يعني لو أمين الشرطة وقفني وسألني على رخصتي ورخصة العربية أديله الرخص ولا لأ؟
عرض للطباعة
يعني لو أمين الشرطة وقفني وسألني على رخصتي ورخصة العربية أديله الرخص ولا لأ؟
فى الشارع كده من غير لجنة متديلوش حاجة طلما مفيش ظابط واقف
لكن لو رخصك سليمه اديهاله يشوفها و امشى و مش لازم تقفش اوى معاه
و لو كان هو عندة النية انو يؤذيك او يبتزك فحقك عند ربنا مش هيضيع
طبعا من حقه والموضوع مش انه امين ولا عسكرى ولا لواء
رجل الشرطه لازم يحترم لانه بيحافظ على القانون اللى بيحمينا كلنا
والمفروض انى ماشى الحمد لله كل اوراقى سليمه وعربيتى مظبوطه يبقى استحاله يحصل مشاكل
نفترض امين الشرطه ده جالو بلاغ ان فى عربيه مسروقه
مش المفروض يفتش على رخص العربيات اللى اشتبه فيها
ولا يستنى لما اللجنه تتنصب ويكون الحرامى هرب
احترام راجل القانون وااااااااجب
واحترااامه لينا وااااااااجب
انت لو مرضيتيش تديلوا الرخص ومشيت
ممكن يبلغ بالجهاز عليك
انا قبل كده كنت نازل من المقطم ومعايا 3 بنات اصحابي في الكليه وامين الشرطه وقفني في الكمين الثابت اللي بيبقي عند مخارج المقطم
وبيقولي رخصك قولتله خير قالي العربيه دي متبلغ عنها
قولتله ومين اللي بلغ
قالي الظابط بلغني بالاسلكي وقالي افتشك
قولتله يعني انك بتتعدي علي العربيه وعايز تفتشها بدون اذن وكمان واقف عامل نفسك زي قطاع الطرق
فين كارنيهك اصلا (اصله كان لابس ملكي)
لقيته اتلبش وقالي طيب حضرتك ممكن اسمعك بالاسلكي البلاغ
قولتله هو اللي انت بتعمله ده قانوني لقيته اتلبش وقالي ياباشا دي بسيطه وكلك نظر
قولتله مش تقول ان الحكايه كده وروحت مطلع 50 جنيه من جيبي بس اخد رقمها من غير ما ياخد باله
وبلغت عنه شرطه الانضباط لأن في واحده من اصحابي دول والدها عميد شرطه
وفعلا شرطه الانضباط وصلت بعد حوالي نص ساعه وفتشته وطلعت ال 50 جنيه بتسلسل الرقم اللي قلت عليه
واخد جزا
علشان هما اصلا شغالين قطاع طرق
مش بيحافظو علي المرور ولا أمن ولا أمان