الموضوع: @ مشروعــات صغيــرة @

موضوع جميل يا باشا
انا هبدأ احكى عن تجربتى يمكن تفيد اى حد
انا خريج هندسه قسم ميكانيكا 2005 و انا كنت قارى فاتحه و مستعجل اخر حاجه فقلت مش هستنى و ادور على شغل و لسه جيش و حوارات ففكرت فى مشروع خاص على الاد كده و روحت فاتح سايبر فى اجازه نص السنه بتاعه بكالوريوس و استلفت فلوسه من والدى و كنت بسددله كل شهر جزء
و بعد سنه تقريبا كنت خلصت حوارات الجيش و اخدت تاجيل الحمد لله بدأت ادور على شغل فى شركات و ربنى كرمنى بس الشركه كانت تعبانه شويه مرتب على ادو و بعدين فكرت فى مشروع اكبر لانى قلت شكل مفيش خير فى الشركات و فتحت توكيل لدهانات يوتن مع واحد صاحبى شريكى و روحت نفضت للشركه و ركزت فى العمل الحر مفيش احسن و اريح منه بكتير راحه نفسيه و شغلك تتعب تلاقى وقتى بس طبعا المشروع كان فى اوله ووقفته انا و شريكه خطوه بخطوه و خلال ده كنت اجوزت و بقى فى بيبى فى السكه فدورت على شركات تانى بس شركات تكون محترمه و الحمد لله ربنا وفقنى بشركه محترمه و راتب كويس بس ان شاء الله هى فتره و هسيب الشركه برضه و اتفرغ للعمل الحر اللى مفيش احسن منه مهما كان الشغل فى الشركات
طولت عليكو اوى انا عارف
لو اى حد عنده استفسار عن المجالات اللى اشتغلت فيها انا فى الخدمه

على بركه الله نبدأ بأول مشروع وهو


- مشروع الكتابة والطباعة على الكمبيوتر -*

فى البداية المشروع ده أول مشروع أبدأه فى حياتى بعد تخرجى من الجامعة والحمد لله ربنا كرمنى فيه جدا وأخدت فيه سمعه كويسه .

- مزايا المشروع -

* المشروع دا ممكن تبدأ فيه بمبلغ بسيط جدا ( تقريباً) 500 أو 600 جنيه وممكن توصله لمبلغ أكبر من كدا بكتير وكل ما كبر المبلغ كان أفضل وأحسن طبعاً.

- مكونات المشروع -

1) مكان ( أى مكان يخطر فى بالك محل تجارى - شقة - ممكن حتى فى حجرتك الخاصة ).
2) جهاز كمبيوتر ( فى البداية لا تحتاج لجهاز مواصفاته عالية قوى ) يعنى لو عندك جهاز قديم يبقى تمام أو ممكن تشترى جهاز مستعمل أو جديد حسب امكانياتك المادية.
3) طابعة ليزر : ( ممكن الإستغناء عنها فى البداية - يعنى ممكن تطبع عند أى شركة بره لغاية ما تقف على رجليك وعلى العموم هيا سعرها متوسط يعنى لو استعمال اعتقد ممكن توصل 500 جنيه أو أقل مش متذكر بالظبط ).
4) اسكنر ( ماسح ضوئى ) : ودا له استخدام حلو جدا فى الشغل ده غير استخدامه فى سحب الصور .
5) خط انترنت ( ودا هاتحتاجه قوى لحاجات كتير )
6) كمية ورق طباعة . وزن 80 جرام - مقاس A4.






- تنفيذ المشروع -

* أهم شئ العزم والنية والاعتماد على الله عز وجل
وبعدها انك تكون عندك دراية ببرامج النشر المكتبى زى الوورد والإكسل .
كمان تكون بتكتب صح بمعنى انك تقلل نسبة الأخطاء عندك لأقل درجة ممكنة .
السرعة فى الكتابة بتيجى مع التعود وكتر الممارسة.

- مزايا المشروع -

- المشروع مربح ونسبة المخاطرة فيه ضعيفه جدا وممكن تكون تكاد معدومة .
- امكانية تطوير المشروع .
- لا تحتاج لعمالة أو أيدى عاملة فى المشروع ( يعنى ممكن تبدأ لوحدك )
- تكاليف الإنتاج إن كان يصح نسميها كده قليلة جدا ( زى حبر للطابعة أو ورق الطباعة .. الخ )

- أرباح المشروع -

* لو هاتكتب عندك وتطبع عندك تكلفة الورقة الواحدة حوالى من 15 - 20 قرش تقريباً ( سعر الورقة فى شركات الكمبيوتر من 1 لـ 1.5 جنيه تقريباً ) انما فى البداية حاول تكسب زبون وتخفض السعر ده شوية.
* لو هاتكتب عندك وتطبع بره الموضوع هايختلف شوية ( يعنى لو هاتاخد إللى انتا كتبته على فلاشة مثلاً وطبعته فى أى شركة هيحاسبك طباعة 50 قرش للورقة وعلى حسب تعاملك برده .
* لو الإمكانيات محدودة قوى – يبقى الأحسن انك تتعامل مع شركة من الشركات – بمعنى انك تتفق معاهم انك هاتكتب لهم مقابل اجر أو بالقطعة حسب الاتفاق .

- التسويق -

تسويق مشروعك مهم جدا لضمان نجاحه وشهرته ، فى البداية ممكن تعتمد على المعارف والأصحاب .
* الإعلانات الجامعية ومشاريع التخرج 0زى مشروع التخرج الخاص بكليات الهندسة وغيره)
* عمل الأبحاث وطباعتها وممكن تعمل الأبحاث دى بنفسك وتسوقها بمعرفتك لأصحابك.
* طباعة الملازم والمذكرات للطلاب والمدرسين .... الخ
* فكر ... هتلاقى مليون حته ممكن تسوق فيها مشروعك
والله الموفق

- ملحوظة أخيرة -أى استفسار آخر حول المشروع أنا فى الخدمة

على فكره انا مستعجل اعرف ازاي اقدر اعمل المشروع الحر ده
وبالذات اللي انت فلت عليه
فاكر طبعا

المشاركة الأصلية كتبت بواسطة kliken

موضوع جميل يا باشا
انا هبدأ احكى عن تجربتى يمكن تفيد اى حد
انا خريج هندسه قسم ميكانيكا 2005 و انا كنت قارى فاتحه و مستعجل اخر حاجه فقلت مش هستنى و ادور على شغل و لسه جيش و حوارات ففكرت فى مشروع خاص على الاد كده و روحت فاتح سايبر فى اجازه نص السنه بتاعه بكالوريوس و استلفت فلوسه من والدى و كنت بسددله كل شهر جزء
و بعد سنه تقريبا كنت خلصت حوارات الجيش و اخدت تاجيل الحمد لله بدأت ادور على شغل فى شركات و ربنى كرمنى بس الشركه كانت تعبانه شويه مرتب على ادو و بعدين فكرت فى مشروع اكبر لانى قلت شكل مفيش خير فى الشركات و فتحت توكيل لدهانات يوتن مع واحد صاحبى شريكى و روحت نفضت للشركه و ركزت فى العمل الحر مفيش احسن و اريح منه بكتير راحه نفسيه و شغلك تتعب تلاقى وقتى بس طبعا المشروع كان فى اوله ووقفته انا و شريكه خطوه بخطوه و خلال ده كنت اجوزت و بقى فى بيبى فى السكه فدورت على شركات تانى بس شركات تكون محترمه و الحمد لله ربنا وفقنى بشركه محترمه و راتب كويس بس ان شاء الله هى فتره و هسيب الشركه برضه و اتفرغ للعمل الحر اللى مفيش احسن منه مهما كان الشغل فى الشركات
طولت عليكو اوى انا عارف
لو اى حد عنده استفسار عن المجالات اللى اشتغلت فيها انا فى الخدمه

م / محمد سعد
منور الموضوع
وجزاك الله خيراً على مشاركتك الجميلة دى وشكراً لك على حرصك على خدمة الغير
وفعلا العمل الحر جميل جدا برغم المخاطر اللى فيه

تحياتى لك

المشاركة الأصلية كتبت بواسطة musiccairo

على فكره انا مستعجل اعرف ازاي اقدر اعمل المشروع الحر ده
وبالذات اللي انت فلت عليه
فاكر طبعا

ههههههههههههههه
شوفت قله الصبر عملت ايه
لو صبرت دقيقة كنت شوفت الموضوع
دا احنا لسه بنقول ان الله مع الصابرين

على العموم شوف المشروع اللى كتبته وقولى رأيك ولو عجبك وعندك أى استفسار أنا تحت أمرك

الظاهر اني كتبت بعد ما حضرتك نزلت بالموضوع
مبدأيا كل شئ متوفر عندي عدا الاسكنر و والورق والحبر ودي حاجات سهله
المعارف والاصحاب مش موجودين اصلا :d
لاني ساكن في مدينة العاشر من رمضان وعلاقتي بيها البيت فقط
انما في القاهره يوجد الكثير والكثير
طيب سؤال عالماشي كدا
عندنا في المدينه هنا مفيش اكتر من المصانع والشركات
تفتكر ممكن بيكونو بيحتاجو حد يكتبلهم بردو
على فكره فكرة المشروع ده هايله جدا جدا جدا

بجد موضوع جامد انا كان نفسى يبقى عندى ورشه صغيره
كل اللى عايزه فيها
عربيه موديل قديم شويه وفعلا حددته
شويه معجون بتاع السمره وخبره بسيطه عن السمكره لأنى ما اعرفش كتير عنها
عدد وخامات
وطبعا مكان الجراج او الورشه دى يكون واسع شويه
وهتشوفوا الشغل على حق وفى خلال 6 شهور من العمل هطلع من تحت ايدى تحفه
انا متأكد من نفسى لكن مش متأكد من امكانيات اشغل دى

المشاركة الأصلية كتبت بواسطة musiccairo

الظاهر اني كتبت بعد ما حضرتك نزلت بالموضوع
مبدأيا كل شئ متوفر عندي عدا الاسكنر و والورق والحبر ودي حاجات سهله
المعارف والاصحاب مش موجودين اصلا :d
لاني ساكن في مدينة العاشر من رمضان وعلاقتي بيها البيت فقط
انما في القاهره يوجد الكثير والكثير
طيب سؤال عالماشي كدا
عندنا في المدينه هنا مفيش اكتر من المصانع والشركات
تفتكر ممكن بيكونو بيحتاجو حد يكتبلهم بردو
على فكره فكرة المشروع ده هايله جدا جدا جدا

أولا الحمد لله إن الموضوع عجبك
ثانياً الشركات والمصانع هتبقى صعبة شوية لأن معظمهم عنده سكرتارية وأجهزة لكن مفيش مانع انك تحاول مش هتخسر حاجه
بس اللى انا فهمته منك انك لسه طالب فى الجامعة يعنى ممكن تسوق لشغلك جوا الجامعة نفسها.
لو عندك امكانية تجيب اسكانر يبقى هاته لأنك هتحتاجه فى شغل الكتابة باللغات التانية ( سر المهنة بقى) انما وعد أقولك عليه - لأنك أكيد هيطلب منك شغل بالأنجليزى أو الفرنساوى على الأقل
وكل ما خلصت شغلك أسرع وبدقة أكبر تبقى كسبت رضا الزبون وأخدت شهرة كبيرة فى مجالك.
وربنا يوفقك وانا متابع معاك لأى استفسار آخر.