وقام الفنى الاخر باختبار القطع اللى كانت معايا فى الشنطة وركبهم وقاللى على المقصات هنغيرهم قلت له انا جايب ليها جلب فور كلفتنى اكتر من250 مابين سعر الجلب واجرة الخراط
قال سيبنى اعمل الصح وانا مابحبش اركب غير حاجة العربية اللى بتنزل بيها ووافقته
وفعلا العربية الخبط والرزع اتمنع وبقت كويسة بالرغم انه ركب اللى كانوا راكبين قبل كده
اسف للاطاله وهذا هو ماحدث وسيادتك ليس لك دخل فيما حدث لى
واللى كان كاتب عنوان هذا الفنى ليس شخصكم الموقر
هذا هواللينك اللى عرفت منه عنوان الموضوع
http://www.nilemotors.net/Nile/showthread.php?t=19177

واشكركم مرة اخرى على مشاركتكم الفعالة والمفيدة بالموقع

2- سيادتك لم تقول الا كل خير وبالعكس انا اكن لك كل الاحترام ولارائك واجابتك التى تنم عن خبرة

الله يخليك يا أخى الفاضل ....وربنا يبارك فيك وفى الناس المحنرمه اللى زيك........وفعلا أنت راجل كده

واشكركم مرة اخرى على مشاركتكم الفعالة والمفيدة بالموقع

أشكرك مره ثانيه لزوقك.....ويكفينى فخرا شهادتك التى تبرأ ساحتى ...من قول أى معلومه قد تجلب الضرر المادى لأى أخ فى المنتدى.....

_ وكمان عاوز أقول لحضرتك أن الهدف من المنتدى على ما أعتقد ....هو التعرف على أبعاد المشاكل الخاصه بالسيارات (على الأقل كل زميل وأنا أول واحد ) يكون رايح للصنايعى وعارف أبعاد موضوعه كويس.....

_ كما أنه يجب على كل واحد بيتلقى معلومه عن عطل معين ....أن يزن مايقال له جيدا......ويسأل عليه برضه تانى (أى جار عنده سياره أو ميكانيكى أو كهربائى أمين )....ولا يأخذ مايقال له على أنه قضيه مسلم بها .....فكلامنا كله مجرد أجتهادات ...قد تصيب وقد تخطأ....

_ لأن المريض أساسا وهو العربيه مش باين قدامنا.....ولكن عند صاحبه ....وهو الأدرى بمريضه برضه ....ولكنها أجتهادات فى التشخيص......_ فى النهايه لعدم الأطاله عاوز أكرر شكرى العميق لحضرتك .....وأمانتك فى التبليغ ....تحياتى لك ولجميع الأهل الكرام