الموضوع: هل فيه كتير مننا بيلتزم بالقاعده دى وهو سايق سيارته ؟؟؟

انا بجد بيكون نفسي اعمل كده
بس عندنا كثافه مروريه فظيعه يا استاذ سمير
يا استاذي انا بقي مش هتكلم علي المسافه القانونيه الموضوع ده عادي بالنسبه للناس
انا بتجنن من الناس اللي علي الدائري وبلاقيه ماشيه فوق الخط
يعني واخد حارتين مع بعض علشان يعدي من وسط العربيات
ولما تزمرله علشان هو ماشي غلط
تلاقيه عايز يقف وينزل يضرب
بصراحه شعب غرييييييييييييييييييييييي ييييييييييييييييييييييييي ييييييييييييييييييييييييي يييييييييب

هو ممكن اى حد يسوق بدون هذه القاعدة الاساسية للامان (خارج مصر طبعا) - طبعا لا يمكن

لكن فى مصر

هذه المسافة تتركها حتى يدخل فيها الفهلوى والحدق وغيرهم -- للاسف هما فاهمين كده

مش عارف بصراحة مين الذكى اللى علمهم وفهمهم كده

نسبة كبيرة جدا من الحوادث اللي بتحصل في مصر بسبب عدم تطبيق القاعدة ديه
على الرغم انها مهمة جدا جدا.
من حق اي واحد انه يقف فجأة لو شاف حاجة ظهرت قدامة فجأة او شخص بيعدي. يبقى اللي ورا هو اللي لازم يسيب مسافة.
انما تقو ايه للشعب اللي فاكر نفسه بيسوق كريزي كار في مدينة ملاهي.
انا بحاول انفذ القاعدة ديه على قد ما اقدر انما ابص ورايا الاقي العربيت لاصقة فيا لدرجة اني
ماباشوفشي كبوت العربية للي ورايا من كتر ماهو مقرب مني جدا
ربنا يهدي الناس

انا بطبق القاعدة دي لراحتي النفسية مش أكتر سواء بقي الناس إستخدمت المسافة دي للغرز أو إنها تحشر نفسيها و اللي بييجي يعمل أراجوز فيها بنبهه إنه غلطان بالنور و خلاص يولع بجاز بعد كدة بقي عايز يمشي محترم عايز يجري عايز يتقلب هو حر .

اما بالنسبة لو حد لزق فيا و ده بيحصل كتير بثبت سرعتي غلاسة و أشغله الإنتظار .. و لو جه جنبي و بصلي مبعبروش .. و لكن في كل الأحوال مش بعديه لأن دي بلطجة، لو طلب يعدي يذوق و قلبلي نور و انا جنبي فاضي هوسعله إنما بالطريقة دي يبقي بيقل أدبه و خليه مزنوق ورايا أحسن .

دائما أترك مسافة بيني و بين السيارة التي أمامي حتى لو ده هايخرني و يوصلني البيت متأخر .
المهم أوصل احسن ما أدشدش عربيتي ........... أو يتم تغسيلي و دفني في نفس اليوم إذا كان جسمي لسة حتة واحدة


بما أني بسافر كتير بشوف مصايب على الطريق و بلاوي سودة بجد و غباء ملوش حل ...

فمثلا لو ماشي في طريق فردي و أدامي تريلا مثلا و ورايا الأخوة المستعجلين اللي عايزين يتخطوا التريلا
بأصبر لغاية لما الكل يتخطى تماما و يصبح لا يوجد غيري أنا خلف التريلا ......... و الجهة المقابلة أقرب سيارة بيني و بينها مسافة تخليني أشوفها صغيرة جدا جدا
و بعدين أتخطى .........
لو في طريق زي الدائري أقصد السيرك اللي في القاهرة .......... بأخد يمين ......... و أمشي على ٧٠ أو ٦٠ ........... لغاية ما أوصل سليم لو الطريق زدحم
لو الطريق فاضي و يسمح بالسرعة ........... بأديها ٩٠ في الحارة الشمال ...........
و لازم أسيب مسافة كافية .........بس للآسف ......... دايما تتسرق و ألاقي شوية ناس حقيرة سرقتها و قفلت
و ألاقي نفسي بأتقهقر لورا ...........

بس برضه متمسك بالسواقة بالطريقة دي ............. على الأقل أوصل سليم
و حسبي الله و نعم الوكيل في الشعب المتخلف